4-НҖИ БӨЛҮМ
Пулы нәдип совмалы?
«Максатлар маслахат билен беркарар боляндыр» (Сүлейманың тымсаллары 20:18).
Бизиң әхлимизе-де машгаламызы эклемек үчин пул герек (Сүлейманың тымсаллары 30:8). Онсоңам, «пул гораг» берйәр (Вагыз китабы 7:12). Әр-аяла пул барада гүррүң этмек кын болмагы мүмкин, йөне пул себәпли машгалаңызда кынчылыгың дөремегине ёл бермәң (Эфеслилер 4:32). Әр-аял бир-бирине ынанмалы ве пулы нәдип совмалыдыгыны биле чөзмели.
1 ӨҢҮНДЕН МАСЛАХАТЛАШЫҢ
МУКАДДЕС ЯЗГЫЛАРДА НӘМЕ ДИЙИЛЙӘР: «Адам җай салмак ислесе, өңүрти отурып, пулуны хасапламазмы?» (Лука 14:28, ТД). Шол себәпли пулуңызы нәдип совмалыдыгы барада биле отурып маслахатлашмак ваҗып (Амос 3:3). Сиз нәме сатын алҗакдыгыңызы ве нәчерәк пул герекдигини аныклаң (Сүлейманың тымсаллары 31:16). Бир зады сатын алмага пулуңыз болса-да, шол зады хөкман алмалыдыгыңызы аңлатмаяр. Берги этмекден гача дуруң. Диңе өзүңизде бар болан пулы совҗак болуң (Сүлейманың тымсаллары 21:5; 22:7).
МАСЛАХАТ
-
Эгер айың ахырында артыкмач пулуңыз галса, оны нәмә совмалыдыңызы биле чөзүң
-
Эгер пулуңыз етмезчилик этсе, чыкдаҗыларыңызы азалдың. Меселем, тайяр нахар сатын алмагың дерегине, өзүңиз бишириң
2 ДОГРУЧЫЛ БОЛУҢ
МУКАДДЕС ЯЗГЫЛАРДА НӘМЕ ДИЙИЛЙӘР: «Яланы эгниңизден чыкарып, хер бириңиз өз якыныңыза хакыкаты айдың» (Эфеслилер 4:25). Нәче пул газаняндыгыңызы ве совяндыгыңызы янёлдашыңыздан гизлемәң.
Пул билен баглы ваҗып карара гелениңизде, хемише янёлдашыңыз билен маслахатлашың (Сүлейманың тымсаллары 13:10). Пулы нәдип совмалыдыгы барада маслахатлашсаңыз, машгалаңыз агзыбир болар. Газанян пулуңыза диңе өзүңизиңки ялы дәл-де, машгалаңызың пулы хөкмүнде гараң (1 Тимотеос 5:8).
МАСЛАХАТ
-
Бир зат сатын алмаздан өң, янёлдашыңыз билен маслахатлашың
-
Пул барада кынчылык йүзе чыкманка, геплешиң