O le Tusi i le Faapotopotoga i Roma 8:1-39
8 O le mea lea, e lē faasalaina i latou e autasi ma Keriso Iesu.
2 Auā ua aumaia e le tulafono a le agaga le ola i le autasi ma Keriso Iesu, lea ua faasaʻolotoina ai outou+ mai i le tulafono a le agasala ma le oti.
3 O le mea na lē mafaia e le Tulafono+ ina ua vaivai+ ona o le tino, ua faia lea e le Atua i lona auina mai o lona lava Alo+ e pei o se tagata agasala,+ ina ia aveesea ai le agasala, na ia taʻusalaina ai agasala i le tino,
4 ina ia faataunuuina mea tonu e manaʻomia e le Tulafono iā i tatou,+ o ē e savavali e tusa ma le agaga,+ ae e lē tusa ma le tino.
5 Auā o i latou e ola e tusa ma le tino, e taulaʻi atu o latou manatu i mea a le tino,+ a o ē e ola e tusa ma le agaga, e taulaʻi atu i mea a le agaga.+
6 O le taulaʻi atu o manatu i le tino, e iʻu ai i le oti,+ a o le taulaʻi atu o manatu i le agaga, e iʻu ai i le ola ma le filemu;+
7 ona o le taulaʻi atu o manatu i le tino ua avea ai se tasi ma fili o le Atua,+ auā ua lē usiusitaʻi atu i le tulafono a le Atua, ma e lē mafai lava.
8 O i latou la e ola e tusa ma galuega a le tino, e lē mafai ona latou faafiafiaina le Atua.
9 A o outou, e tou te ola e tusa ma le agaga,+ ae e lē tusa ma le tino, pe afai e iā te outou moni le agaga o le Atua. Ae afai e lē o iai i se tasi le agaga o Keriso, e lē fai o ia mo Keriso.
10 Ae afai e autasi le Keriso ma outou,+ ua oti le tino ona o le agasala, ae ua maua le ola e ala i le agaga ona o le amiotonu.
11 Afai la ua nofo iā te outou le agaga o lē na toe faatūina mai Iesu mai i le oti, e faaola foʻi e lē na faatūina mai Keriso Iesu mai i le oti+ o o outou tino augavale,+ e ala i lona agaga o loo nofo iā te outou.
12 Uso e, e lē faamalosia i tatou e ola i le tino, ma faia galuega a le tino;+
13 auā afai tou te ola e tusa ma le tino, e oti lava outou; ae afai tou te faaumatia galuega a le tino+ e ala i le agaga, e ola ai outou.+
14 O i latou uma e taʻitaʻiina e le agaga o le Atua, o atalii ia o le Atua.+
15 Auā e tou te leʻi maua le agaga o pologa e toe fefefe ai, ae ua outou maua le agaga o ataliifai, o le agaga foʻi lea ua tatou alalaga atu ai: “Ava,* le Tamā e!”+
16 Ua molimau le agaga lava lea faatasi ma o tatou agaga,+ o i tatou o fanau a le Atua.+
17 Afai la o fanau i tatou, o i tatou foʻi o suli, o suli o le Atua, o suli faatasi+ ma Keriso, pe afai e tatou te tigāina faatasi,+ ina ia faamamaluina faatasi+ foʻi i tatou.
18 O le mea lea, ua ou manatu ai o puapuaga e oo mai i le taimi nei, e lē mafai ona faatusaina i le mamalu e faaalia mai e ala iā i tatou.+
19 Auā o loo faatalitali ma le matuā naunau atu le foafoaga i le faaalia mai o atalii o le Atua.+
20 Ua faatoʻilaloina le foafoaga i le iʻuvale,+ e lē ona o lona lava loto, ae e ala iā te ia na faatoʻilaloina ai, ma saunia foʻi le faamoemoe
21 ina ia saʻoloto ai le foafoaga+ mai i le faapologaina i mea leaga, ma maua ai le saʻolotoga mamalu o le fanau a le Atua.
