JESUSPA WAÑUYNINTA YUYARINAPAJ
Jesús kamachishajtin ni pipis pobrechu kanqa
Jesús kay jallpʼapi kashajtin runasta mayta munakusqanta rikucherqa, astawanraj khuyakorqa pobresmanta, sufrejkunamantawan (Mateo 9:36). Kausaynintapis noqanchejrayku qorqa (Mateo 20:28; Juan 15:13). Tumpamantawan ujtawan rikuchiwasun mayta munakuwasqanchejta, Diospa Gobiernonmanta Rey jina jallpʼantinmanta wajchayayta, pobre kayta tukuchenqa.
Bibliaqa kayta niwanchej, Jesustaj chayta juntʼanqa:
“Reyqa wajchasta jarkʼakuchun wajchaspa wawasninta salvachun” (Salmo 72:4).
Jesús noqanchejrayku wañusqanmanta, tumpamantawan imastachus noqanchejrayku ruwananmantapis, ¿imaynatataj Jesusman agradecekusunman? Lucas 22:19 versiculopi, Jesusqa kamachisninman nerqa wañuyninta yuyarikunankuta. Chayrayku Jehovaj testigosnenqa sapa wata Jesuspa Wañuyninta Yuyarinapaj tantakuyta ruwayku. Qanpis noqaykuwan khuska Jesuspa wañuyninta yuyarikuwaj. Chay sumaj tantakoyqa kanqa kay domingo 24 de marzo de 2024.