MEA O TUTUPU I LE LALOLAGI
Tala Mai i Europa
O Europa o se atunuu sa mapolotu ona tagata, ae o aso nei ua matuā pupū tagata i galuega ma pisinisi. Peitaʻi, i mataupu o tala fou lata mai nei mai i Europa, o loo fesootaʻi atu i le Tusi Paia i ni auala e ono faateʻia ai oe.
Aafiaga Lelei o le Leo o se Tinā
Na taʻua e ni tagata suʻesuʻe i Milan i Italia, o pepe e fananau mai e leʻi atoa le iva masina, e iai ni aafiaga lelei i lo latou soifua mālōlōina, pe a faalogo i leo o o latou tinā e ala atu i se masini e pei o se taulima e tuu i o latou lima, a o iai i le falemaʻi. O lenei faiga ua faaāta mai ai le auala e lagona ai e le pepe le leo o lona tinā a o iai i le manava. Na taʻua i le suʻesuʻega, “O le vave ona faamasani o pepe na fanau lē au i leo o o latou tinā, e iai ni aafiaga lelei.”
LE MANATU O LE TUSI PAIA: “Ua ou faatoʻafimālie ma faafilemu loʻu loto. E pei o se tama ua teʻa ma le susu o lona tinā.”—Salamo 131:2.
Aafiaga o le Soona Faatāua o se Tasi
E tusa ai ma se suʻesuʻega na faia i ni tamaiti e 565 i Holani, o tamaiti na faamatala e o latou mātua e “sili atu nai lo o isi tamaiti,” ma e ao ona “feagai ma i latou i se auala faapitoa,” o tamaiti na sa sili ona faatāua e i latou i latou lava nai lo o isi tamaiti, ma e fia sili ma fia pule. Ua taʻua e se tusitala o lea suʻesuʻega: “E talitonu tamaiti pe a fai atu o latou mātua e sili atu i latou nai lo o isi tamaiti. O se faiga e lē lelei mo tamaiti po o tagata lautele.”
LE MANATU O LE TUSI PAIA: “Ou te fai atu ai iā te outou taʻitoʻatasi, ina ia aua neʻi faasili le manatu o se tasi iā te ia lava, i lo o le mea e tatau ona manatu i ai; a ia mafaufau lelei.”—Roma 12:3.
Vaaiga Mautinoa a Ē ua Selau pe Sili Atu Tausaga
Ua taʻua e ni tagata suʻesuʻe i le Iunivesite o Heidelberg i Siamani, e malosi le faanaunauga o ē ua taʻi 100 tausaga ia ola pea, e ui i maʻi ma ua tapulaa mea e mafai ona latou faia. O le 75 pasene o i latou e selau tausaga pe sili atu na faatalanoa, e mananaʻo ia ola pea ma taumafai e faaaogā tatau o latou olaga a o maua pea le ola. Ua ausia o latou sini i le olaga, ua iai se vaaiga mautinoa ma le faamoemoe, ua manatu e iai le uiga o le olaga, ma taofimau i o latou talitonuga faalelotu ma amioga tatau.
MAFAUFAU I AI: E pei ona faaalia mai i le Failauga 3:11, o le ā e ono faailoa mai i lo tatou faanaunauga na fananau mai ma i tatou ia ola pea?
E te Ono Fiafia Foʻi
ALA MAI!
Tausia Aʻe Fanau ia Lē Manatu Faapito
Iloilo vala e tolu e mafai ona e fesoasoani ai i lau fanau ina ia latou ʻalofia le uiga manatu faapito.
ALA MAI!
O le ā le Umi e Mafai Ona E Ola Ai?
E mafai ona tatou malamalama lelei i le umi e mafai ona tatou ola ai, pe a tatou iloa le māfuaaga e tatou te ola matutua ai ma feoti.
