Mateo 28:19, 20 versiculospi Jesús nerqa imastachus ruwanata Jehovaj testigon kanapaj. Kay versículos nisqanman jina, Jesuspa discipulosnin kanapajqa Jehová Diosmanta willananchej tiyan, waj imastawan ruwananchej tiyan.

 Ñaupaj kaj: Bibliamanta yachakuna. Jesusqa payta qhatejkunata nerqa: ‘Rispa runasta yachachisqasniyman tukuchimuychej. Yachachimuychejtaj paykunaman imastachus noqa kamacherqaykichej, chayta’, nispa (Mateo 28:19, 20). Bibliapeqa, astawanraj Jesuspa yachachisqanpeqa, yachakusunman imatachus ruwana kasqanta kusisqa kausakunapaj (2 Timoteo 3:16, 17). Bibliamanta astawan yachakuyta munanki chayqa, noqayku yanapariykuman ni imata cobraspalla (Mateo 10:7, 8; 1 Tesalonicenses 2:13).

 Iskay kaj: Bibliamanta yachakusqanchejman jina kausakuna. Jesusqa yachachisqasninman nerqa tukuy kamachisqasninta kasukunankuta, nitaj yachakunallankutachu (Mateo 28:20). Chayrayku imastachus Bibliamanta yachakusqanchejtaqa mana umallanchejpichu japʼinanchej tiyan, manaqa yuyayninchejpi, kausayninchejpi ima cambiosta ruwananchej tiyan (Hechos 10:42; Efesios 4:22-29; Hebreos 10:24, 25). Jesusta kasukojkunaqa tukuy sonqo pay jinallataj ruwayta munanku, chayrayku Diosman kausayninkuta qopunku (Mateo 16:24).

 Kinsa kaj: Bautizakuna (Mateo 28:19). Bibliaqa bautizakuyta wañuypi pʼampaywan kikinchan (Romanos 6:2-4, kikinchay). Bautizakuspaqa ñaupa kausayninchejta pʼampaykunchej, watejmantataj kausayta qallarinchej. Bautizakuspaqa ashkha runaspa ñaupaqenpi rikuchinchej Jesús nisqanman jina Bibliamanta yachakusqanchejtaña, chayman jinataj kausakushasqanchejta. Rikuchillanchejtaj Diosmanta llimphu sonqoyoj kayta mañakusqanchejta (Hebreos 9:14; 1 Pedro 3:21).

 Chayta yachanaykipajqa congregacionmanta ancianosta tapurikuy. Paykunataj qhawarenqanku Bibliaj nisqanta sutʼitachus manachus entiendesqaykita, chayman jinachus manachus kausakushasqaykita, sapallaykimantachus manachus Diosman kausayniykita jaywapusqaykita ima (Hechos 20:28; 1 Pedro 5:1-3).

 Arí. Wawasniykutaqa “Jehová Dios nisqanman jina cheqanchaspa, yachachispataj” uywayku (Efesios 6:4). Chaywanpis bautizakunankupajqa wiñasqankuman jina paykuna ajllananku tiyan Bibliamanta astawan yachakuyta, Bibliaj nisqanman jinataj kausakuyta (Romanos 12:2). Sapa ujninchej ajllananchej tiyan Jehová Diosta sirviytachus manachus (Romanos 14:12; Gálatas 6:5).