01 CAJ YACHACUY
¿Imanoraj Biblia yanapäshunqui?
Runacuna tapucärin cawaypaj, nacaypaj, wanuypaj y shamoj watacunapaj. Noganchipis yarpachacunchi micuypaj, guellaypaj y familianchiwan imano cushishga cawananchipaj. Achca runacunami cawaypaj tapucuycunata Bibliacho respuestancunata taripäcushga y ali cawapäcunanpaj yachacärishga. Bibliapa yachachicuynincunaga lapanchitami yanapämanchi.
1. ¿Imapitataj Biblia yachachicun?
Bibliaga shumaj tantiachimanchi caycunapita: ¿maypitataj shamunchi?, ¿imapätaj cawanchi?, ¿imanirtaj nacanchi?, ¿maychotaj caycan wanushgacuna?, ¿imanirtaj juc naciunwan juc nación chiquinacun? y ¿cay pacha imaylapis ushacangachuraj? Bibliami cay lapanpita wilacamun y achca runacunami cushicun Bibliacho imaycata yachacärishganpita.
2. ¿Imanotaj Biblia yanapämanchi ali cawanapaj?
Bibliacho tarinchi shumaj yachachicuycunata. Wilamanchimi familianchiwan imano cushishga cawanapaj, ali arucoj canapaj y alapa yarpachacuycunawan caycaptinchi imata ruranapäpis. Cay publicaciunta ichicla ichiclapa yachacushpayqui, quiquiquimi musyanqui Biblia imata wilacushganta. Nircur cuentata gocunqui Bibliacho ‘lapan escribiraycajcunaga [...] ali caycan’ (2 Timoteo 3:16).
Cay publicaciunga yanapäshunqui Bibliata shumaj tantiacunayquipaj. Chaymi ali yachacunayquipäga, lapan textucunatarämi leinayqui y yachacushgayquita Bibliapa textuncunawan tincuchiy.
SHUMAJ YACHACURCUNAPAJ
Yachacushun waquincunata Biblia imano yanapashganta. Imataraj rurashwan Bibliata leishpanchi cushicärinapaj y juccuna tantiachimaptinchi imano yanapämashganchitapis.
3. ¿Imanotaj Biblia yanapämanchi?
Bibliaga achqui japuynomi, caminupa purinapaj achquipämanchi. Yanapämanchi cawayninchicho alicunata acranapaj y shamoj watacunacho ima canganta musyanapaj.
Leipäcuy Salmo 119:105 y caycunapita yachacäriy:
-
Cay textuta escribej runaga, ¿imataj nirgan Bibliapita?
-
Y gamga, ¿ima ninquitaj Bibliapita?
4. Bibliaga imaycatami yachachimanchi
Juc warmi Bibliapita yachacurmi, lapan tapucuynincunapita respuestancunata tarirgan. VIDEUTA ricapäcuy, y caycunapita yachacäriy:
-
Videupita warmiga, ¿imatataj yachacuyta munargan?
-
¿Imanotaj payta yanapashga Bibliapita yachacushgan?
Bibliami nimanchi imaypis tapucunanchipaj. Leipäcuy Mateo 7:7 y caypita yachacäriy:
-
¿Imatataj Bibliapita yachacuyta munanqui?
5. ¿Imaraj yanapäshunquiman Bibliata leir cushicunayquipaj?
Maychicajmi cushi cushila Bibliata leipäcun y imaycatami yachacärin. VIDEUTA ricapäcuy, y caycunapita yachacäriy:
-
Videupita mozo-jipashcunaga, ¿imanirtaj leinanpaj yachananchu?
-
¿Imanirtaj Bibliata leipäcurga cushicärin?
Bibliapa yachachicuynincunaga shacyächimanchi y calpatapis gomanchi. Leipäcuy Salmo 119:49, 50 y caypita yachacäriy:
-
¿Musyayta munanquimanchuraj imano Biblia shacyächimanchi y consolamanchi?
6. Jucraj Bibliapita tantiachimaptinchi más yachacunchi
Waquin runacuna Bibliata quiquilan leipäcuptinpis, achcajmi nipäcun “nogaga Bibliata shumaj tantiargä jucraj yachachimaptin”. Leipäcuy Hechos 8:26-31 y caypita yachacäriy:
-
¿Imaraj yanapämäshun Bibliata shumaj tantianapaj? (30 y 31 versiculucunata ricäriy).
Etiopía runaga leicashganta shumaj tantiargan Felipe tantiachiptinrämi. Chaynolami cananpis runacuna Bibliata ali tantiarcun jucpa yanapacuyninwanraj.
WAQUINCUNA NIPÄCUN: “Tiempüpis canchu Bibliata yachacunäpaj”.
-
¿Gampis chaynochu yarpanqui? ¿Imanir?
ICHIC YACHACUY
Bibliapa yachachicuynincunaga yanapämanchi ali cawanapaj, shacyächimanchi y consolamanchipis.
Yarpänapaj
-
¿Imanotaj Biblia yanapämanchi?
-
¿Maygan tapucuycunatataj Biblia contestamanchi?
-
Y gamga, ¿imatataj Bibliapita yachacuyta munanqui?
MASLATA YACHACUNAYQUIPAJ
Yachacuy imanir Bibliapa yachachicuynincuna yanapämanchi cawayninchicho.
“Bibliacho ima ayca yachachicuycunaga manami imaypis ushacangachu” (Wilacamoj, núm. 1 2018)
Ricäriy imanomi Biblia yanapashga juc runata wamra cashganpita.
Yachacurcuy imano Biblia yanapämanchi familianchiwan cushishga cawanapaj.
“Familianchiwan cushishga cawananchipaj yanapacuycuna” (¡Ricchayna!, núm. 2 2018)
Cay pacha pipa maquincho caycangantami Biblia yachachicunganta ricäriy.
