Llulla: Jesuspi na crimandami testigo de Jehovacunaca Navidadta na celebran nin.

 Cierto: Cristianocunami capanchi y Jesusmandalla ñucanchicuna salvari ushashcataca tucui shungumi cripanchi (Hechos 4:12).

 Llulla: Navidadtaca na celebranachu canguichi nishpami familiacunamandaca caruyachi.

 Cierto: Familiaca ñucanchipa importantemi can. Chaimi Bibliapa consejocunata pactachishpa familiapi shujllashna cachun ayudanchi.

 Llulla: Navidad punllapi cushilla, tranquilo shujcunaman carana punllataca na cushilla yalinllu ninmi.

 Cierto: Ñucanchicunaca cada punllami shujcunahuan tranquilo ali cangapaj, shujcunaman imagutapash carangapaj esforzarinchi (Proverbios 11:25; Romanos 12:18). Por ejemplo, Jesuspa nishcacunata cazuimandami tandanajuicunapica culquitaca na mañanchi ni predicashcamandapash na cobranchichu. Jesusca: “Gratis chasquircanguichi y gratismi cuna canguichi” nircami (Mateo 10:8). Shinallata Taita Diospa gobierno mandajpilla tranquilo ali causaiguta charita ushashun nishpami predicanchi (Mateo 10:7).

•   Jesusca paipa nacirishca punllata yuyarichunga na mandarcachu más bien paipa huañushca punllata yuyarichunmi mandarca (Lucas 22:19, 20).

•   Jesuspa apostolcuna, primer cristianocunapash Navidadtaca na celebrarcachu. Diccionario del cristianismo nishcashnaca “Jesuspa último apostolcuna huañushca jipami 330 huatapimi Roma llactapi Navidad fiestaca callarichirca” nin.

•   Jesús 25 de diciembreta nacirishcata ricuchingapaj pruebacunaca na tianllu. Shinallata Bibliapica Jesús ima punlla nacirishcataca na villajunllu.

•   Taita Dios Navidad punllata nalicachijtaca alimi intindinchi porque cai fiestaca nali costumbrecunahuan nali ruraicunahuanmi chapurishca can (2 Corintios 6:17).

 Bibliapa yachachishcacunahuan ricujpi Navidad punllata na celebrana cajpipash achica gentecunaca imapash importanteca na canllu nishpami Navidad fiestataca celebran. Shinallata shujcunaca gentecuna imatapash ama nichunmi Navidad punllataca celebran.

 Bibliaca yachachishcacunaca aliguta pensarishpa ñucanchi propio decisiongunata japichunmi ayudan (Romanos 12:1, 2). Shinallata cabal yachachishcacunata valichichunmi yachachin (Juan 4:23, 24). Ñucanchimanda shujcuna imapash ali cosascunata nichunmi munanchi pero gentecunapa ñaupapi ali ricuringapaj munaimandallaca na Taita Diospa mandashcacunata cazunata saquishunllu.

 Ñucanchicuna Navidadta na celebranata decidishpapash cada unomi paicunapa propio decisionda japita ushan. Chaimandami pitapash Navidadtaca na celebranachu canguichi nitaca na ushanchi.