Fahatiarova ty Nahafatesan’i Jesosy
Sabotsy 12 Avrily 2025
Mahatiaro ty nahafatesan’i Jesosy indraiky santao ty Vavolombelon’i Jehovah satria manaraky ty didiny hoe: “Anovo avao zao ho fahatiarova ahy.”—Lioka 22:19.
Manasa anao zahay hanatriky an’ny fotoa bevata io.
Fanontanea Fapetrakin’Olo
Firy lera fandahara io?
Lera raiky eo ho eo avao.
Hatao aia raha io?
Miresaha amy Vavolombelon’i Jehovah mba hahaizanao ani-zay.
Misy vidim-pidira va?
Tsy misy.
Misy rakitsy va?
Aha.
Akanjo manao akory ro andesy any?
Tsy misy karazan’akanjo manoka anaova amy fotoa io. Fe ndre zay, le miezaky manaraky ty torohevitsin’ny Baiboly ty Vavolombelon’i Jehovah, ka manao akanjo maotina noho mihaja. (1 Timoty 2:9) Tsy voatery manao akanjo miavaky na lafovily iha.
Ino ty raha atao amy Fahatiarova io?
Atomboky noho tampery amy hira noho vavaky fandahara io. Vavolombelon’i Jehovah raiky ro hanao an’ny vavaky io. Hisy lahateny na toriteny raiky koa hanazava hoe manino ro tena vatan-draha ty nahafatesan’i Jesosy, le ino ty azontsika atao mba hahafahantsika mandramby soa baka amy ty raha natao-Ndranahary noho Kristy ho antsika.
Laha mbo mila fanazavà fanampiny, le henteo ty lahatsoratsy hoe “Nahoana no Tsy Mitovy Amin’ny An’ny Fivavahana Hafa ny Fomba Ankalazan’ny Vavolombelon’i Jehovah ny Sakafo Harivan’ny Tompo?”
Ombia ty datin’ny Fahatiarova manaraky?
2025: Sabotsy 12 Avrily
2026: Kamisy 2 Avrily
Mety ho Teanao Koa
FAHATIAROVA
Tiarovo ty Nahafatesani-Jesosy
Manasa anao am-pitiava zahay mba hamonjy fotoa bevata io miaraky aminay. Ho rènao any hoe manino ro mahasoa anao ty fiainani-Jesosy noho ty nahafatesany.
FAMPIANARAN'NY BAIBOLY TENA ILÀ
Nanino Jesosy ro Nimaty?
Mivola ty Baiboly fa vatan-draha ty nahafatesani-Jesosy. Ka nanino moa ie ro nimaty?