Leximi dhe studimi i Biblës është veçori kryesore e JW Library.

Ndiq këto udhëzime që të shkarkosh dhe të përdorësh Biblat:

•  Si të shkarkosh një Bibël

•  Si të fshish një Bibël

•  Si të përditësosh një Bibël

Mund të shkarkosh çdo përkthim të Biblës që dëshiron për ta lexuar dhe për ta studiuar kur je offline.

• Te shiriti në krye të ekranit, prek te Bible ose Bibla, pastaj prek te Books ose Libra për të parë listën e librave të Biblës.

• Hap panelin App Commands ose Shiriti i kategorive, pastaj prek te butoni Languages ose Gjuhët për të parë listën e të gjitha Biblave që disponohen. Përkthimet në gjuhët që përdor më shpesh, janë në krye të listës. Gjithashtu mund të kërkosh një përkthim duke shkruar emrin e gjuhës ose emrin e përkthimit të Biblës. Për shembull, shkruaj «int» për të gjetur Kingdom Interlinear në anglisht ose «port» për të gjetur të gjitha Biblat në portugalisht.

• Biblat që nuk i ke shkarkuar ende, tregohen me një ikonë në formë reje. Prek te një Bibël për ta shkarkuar. Pasi Bibla shkarkohet në pajisjen tënde, ikona në formë reje zhduket. Prek përsëri te Bibla për ta lexuar.

Nëse nuk e gjen përkthimin e Biblës që dëshiron, të lutemi të kërkosh përsëri më vonë. Përkthime të tjera do të shtohen sapo të jenë në dispozicion.

Mund ta fshish një përkthim të Biblës nëse nuk të duhet më ose nëse dëshiron të lirosh hapësirë.

Herë pas here, mund të ketë përditësime për ndonjë Bibël që ke shkarkuar.