Afaky ho Velo Ndraiky Vatany va ty Maty?
Hivola va iha hoe . . .
-
eka?
-
aha?
-
vasa?
HO ZAO TY VOLANY TY BAIBOLY
“Hisy fameloma ty marina noho ty tsy marina.”—Asan’ny Apostoly 24:15, Fandikan-teny Tontolo Vaovao.
INO TY RAHA SOA HO AZONAO?
Fampionona lafa misy longo maty.—2 Korintianina 1:3, 4.
Tsy matahotsy ho maty.—Hebreo 2:15.
Mitamà hifankahita ndraiky amy ty longo fa nimaty.—Jaona 5:28, 29.
AZO INOA VATANY VA TY RAHA VOLANY TY BAIBOLY?
Eka, misy antony telo retoa:
-
Mpamoro ty ay Ndranahary. Kaihy ty Baiboly hoe azy “niavia ty ay” iny, Jehovah Ndranahary. (Salamo 36:9; Asan’ny Apostoly 17:24, 25) Azo antoky fa hay azy nanome ty ay ty raha velo iaby iny, ty mamelo ndraiky ty olo fa nimaty.
-
Fa namelo olo fa nimaty Ndranahary. Tantaràny amy Baiboly ao fa nisy olo valo nivelomy hiay tan-tany tetoa ndraiky. Tao ty tanora, ty antitsy, ty lahilahy, noho ty ampela. Vo nimaty vo tsiela ty sisany, fa ty raiky fa efatsy andro tan-dolo ao!—Jaona 11:39-44.
-
Ta hanao raha zay ndraiky Ndranahary. Hala Ndranahary ty fahafatesa. Mitovy amy fahavalo ty fahitany raha io. (1 Korintianina 15:26) ‘Irìny marè’ ty handresy fahavalo io, na tsy hampisy sasy ty fahafatesa amy alala ty fameloma ty maty. Tsy lininy ty hampimpoly ndraiky azy maty amy fahatiarovany ao reo. Teany ho hita miay an-tany etoa ndraiky rozy.—Joba 14:14, 15.
ERITSERETO ZAO
Manino tsika ro mihantitsy noho maty?
Mamaly fanontanea io ty Baiboly amy GENESISY 3:17-19 noho ROMANINA 5:12 ao.
Mety ho Teanao Koa
FAMPIANARAN'NY BAIBOLY TENA ILÀ
Manao Akory ty Olo Lafa Maty?
Mampitama ty Baiboly hoe ho avy ty fotoa hamelo ty olo maro amy maty, manahaky natao tamy Lazarosy iny.
MIKASIKY ANAY
Manino ro Mila Ianara ty Baiboly?—Lava
Nanome valini-fanontanea manahira rey ty Baiboly. Olo an-tapitrisany amy tany toy iaby ty fanahazo ty valiny fanontea manahira azy. Teanao koa va ty hahay ty valini-fanontaneanao?
