GAMSHI juc museuman aywanquiman unay caj librucunata churaräcushganta ricänayquipaj. Y cuentatash gocunqui chaycho churaräcushgancunaga macwayashgana caycan, hojancunapis juc ishcaylami caycan y letrancunapis ricacannachu, pero juc ladupa ricachacurga juc mushoj librutash ricanqui. Chaurasga chaycho encargaduta tapuparinquish: “¿Cay libruga waquin librucunapita más mushojlaraj caycan?”. Payga nin “manami, cay libruga waquin librucunapitapis más unay unaypitana caycan y pipis alchasgachu”. Chaypitash yapay tapurinqui “chayno mushojlaraj cananpäga imaypis churaräcushgachu caycargan?”. Payga nin “mana, chayga imaycacunapa pasashga, tamyacunata y achachaytapis vincirganmi, pipis rupachir ilgachiyta munarcuptinpis manami puedirganchu”. Chaurasga tapucur galaycunqui: “¿Imapitataj rurashga caycan?”.

Diospa Palabran Bibliaga chay museucho mushoj libro churaräcushganno caycan, y waquin librucunapitapis más unaycho escribipäcurgan. Unay caj librucunaga tiempuwan malogracärirgan, ogracärirgan, rupachir ushargan y waquincuna juc ishcayla captinpis letrancuna ricacannachu. Chay unay librucunaga canan wichan yanapacuyta puedinnachu, cienciapita y jampicunapita yachachicuynincunaga unaycho quedacushga y imapäpis valinnachu.

Bibliaga manami waquin librucunanochu, yachachicuynincunaga canan wichanpis yanapamanchirämi. Tres mil watacunanomi pasashga escribipäcushganpita, chayno captinpis wilacuynincunaga rasun cajta wilacun, manami trucacushgachu. Runacuna rupachir ushayta munarcuptin y waquincuna leinanpaj michäcuptinpis, manami puedipäcurganchu. Unay libro caycarpis mayna wilacamurgan canan tiempo imacuna pasananpaj (vea el recuadro “¿Anticuada, o adelantada para su tiempo?”).

Tapucuycanquichi: “¿Rasunpachuraj Bibliapa consejuncunaga canan wichan yanapäman?”. Cayta musyarcunapaj canan wichan imayca pasaycashgancunaman yarpachacuy. May chaychopis can guerracuna, wanuchinacuy y mana alicuna pasaypa miraycan. Bibliapa yachachicuynincunata yachacuy y tapucuy: “Biblia nishgannola cawacurga, ¿imanoraj cawayninchi canman?

JAUCA JAUCALA GOYÄSHUN

“Cushishami cawanga runa-masinta amistachejcunaga. Paycunatami Tayta Diosga ‘wamrämi canqui’ nenga” (Mateo 5:9, Tayta Diosninchi Isquirbichishan). “Imaykanöpapis lapan runakunawan ali kawapäkuy” (Romanos 12:18).

CUYAPÄCOJ Y PERDUNACOJ CASHUN

“Cushishami cawanga cuyapar pï-maytapis yanapajcunaga. Paycunatami Tayta Diosninchi cuyapar yanapangapaj” (Mateo 5:7, TDI). “ Jukniki juknikipis kuyapänakur kawapäkuy. Jesucristo wanushqanpita Tayta Dios perdonashushqaykinöla perdonanakäriy” (Efesios 4:32).

MAY CHAYPITA CARPIS CUYANACÄRISHUN

Diosga “Juk runalata kamarkurmi bendicionninta churarqan atskaqman mirarkur nacionkuna maytsaychöpis kananpaq” (Hechos 17:26). “Cananga rasunpami tantiyacö Tayta Dios pï-maytapis cuyashanta. Payta wiyacojcunataga alli runacunataga Tayta Dios chasquinmi may nasyunpita captinpis” (Hechos 10:34, 35, TDI).

PACHATA CUIDASHUN

“ Kamashqan runatami Edén huertaman TAYTA DIOS churarqan tsaycho arur ali rikananpaq” (Génesis 2:15). Diosga nin: “Cay pachacho mana allita rurajcuna castigasha cananpaj caj timpu chayamushanami” (Apocalipsis 11:18, TDI).

