Jarcarinaca shuj cualidadmi can. Cai cosascunapimi ayudan:

• ñucanchi munashcacuna pactaringacaman shuyanata yachajuchun

• imatapash ali yuyashpa rurachun

• imatapash na ashta gushtashpapash ali rurachun

• shujcunapira pensarichun

Jarcarinata yachaj huahuacunaca nali cosascuna alishnalla ricurijpipash, chaicunataca na rurangallachu. Cutin jarcarinata na yachajcunaca:

• millai millaicunami cai ushan

• depresión nishca ungüitapashmi chari ushan

• tabacota, drogacunata chupanata, machanatapashmi yachajui ushan

• napash ali micunacunatarami micushpa causanata yachajui ushan

Shuj investigacionbica ninmi, huahuamanda jarcarinata yachaj gentecunaca culquimanda, leycunamanda, saludmanda problemacunatapash na yapata charinllu nishpa. Chaimandami Universidad de Pensilvaniamanda, Angela Duckworth profesoraca nirca: “Imahorapash jarcarinataca na alipacha yachajui usharinllu” nishpa.

Imatapash na nishca cashpaca, pactachipangui

BIBLIAPICA NINMI: “Imata rurangapajpash, usharina cajpillami: ‘Ari’ nina canguichi. Na usharina cajpica: ‘Na’ ninami canguichi” nishpa (Mateo 5:37).

Huaquinbica taitamamacuna na nijpipash, huahuacunaca paicuna munashcata cuchunga shujcunapa ñaupajpi cashpapashmi huacashpa culiran. Shina culira huacanajujpi paicunapa munashcata cujpica, huahuacunaca shinallami yachajunga.

Culira huacanajujpipash paicuna munashcata na cujpica, tucuita na siempre chari ushashcatami huahuacunaca yachajun. David Walsh shuti doctorca ninmi: “Paicuna munashcata na siempre chari ushashcata yachajushca gentecunaca, na crinayai cajpipash ashtahuan cushillami causan” nishpa. Shinallata “huahuacuna munashca horaspi paicuna munashcata cushpaca, alitaimanga na ruranajunchichu” nircami. *

 Huahuacunamanda na nishpa yachachijpica viñashpaca drogacunapica na urmangallachu, nara cazarashpallatapash na juchapi urmangachu, shuj shuj nali cosascunatapash na rurangallachu.

Alita o nalita rurajpi ima pasajta intindichun ayudapangui

BIBLIAPICA NINMI: “Maijan imata tarpushpapash, chaitallatami japinga” nishpa (Gálatas 6:7).

Quiquinba huahuamanga jarcarina minishtirishca cashcata, pai nali portarijpi yangamanda culirajujpi imapash nali llujshijpica paipa culpallata cana cashcata intindichipangui. Por ejemplo, imagumandapash ñapash culirajpica shujcunaca na paihuan cangapaj munangachu. Cutin na ñapash culirajpi, shujcuna parlanajujpi upalla uyanata yachajpica, shujcunapash paihuan cangapami munanga. Jarcarijpi imapash ali llujshina cashcata intindichun ayudapangui.

Ima ashtahuan importante cashcata intindichun ayudapangui

BIBLIAPICA NINMI: “Imatapash aliguta ruranata yariaj causanguichi” nishpa (Filipenses 1:10).

Jarcarina nishpaca nalicunata na rurana cashcatallaca na ninajupanchichu, na gushtashpapash imata mandashcata, imata rurana cashcata pactachinatami jarcarina nipanchi. Huahuacunaca importante cosascunatara rurana cashcatami intindina can. Chaicunata pactachichun ayudapangui. Por ejemplo, debercunata tucuchishpara pugllangapaj rina cashcata.

Quiquinra pactachipangui

BIBLIAPICA NINMI: ‘Ñuca rurashcashna, cangunapash rurachunmi’ chashna ricuchini nishpa (Juan 13:15).

Huahuacunaca taitamamacunataca tucuitami ricunajun. Shinaca imapash culirachijpica, jarcarina ali cashcatami ruraicunahuan ricuchina capangui. Cunanga tapuripai: “Ñuca huahua culirashpa yapata huacarijujpica ¿imatata rurani? ¿Ñapashchu culirani o tranquilo cashpachu catini?” nishpa.