Mesiasmanta profecías ¿Jesuspipunichu juntʼakorqa?
Biblia nin
Arí. Jesusqa kay jallpʼapi kashaspa, Mesiasmanta ashkha profeciasta juntʼarqa. Chay ‘Mesiasqa, nisunman Kamachejqa’, “kay mundomanta runaspa salvajnin” kanan karqa (Daniel 9:25; 1 Juan 4:14). Jesusqa wañupusqantawanpis, Mesiasmanta profeciasta juntʼallarqapuni (Salmo 110:1; Hechos 2:34-36).
¿Ima niyta munan Mesías palabra?
Mesías palabraqa hebreo parlaypi Maschíaj palabramanta jamun. Cristo palabrataj griego parlaypi Kjristós palabramanta jamun. Chay iskay palabrasqa, “Ajllasqa” niyta munan. Chayrayku Jesucristo palabraqa, niyta munan “Ajllasqa Jesús” chayri “Mesías Jesús”.
Israelitaspa tiemponkupeqa, pillatapis uj cargopaj chayri kamachej kananpaj ajllanankupaj, umanman aceitewan jichʼaykoj kanku (Levítico 8:12; 1 Samuel 16:13). Diosqa Jesusta kamachej kananpaj ajllarqa, chayrayku Jesusqa Mesías (Hechos 2:36). Jinapis Diosqa mana aceitewan jichʼaykuspachu Jesusta ajllarqa, manaqa espíritu santowan (Mateo 3:16).
¿Uj runallapunichu Mesiasmanta profeciasta juntʼayta atinman karqa?
Arí. Bibliaj profeciasnenqa uj Mesiasllamanta, nisunman uj Cristollamanta parlan, manataj ashkha mesiaskunamantachu. Chaywanpis Biblia nerqa: “Llulla cristos, llulla profetaspis rikhurimonqanku. Paykunaqa jatuchaj milagrosta, tʼukuna imastawan ruwanqanku chʼaukiyanankupaj, atikojtenqa Diospa ajllasqasnintapis” pantachenqanku (Mateo 24:24).
¿Aswan qhepamanrajchu Mesías rikhurimonqa?
Mana. ¿Imarayku chayta ninchej? Bibliaqa nerqa, Mesiasqa rey Davidpa mirayninmanta kananta (Salmo 89:3, 4). Kay tiempopitaj ni pi niyta atinmanchu, rey Davidpa mirayninmanta kasqanta. Imaraykuchus paypa mirayninmanta registrosqa manaña kanchu. Tukuy chay papelesqa, Jerusalén llajta 70 watapi thuñisqa kashajtinsina chinkaporqa. a Jinapis Jesuspa tiemponpeqa, chay papelesqa karqaraj. Chayrayku ni enemigosninpis Jesusman niyta aterqankuchu: “Qanqa mana Davidpa mirayninmantachu kanki”, nispa (Mateo 22:41-46).
¿Mashkha profeciastaj Mesiasmanta Bibliapi tiyan?
Mana sutʼita yachakunchu. Imaraykuchus mana tukuychu Mesiasmanta profeciasta kikinta yupanku. Bibliamanta wakin cheqaspi Mesiasmanta sutʼita parlajtinpis, wakenqa uj profeciata jinalla yupanku, wakintaj ashkha profeciasta jina. Chayta entiendenapajqa, Isaías 53:2-7 versiculosmanta parlarina. Chay versiculosqa ashkha imasta Mesiasmanta nin. Chayrayku wakenqa, ashkha profeciasta jina yupanku. Jinapis wakenqa, tukuy chay versículos uj profecialla kasqanta ninku.