22 Auā ua tatou iloa o loo ōi faatasi pea ma tigā faatasi foafoaga uma e oo mai i aso nei.
23 E lē gata i lea, ae o i tatou foʻi o loo iai uluaʻi fua, o le agaga lea, ua tatou feoi foʻi i totonu iā i tatou lava,+ a o tatou matuā faatalitali atu e avea ma ataliifai,+ ma le faasaʻolotoina mai i o tatou tino e ala i le togiola.
24 Auā ua faaolaina i tatou i lenei faamoemoe; a o le faamoemoe ua vaaia, e lē o le faamoemoe lea, auā pe e faapefea ona toe faamoemoe se tasi i le mea ua ia vaaia?
25 Ae afai e tatou te faamoemoe+ i mea e tatou te lē o vaaia,+ e tumau pea ona tatou matuā faatalitali i ai.+
26 E faapena foʻi ona fesoasoani le agaga i o tatou vaivaiga;+ auā o le faafitauli, e tatou te lē iloa po o ā mea e ao ona tatou tatalo atu ai, ae ua ʻaiʻoi atu le agaga mo i tatou i le taimi e tatou te ōi ai ae e lē mafai ona faamatalaina.
27 Ae o lē e suʻesuʻe i loto,+ ua ia silafia gaoioiga a le agaga, auā o le agaga lea o loo ʻaiʻoi atu i le Atua mo le ʻaupaia.
28 Ua tatou iloa ua faia e le Atua ana galuega uma, ina ia felagolagomaʻi mo le lelei o i latou o ē e alolofa i le Atua, o i latou ia ua valaauina e tusa ma lona finagalo;+
29 auā o i latou na ia silafia muamua, ua ia muaʻi tofia foʻi i latou ina ia atagia atu ai lona Alo,+ ina ia avea o ia ma ulumatua+ i le toʻatele o uso.+
30 O ē foʻi ua ia muaʻi tofia,+ o i latou na ua ia valaauina;+ ma o ē ua ia valaauina, o i latou na ua ia taʻuamiotonuina.+ O ē ua ia taʻuamiotonuina, o i latou na ua ia faamamaluina.+
31 O le ā la sa tatou upu i nei mea? Afai e ʻau le Atua ma i tatou, o ai la e faasagatau mai iā i tatou?+
32 Talu ai e na te leʻi faasaoina lona lava Alo, ae ua foaʻiina mai o ia mo i tatou uma,+ pe e lē agalelei mai ea o ia faatasi ma ia, ma foaʻi mai iā i tatou isi mea uma?
33 O ai e na te moliaina ē ua filifilia e le Atua?+ O le Atua o Lē e taʻuamiotonuina i latou.+
34 O ai e na te faasalaina i latou? O Keriso Iesu o lē na maliu, ae e sili atu i lenā, o lē ua toe faatūina mai i le oti, o loo iai o ia i le itu taumatau o le Atua,+ ma o loo ʻaiʻoi atu foʻi o ia mo i tatou.+
35 O ai e na te faateʻaeseina i tatou mai i le alofa o Keriso?+ Po o puapuaga ea, po o mafatiaga, po o sauāga, po o le fia ʻai, po o le lē lavalavā, po o lamatiaga, po o le pelu?+
36 E pei ona tusia: “Ua fasiotia i matou i le aso atoa ona o oe; ua faitaulia foʻi i matou e pei o mamoe o le a fasia.”+
37 Peitaʻi, ua tatou manumalo atoatoa+ i nei mea uma, ona o ia na alofa mai iā i tatou.
38 Auā ua ou mautinoa, e lē mafai e le oti, po o le ola, po o agelu, po o malo, po o mea ua iai nei, po o mea e oo mai, po o ē e malolosi,+
39 po o le maualuga, po o le loloto, po o se isi lava foafoaga, ona faateʻaeseina i tatou mai i le alofa o le Atua ua iā Keriso Iesu, lo tatou Alii.
Faamatalaga Pito i Lalo
^ O se upu Eperu po o se upu Arama o lona uiga “Le Tamā e!”
