‘Torio ty Vaovao Soa!’
Fivoriamben’ny Vavolombelon’i Jehovah 2024
Tsy andoavan-drala • Tsy misy tanty rakitsy
Ty Raha ho Hitanao Any
Zoma: Hahita porofo iha hoe tena marina ty vaovao soa mikasiky an’i Jesosy voaresaky amy Filazantsara ao. Ho hitanao koa fa mahasoa antsika tantara amy Baiboly ao reo.
Sabotsy: Ino ty raha resahin’ny faminania mikasiky ty nahaterahan’i Jesosy noho tamy fahakeliny? Nitanteraky vatany va faminania rey?
Lahady: Hisy lahateny ara-baiboly hoe: “Manino Tsika ro Tsy Matahotsy Vaovao Raty?” Hohazavany amy fotoa io hoe misy olo an-tapitrisany amy androntsika zao ro mahatsapa hoe milamin-tsay sady tsy matahotsy ty hoavy ndre miharaty aza ty fiaina amy tontolo toy eto.
Tantara
Ty Fanompoan’i Jesosy Tan-tany Etoy: Fizarà 1
Azy Tena Hazavà ho ani-zao Tontolo zao Iny
Maro ty raha mahatseriky niseho tamy fahakelin’i Jesosy, anisani-zay ty nahaterahany. Nisy mpanjaka raiky zay nila an’i Jesosy satria ta hamono azy. Farany ie nandesy nilay ta Ejipta any. Tafara atoy, le nitseriky tamy fahihirany mpampianatsy tena mahay tamy androny rey. Hahita ani-reo iha sady hahita raha hafa niseho tamy fiainan’i Jesosy koa amy tantara misy fizarany roe halefa amy Zoma noho Sabotsy.
Retoa misy video mikasiky fivoriambe amy tao toy mila henteanao:
Ino ty atao amy Fivoriambenay rey Any?
Henteo hoe manao akory fivoriamben’ny Vavolombelon’i Jehovah zao.
Fivoriamben’ny Vavolombelon’i Jehovah 2024: ‘Torio ty Vaovao Soa!’
Henteo hoe ino ty ianarantsika amy fivoriambe amy tao toy.
Tampatampany amy Tantara hoe: Ty Fanompoan’i Jesosy Tan-tany Etoy
Mahatseriky ty raha niseho tamy nahaterahan’i Jesosy sady maro ty olo mahay ani-zay. Fe ino ty raha niseho taloha noho tafaran’ny raha miavaky rey?