2 PARTI
Shugllahuan causana yuyaita charichi
“Dios canma huarmita cushcata ama jichunguichu” (Marcos 10:9).
Jehovaga munanmi “quiquin amu carihuan amu huarmihuan” causachun nisha (Hebreos 13:4). Alita apanacungahua cadsarashcaguna caita pactachina balishca man. Alita apanacushaga masmi llaquinacunguichi.
Cai timpuibi ichunacunallata munanaun. Alita apanacusha catingahua cai ishcai cunaita pactachi.
1 CAMBA CARITA HUARMITA BALICHI
BIBLIAGA NINMI: ‘Tucui ima ranamanda mas alita japisha causanauchun’ (Filipenses 1:10). Cadsarashca ashaga camba carita, huarmita mas balichina mangui. Ishcandi balichinacuna anguichi.
Jehovaga camba quiquin cari, huarmillahuan ishcandi cushi causachun munan (1 Pedro 3:7). Paiga cadsarashcaguna ima uraspas mana sambayasha ishcandi cushi causanata munan (1 Corintios 10:24). Cariyuc, huarmiyuc ashaga, canda minishtisha balichishcata musiari.
CAITA RAI:
-
Camba carihuan, huarmihuan ishcandi cuintanacungahua lugarta surcui
-
Ama can munashcallata raichu
2 CAMBA SHUNGUTA CUIRAI
BIBLIAGA NINMI: “Maicanbas shuc huarmita mana ali yuyaihuan ricusha camba shungüibi chi huarmihuan ña ashiyashcanguimi” (Mateo 5:28). Maican shucta munasha, chillai yuyausha paiba shungüi ña ashiyashcami.
Jehovaga camba shunguta cuirai ninmi (Proverbios 4:23; Mateo 15:19). Cuirangahuaga yasha imatas ricui (Mateo 5:29, 30). Job shina rai, paiga shuc huarmita mana munasha ricushachu nira (Job 31:1). Pinganayacta rashcata ama ricuichu. Sallata camba cari, camba huarmillata munasha ricui.
CAITA RAI:
-
Can cadsarashca acta shuccunata rimai
-
Camba cari, camba huarmi maicanhuan tumbacpiga pai mana munashcata ama raichu