Mesiasmanta kay profecías Jesuspi juntʼakorqa
Imataj karqa |
Profecía |
Juntʼakusqan |
---|---|---|
Abrahanpa mirayninmanta karqa |
||
Isaacpa mirayninmanta karqa |
||
Israelitaspa Judá ayllunkumanta karqa |
||
Rey Davidpa familianmanta karqa |
||
Uj doncellaj wawan karqa |
||
Belenpi nacekorqa |
||
Emmanuel sutiwan rejsisqa karqa b |
||
Wajcha familiapi uywasqa karqa |
||
Nacekusqantawan qhari wawitasta wañucherqanku |
||
Egiptomanta wajyasqa karqa |
||
Nazareno nisqa karqa c |
||
Ñaupaqenta uj willaj rerqa |
||
29 watapi Mesías jina ajllasqa karqa d |
||
Diospuni wawan kasqanta nerqa |
||
Diospa wasinta sinchʼita munakorqa |
||
Sumaj willaykunata willarqa |
||
Galileapi willasqan kʼanchay jina karqa |
||
Moisés jina milagrosta ruwarqa |
||
Moisés jina Diospa sutinpi parlarqa |
||
Onqosqasta sanoyacherqa |
||
Mana rejsisqa kayta maskʼarqachu |
||
Sufrejkunata khuyakorqa |
||
Runaspaj justiciata ruwarqa |
||
Sumaj Yuyaychaj |
||
Jehovaj sutinta rejsicherqa |
||
Kikinchaykunawan yachacherqa |
||
Kamachej karqa |
||
Ashkhas paypi mana creerqankuchu |
||
Urmanapaj rumi jina karqa |
||
Mana valecherqankuchu |
||
Qhasillamanta chejnikorqanku |
||
Jerusalenman burritupi montasqa yaykushajtin, rey jina jatunchasqa karqa |
||
Wawitas jatuncharqanku |
||
Jehová Diospa sutinpi jamorqa |
||
Amigon wasancharqa |
||
30 qolqesrayku japʼicherqanku e |
||
Amigosnin saqerparerqanku |
||
Llulla testigos juchacharqanku |
||
Juchachashajtinku chʼinlla kakorqa |
||
Thoqaykorqanku |
||
Umanpi wajtarqanku |
||
Seqʼorqanku |
||
Sajmashajtinku mana kutichikorqachu |
||
Autoridadesqa wañuchinankupaj yachachinakorqanku |
||
Makisninta chakisnintawan rakhu kʼaspiman clavaykorqanku |
||
Ropanrayku suerteta choqarqanku |
||
Juchasapaswan yupasqa karqa |
||
Paymanta burlakorqanku, kʼumuykachacherqankutaj |
||
Juchasapasrayku ñakʼarerqa |
||
Diospis saqerparinman jina karqa |
||
Jaya qhoraswan chajrusqa vinota qorqanku |
||
Wañupunan qayllata chʼakichikorqa |
||
Kausayninta Diospa makinman churarqa |
||
Runasrayku kausayninta qorqa |
||
Juchamanta kacharichinawanchejpaj wañorqa |
||
Ni uj tullullanpis pʼakisqachu karqa |
||
Lanzawan tʼoserqanku |
||
Qhapajkunawan khuska pʼampasqa karqa |
||
Wañuymanta kausarimorqa |
||
Payta wasanchajpa cuentanmanta wajta ajllarqanku |
||
Diospa pañanman tiyaykukorqa |
a Cyclopedia McClintock y Strong nin: “Jerusalén thuñisqa kashajtinpunisina, judiospa ayllusninkumanta, familiasninkumanta ima registros chinkarqa. Nipuni aswan ñaupajtaqa chinkachisqa kayta atinmanchu karqa”, nispa.
b Emmanuel suteqa hebreo parlaypi kashan, niytataj munan: “Dios noqanchejwan kashan”. Jesusqa kay jallpʼapi kashaspa, ruwasqasninwan rikucherqa Diosqa payta yupaychajkunawan kashasqanta. Chayrayku Emmanuel suteqa, Jesús Mesiaspuni kasqanta rikuchin (Lucas 2:27-32; 7:12-16).
c Nazareno palabraqa, hebreo parlaypi nétser palabramanta jamun. Chaytaj ichá niyta munan “ijimuy”.
d Biblia willasqanman jina, Mesiasqa 29 watapipuni rikhurinan karqa. Chaymanta astawan yachanaykipaj, “Profeta Danielqa, Mesías chayamunanta willarqa” nisqa yachaqanata leeriy.
e Kay profeciaqa Zacarías libropi kashan. Jinapis Mateo librota qhelqajqa, ‘profeta Jeremiaspa nisqan’ kasqanta nerqa (Mateo 27:9). ¿Imaraykutaj chayta nerqa? Payqa “Jeremías” nispa, ‘profetaspa tukuynin qhelqasqankumantasina’ parlasharqa, maypichus Zacarías libropis kasharqa chaymanta. Chay tiempopeqa, profetaspa qhelqasqankuta “Jeremías sutiwan” rejsej kanku, chay libro ñaupajpi kasqanrayku (Lucas 24:44).