Читин Даниел 9:1-19 те шај те дознајне соске тано важно хор те проучине.

Дознајн повише таро контекст. Кола настанија случинѓе пе англедер хем сар ола влијајнѓе упро Даниел? (Дан. 5:29 — 6:5). Сар би осетинеа тут сине те ове ко е Даниелескоро тхан?

Истражин о деталија. Кола лила шај проучинѓа о Даниел? (Дан. 9:2; w11-MC 1/1 22, пас. 2). Соске о Даниел признајнѓа пле гревија хем о гревија е јавере Израелцонгере? (3. Мој. 26:39-42; 1. Цар. 8:46-50; dp-MC 182-184). Сар е Даниелескири молитва сикавела кај ов хор проучинела сине е Девлескоро Лафи? (Дан. 9:11-13).

Размислин башо поуке. Пуч тут:

• „Сар шај те на дозволинав о настанија со овена ко свето те лен мло внимание?“ (Мих. 7:7)

• „Сави корист ка овел ман таро адава со хор ка проучинав е Девлескоро Лафи исто сар со керѓа о Даниел?“ (w04-MC 1/8 12, пас. 17)

• „Кола теме башо лично проучибе шај те поможинен туке те ачхове духовно џангавдо?“ (Мат. 24:42, 44; w12-MC 15/8 5, пас. 7-8)