Testemuña ba Jeová iha lista kona-ba filme, livru, ka múzika ruma neʼebé sira labele haree ka rona ka lae?
La iha. Organizasaun Testemuña ba Jeová la iha lista kona-ba filme, livru ka múzika espesífiku ruma neʼebé labele haree ka rona. Tanbasá?
Bíblia anima ema hotu atu treinu sira ida-idak nia “kbiit atu tetu didiʼak” hodi sira rasik bele hatene buat neʼebé diʼak no buat neʼebé aat.—Ebreu 5:14.
Bíblia fó sai matadalan oioin neʼebé ajuda ema Kristaun ida-idak atu tetu didiʼak kona-ba hili filme, livru, ka múzika. a Ami hakarak halaʼo ami-nia moris hodi “kontinua buka-hatene kona-ba buat neʼebé halo Naʼi kontente”.—Éfeso 5:10.
Bíblia hanorin katak laʼen mak família nia ulun, tan neʼe sira iha kbiit atu foti desizaun kona-ba filme ka múzika neʼebé ninia feen ka oan sira bele haree ka rona. (1 Korinto 11:3; Éfeso 6:1-4) Maibé, la iha ema ida mak iha direitu atu tesi-lia ka bandu maluk fiar-naʼin seluk atu labele haree filme ruma ka rona múzika husi artista ruma.—Galásia 6:5.
a Porezemplu, Bíblia haruka ita labele envolve an iha espiritizmu, sala seksuál, no mós violénsia.—Deuteronómio 18:10-13; Éfeso 5:3; Koloso 3:8.
Karik Ita sei gosta
PERGUNTA HUSI JOVEN SIRA
Haʼu bele rona ba múzika naran deʼit ka lae?
Tanba múzika iha kbiit, aprende oinsá atu hili ho matenek.
ISTÓRIA HUSI PINTÓR
Vídeo Game: Sempre diʼak ba Ita ka lae?
Vídeo game bele lori kontente, maibé bele lori mós perigu. Oinsá mak Ita bele sees husi perigu sira-neʼe no hetan susesu?
BÍBLIA NIA HANORIN
Koko ami-nia kursu Bíblia
Hahú kursu Bíblia ho gratuitu hamutuk ho Testemuña ida.