Galte Ammanama Hoogganno Woyite
MINAANNI woy minaama ammanama hoogase lowo geeshsha xissiissanno. Mitu minaannuwi woy minaamuwi huninohu maaro eˈˈeenna gatona yite jaaloomansa haaroonsiˈrate maahoyye yitino. * Ikkollana, galte ammanantinokki minaanni woy minaama galtensa diigirono diiga hoogirono, lowo geeshsha xissiisiˈransa digattanno. Ikkina xissonsa cince heeˈra dandaannohu hiittoonniiti?
KAAˈLITANNOTA QULLAAWU MAXAAFI AMAALE
Batinyu manni galtensa ammanama hooggino daafira wodaninsa lowo geeshsha dadillinoha ikkirono, Qullaawu Maxaafinni shesho afiˈra dandiino. Insa Maganu hindiiddonsa laˈˈannotanna xissonsa huwatannota wodanchitino.—Milkiyaasi 2:13-16.
“Yaaddonna dadillu amadie yannara, sheshifachishshe, hagiirsiisoottoe.”—Faarso 94:19.
Biili togo yiino: “Konne qummeeshsha nabbawummoti, Yihowa shaqqadu anni gede sheshifachishanni nooeta huwatummo.”
“Kaaliiqa, ati ammanamino manchira, [ammanamoottoho].”—Faarso 18:25.
Kaarmeni minaannino lowo agana isera diammanamino; ise togo yitino: “Minaanniˈya anera diammanamino. Yihowa kayinni woˈmanka woyite ammanaminoha ikkinota dihuluullameemma. Isi horo diˈˈirraawisannoe.”
“Baalunku coyira galaxxitinanninna huuccidhinanni hasidhinoonni coye Maganoho kuˈle ikkinnina, mittu coyirano yaaddinoonte. Mannu hedora aleenni ikkinohu Maganu keeri, Kiristoosi Yesuusinni wodanaˈnenna hedoˈne agaranno.”—Filiphisiyusi Sokka 4:6, 7.
Saasha togo yitino: “Konne qummeeshsha marro marro hige nabbawoomma. Marro marro hige huucciˈreemma woyite, Maganu giddiidi keere aannoe.”
Aleenni qummi assiniri baalunku hexxo mudhitino woyiti no. Ikkirono insa Yihowa addaxxitino, hattono Qaalesi nabbabbe jawaante afidhino. Biili togo yiino: “Kade amadeemmori bainoe yannara, ammanaˈya heeshshoˈya waagu noota ikkitanno gede assitinoe. Mite yanna geeshsha ‘reyo lawanno tunsichi giddoonni hige’ saoommoha ikkirono, Maganu ledoˈya no.”—Faarso 23:4.
^ Foorino minaanna woy minaama gatona yaate woy yaa hoogate daafira afate, Dotteessa 22, 1999te Baqqi Yiiyye! [Amaaru Afoo] yinanni metseetera aante aantete noota “Galte Ammanama Hoogganno Woyite” yitanno birxichuwa nabbawi.