Tukuy imata ruwasqanrayku. Diosqa wiñaymantapacha karqapuni, kallanqapunitaj (Salmo 90:2). Bibliapi kaj sumaj willaykunapis, paymanta jamun (1 Timoteo 1:11). Arí, kausayta qowasqanchejrayku, Diosllata yupaychananchej tiyan. Apocalipsis 4:11 leey.

Diosqa may atiyniyoj, mana rikukoj cuerpoyojtaj. Chayrayku ni pi payta rikunchu (Juan 1:18; 4:24). Jinapis Diostaqa ruwasqasninnejta rejsisunman. Imaymana tʼikasta, frutasta ima rikuspaqa, Dios munakuwasqanchejta, yachayniyoj kasqanta ima reparanchej. Cielotawan jallpʼatawan qhawarispataj, Diosqa may atiyniyoj kasqanta yachanchej. Romanos 1:20 leey.

Diostaqa Bibliata leespa rejsillasunmantaj. Bibliaqa niwanchej imachus kusichisqanta chayri phiñachisqanta, imayna kʼachachus runaswan kasqanta, imaynatachus imatapis ruwasqanta ima. Salmo 103:7-10 leey.

Jesús nerqa: “Cielopi kashaj Tatayku, sutiyki jatunchasqa kachun”, nispa (Mateo 6:9). Diosninchej uj sutiyojlla kajtinpis, runasqa imaymana sutista churanku. Quechuapi Diospa sutenqa “Jehová”. Chay sutitaj mana tukuy parlaykunapichu kikisitun. Marcos 12:29 leey.

Ashkha Bibliaspi “Tata Dios” chayri “Señor” palabraslla rikhurin. Jinapis Biblia qhelqakushajtenqa, Diospa sutin “Jehová” casi 7.000 kutista rikhurerqa. Jesuspis Diospa sutinta runasman rejsicherqa. Juan 17:26 leey.

Kay ¿Dios sutiyojchu? nisqa videota qhawariy.

Arí. Chanta, ¿imaraykutaj llakiykuna kananta saqen? Wakin runasqa ninku Dios pruebaman churawasqanchejta. Jinapis chayqa mana ajinachu. Santiago 1:13 leey.

Diosqa mana pitapis obliganchu payta kasukunanpaj. Chayqa sapa ujninchejmanta kashan. Jinapis aswan allin kanman payta kasukunanchej (Josué 24:15). Ashkha runastaj, payta mana kasukuspa sajra imasta ruwanku. Chayraykutaj runasqa ñakʼarinku. Jehová Diostajrí chayta rikuspa sonqonta nanachikun. Génesis 6:5, 6 leey.

Jehová Diosqa munakuwanchej, kusisqa kausakunatataj munan. Chayrayku pisimantawan llakiykunata, sajrata ruwaykunatawan chinkachenqa. Imaraykuchus llakikuna kananta Dios saqesqantataj pusaj yachaqanapi yachasunchej. 2 Pedro 2:9; 3:7, 13 leey.

Jehová Diosninchejqa, payman qayllaykunanchejpaj orakunanchejta munan. Sapa ujninchejmantataj llakikun (Salmo 65:2; 145:18). Payqa perdonanawanchejpaj wakichisqa kashan. Munayninta ruwanapaj kallpachakusqanchejtapis jatunpaj qhawan. Chayrayku juchasapas kaspapis Dioswan amigos kayta atisunman. Salmo 103:12-14; Santiago 4:8 leey.

Jehová Diosqa kausayta qowarqanchej. Chayrayku payllata tukuy sonqonchejwan munakunanchej tiyan (Marcos 12:30). Payta munakuspaqa paymanta yachakusunchej, kamachisqasnintataj kasukusunchej. Ajinamantataj payman astawan kʼaskaykusunchej. 1 Timoteo 2:4; 1 Juan 5:3 leey.