Wajchayayrayku onqoykuna tiyan. Chayrayku ashkha runas sapa wata yarqhayrayku, wajchayayrayku ima wañunku. Ashkha runasqa llakiypi kausakunku qhapaj suyuspi tiyakuspapis. Bibliaqa nin wajchayay unaymantapacha kasqanta. (Juan 12:8 leey.)

Wajchayay chinkananpajqa Jallpʼantinta kamachej gobierno necesitakun. Ajina gobiernoqa tukuyman necesitasqankuta qonman, guerrastapis chinkachinman, imajtinchus guerras kasqanrayku wajchayay tiyan. Chay jina gobiernotaqa Dioslla qowasunchej. (Daniel 2:44 leey.)

Diosqa wawan Jesusta ajllan runata kamachinanpaj (Salmo 2:4-8). Jesusqa wajchasta yanapanqa, ñakʼarichisqa kajkunatapis salvanqa. (Salmo 72:8, 12-14 leey.)

Jesusqa “Allin Kawsayta Apamoj Rey”. Payqa Jallpʼantinman allin kausayta apamonqa. Tukuy runastaj wasiyoj, llankʼayniyoj, mikhunayoj ima kanqanku. (Isaías 9:6, 7; 65:21-23 leey.)