Най. Лэ Дэвлэско Царство най андо ди кай о христианино a. Анда Библия амэ можэм тэ уӷанас, ка́й во находийпэ па чачимастэ. Андэр латэ ԥэнэнпэ: «О Царство, саво по нэбо» (Матфеё 4:17). Давайте роздиқаса, сар и Библия сыкавэл, кай када чачуно правительство, саво правий па нэбо.

•   Андэ лэ Дэвлэско Царство исин правителя, кодэла, ко жувэн тала кадэва правительство, и законоря. Лэсти динэ власть, кай тэ авэл лэ Дэвлэстири воля по нэбо и пэ ԥув (Матфеё 6:10; Откровение 5:10).

•   Лэ Дэвлэско правительство, или о Царство, лэла тэ правий, и «вся о миро, народоря и шыба» пэ ԥув лэна тэ служын лэсти (Даниил 7:13, 14). Лэсти динэ власть най и мануша, ай екжэно о Дэл (Псалом 2:4—6; Исайя 9:7).

•   О Иисусо ԥэндя пэстирэ апостолонэнди, савэ сас предани лэсти, кай вонэ вмести лэса лэна «тэ бэшэн пэ престолоря» андэ небесно Царство (Луки 22:28, 30).

•   Кай о Царство исин вороӷоря, и во лэн улэла (Псалом 2:1, 2, 8, 9; 110:1, 2; 1 Коринфянам 15:25, 26).

 Андэ Библия на ԥэнэнпэ, кай лэ Дэвлэско Царство находийпэ андо ди кай о мануш или хулаий лэ манушэса через лэско ди. Но андэр латэ пистромэ, кай «о алав пала Царство», или «и лащи новость пала Царство», можэт и трэбуй тэ влияет пэ амаро ди (Матфеё 13:19; 24:14).

Со сыкавэн и алава «Царствие Божие внутрь вас есть»?

 Дэсавэ мануша нащи полэн, ка́й находийпэ о Царство, через кода, сар пэрэандярдэ о стихо анда Луки 17:21 андэ дэсавэ переводоря. Например, андо «Синодально переводо» ԥэнэнпэ: «Царствие Божие внутрь вас есть». Кай тэ полас кадэла алава правильно, трэбуй тэ роздиқас, со сас пистромэ англа кадэва стихо.

 О Иисусо ԥэндя кадэла алава лэ фарисеёнэнди. Када религиозни руководителя, савэ преследовали лэ Иисусос, и стердэ вся, кай лэс тэ казнин (Матфеё 12:14; Луки 17:20). Можно ли тэ ԥэнас, кай лэ Дэвлэско Царство сас андо ди кай кадэла ӷорди мануша? О Иисусо ԥэндя лэнди: «Андо ди тумэндэ ԥэрдо хохаимос и найлашымос» (Матфея 23:27, 28).

 Андэ авэр переводоря лэ Иисусостирэ алава анда Луки 17:21 пэрэандярдэ май точно: «Царство Божье — посреди вас» (Восстановительный перевод). «Лэ Дэвлэско Царство машкар тумэндэ» (Нэвя люмако переводо). Васо о Иисусо ԥэндя, кай лэ Дэвлэско Царство сас «машкар» фарисеёря? Важ кода кай о Иисусо — када Царё, савэс стодя о Дэл, и, кала во дэлас дума лэнца, во тердёлас англа лэндэ (Луки 1:32, 33).