Hantle-ntle ke Mang ea Laolang Lefatše?
Na u nahana hore ke . . .
-
Molimo?
-
batho?
-
kapa ke motho e mong ea itseng?
BIBELE EONA E RE’NG?
E re: “Lefatše lohle le laoloa ke Ea Khopo.”—1 Johanne 5:19.
“Mora oa Molimo o tletse . . . ho felisa mosebetsi oa diabolose.”—1 Johanne 3:8, New Century Version.
HO TSEBA SEE HO KA U THUSA JOANG?
Ho ka u thusa hore u utloisise ka ho hlakileng hore na mathata a lefatše a bakoa ke eng.—Tšenolo 12:12.
Ho ka u thusa hore u be le mabaka a ho lumela hore maemo a lefatše a tla loka.—1 Johanne 2:17.
NA KA SEBELE RE KA LUMELA SEO BIBELE E SE BUANG?
E, bonyane ka mabaka a mararo:
-
Puso ea Satane e tla felisoa. Jehova o ikemiselitse ho felisa bolaoli ba Satane holim’a lefatše. O tšepisa hore o tla ‘etsa Diabolose lefeela’ a be a tlose ka ho feletseng tšenyo eohle e bakiloeng ke Satane.—Baheberu 2:14, Phetolelo ea Lefatše le Lecha.
-
Molimo o khethile Jesu Kreste hore a buse lefatše. Jesu o fapane ka ho feletseng le ’musi oa hona joale oa lefatše ea sehlōhō le ea nang le moea oa boithati. Ha Molimo a bua ka puso ea Jesu, o tšepisa hore ‘o tla utloela ea tlaase le ea futsanehileng bohloko . . . O tla lopolla meea ea bona khatellong le pefong.’—Pesaleme ea 72:13, 14.
-
Molimo a ke ke a bua leshano. Bibele e bolela ka ho hlaka hore: ‘Ho ke ke ha khoneha hore Molimo a bue leshano.’ (Baheberu 6:18) Ha Jehova a tšepisa hore o tla etsa ntho e itseng, ho tšoana leha eka e se e etsahetse! (Esaia 55:10, 11) “’Musi oa lefatše lena o tla lahleloa ntle.”—Johanne 12:31.
U KA ’NA UA IPOTSA
Lefatše le tla ba joang ha ’musi oa lona a se a tlositsoe?
Bibele e araba potso ena ho PESALEME EA 37:10, 11 le ho TŠENOLO 21:3, 4.
Mohlomong u ka Rata le
MOLULA-QHOOA
Ke Hobane’ng ha ho le Thata Hakaale Hore Lefatše le be le Khotso?
Ho sa tsotellehe hore na ba bangata ba leka ka matla hakae, batho ha ba khone ho tlisa khotso. Hlokomela lebaka la seo.
ESSENTIAL BIBLE TEACHINGS
Ke Hobane’ng ha Molimo a sa Felise Mathata?
Bibele e na le likarabo tse khotsofatsang le tse tšelisang.
LIPOTSO TSA BIBELE LIA ARAJOA
Na Diabolose ke Motho oa Sebele?
Na Diabolose empa e le bokhopo bo ka hare ho batho, kapa na ke motho oa sebele?
MOLULA-QHOOA
Na re Lokela ho Tšaba Satane?
Molimo o fana ka lintho tse ’nè tse ka u sireletsang litlhaselong tsa Satane.
MABAPI LE RŌNA
Ke Hobane’ng ha U Lokela ho Ithuta Bibele?
Bibele e thusa batho ba limilione hore ba fumane likarabo tsa lipotso tsa bohlokoa bophelong. Na u ka rata ho ba e mong oa bona?
MABAPI LE RŌNA
Kōpa Thuto ea Bibele
U ka rutoa Bibele ka nako ea hao le sebakeng seo u se khethang ntle ho tefo.