JUCWAN JUCWAN CACUYTA Y YARGAJ CAYTAPIS CHIQUISHUN

“Imapäpis yargäga ama canquichu. Alli goyänayquicunapäga manami rïcurächu canayqui” (Lucas 12:15, TDI). “Ama jucwan-jucwan cacunquichu. Ima ganracunatapis ama ruranquichu. Imapäpis yargaj ama canquichu” (Efesios 5:3, TDI).

ARUCOJ Y ALI RUNA CASHUN

“Tayta Dios munashqalantami imaypis rurayta munapäkü” (Hebreos 13:18). “Suwacunyaj cäga ama suwacuchunnachu. Alli aruycunachöna aruchun” (Efesios 4:28, TDI).

PISHIPACOJCUNATA YANAPÄSHUN

“Lakishqa kaykaqkunata shakyätsiy kushishqa kawapäkunanpaq. Yanapaypaq kaqkunata imalawanpis yanapay. Pïmaypaqpis pacienciayki katsun” (1 Tesalonicenses 5:14). ‘Wacchacunata, biyüdacunatapis llaquicuycho caycashan-öra yanapäshun’ (Santiago 1:27).

Bibliaga manami wilamanchilachu imano canapaj, sinoga yachacushganchino cawanapaj nimanchi. Dios munashganno runacuna cawarcuptinga, canan wichan alapa problemacuna canmanchu. Bibliapa consejuncunaga alapami yanapacun. ¿Imanoraj Bibliaga yanapashunquiman?

Juc cuticho Jesús cayno nirgan: “Rasunpa yachaj cashan musyacan runacuna allita ruraptin” (Mateo 11:19, TDI). ¿Ima nishwantaj caypita? Cay consejo ali cashganta musyanapäga, practicaman churashwan y nircur-raj musyashun imano cashganta. Chaymi Bibliata leir capaz tapucunqui: “Bibliapa consejuncuna ali captinga, ¿manachuraj más ali cawacöman? ¿Rasunpachuraj yanapamayta puedinmi problemäcunata alcharcunäpaj?”. Juc warmi ima nishganta ricärishun.

Diana * jutiyoj warmishi aruynincho y cawaynincho ali captinmi cushishgalash täcoj, pero ilajpita caycunapa pasargan: warmi wamran wanurgan, runanpis jaguircur aywacush y aruyniynaj quedacurgan. Payga wilacun: “Tantiargächu imanir chaycuna pasamashganta, wamrä wanucush, runäpis jaguimash y wasïtapis ograshcä. Laquicuycarla cacurgä, calpaynaj y japalämi quedacurgä”.

Dianaga cuentata gocurgan Salmo 90:10 texto wilacushganmi rasunpa cashganta, chaychoga nin: “Ganchis chunca (70) watayajllanami cawäcuna. Sinchinnin cajcunallami chayan pusaj chunca (80) watayojcama. Chayno cawashpäcunapis cawäcuna ñacallar, arullar. Watäcunapis manapis aycällatami päsarin. Nogacunapis chachayacäcöna”.

Imayca pasaycashganta aguantananpäga, Bibliata leir galaycurgan y alinami sienticurgan. Gatejnin caj yachachicuycunachoga, ricarcushun imano Bibliapa consejuncuna achca runacunata yanapashga problemancunata alchananpaj. Paycunaga cuentata gocärirgan Diospa Palabran unayna escribishga captinpis, canancama yanapamanchimi. Waquin librucuna watacuna pasarcuptinga manana valinnachu, pero Bibliaga manami chaynochu. ¿Imanirtaj Bibliaga manami tincunchu waquin librucunawan? ¿Rasunpachuraj Diospa yarpaynincuna Bibliacho caycan y manami runacunapitachu? (1 Tesalonicenses 2:13).

Capaz yarpanqui cawayninchiga ratulapämi y problemacunaraycur nacacular cawanapaj. Chayno captinga, ¿pitataj yanapashunayquipaj mañacunqui?

Ricärishun imano Biblia yanapashunqui:

1. Problemacunaman mana jaticanapaj.

2. Imalapis captin rasla alcharinapaj.

3. Imayca mana alicunata aguantanapaj.

Gatejnin caj yachachicuycuna caycunata shumaj tantiachicunga.