Isaias 63:1-19
63 Siopa iyan onsasabi manlapud Edom,+Sayan manlalapud Bozra+ a makolokolor* so kawes to,Makapadinayew so panangawes to,Manmamartsan walaay baleg a pakayari?
“Siak iya, say mansasalita ed inkatunong,Say walaan na baleg a pakayarin mangiliktar.”
2 Akin et ambalangay kawes mo,Tan akin a saray kawes mo et mipara ed samay manggagatin ed panagpespesan na ubas?+
3 “Ginatin-gatinan kon bukor iray ubas,
Ya anggapoy kaibak a too.
Ginatin-gatinan ko ra lapud pasnok ko,Tan inmedmer ko ra lapud sanok ko.+
Apulasian na dala ra so sulong ko,Tan amantsaan so interon kawes ko.
4 Ta walad pusok so agew na panangibales,+Tan sinmabi la so taon na saray dinondon ko.
5 Onnenengneng ak, balet anggapoy ontulong;Adismaya ak ta anggapoy onsuporta.
Kanian say taklay ko so angiter na kililiktar ko,*+Tan say sanok ko so amabiskeg ed siak.
6 Inggatin-gatin ko iray totoo lapud pasnok ko,Binuek ko ra lapud sanok ko+Tan inkalbok ed dalin so dala ra.”
7 Salambiten ko so matoor a panangaro nen Jehova,Saray makapadinayew a gawa nen Jehova,Lapud amin a ginawa nen Jehova parad sikatayo,+Saray dakel a maabig a bengatlan ginawa to parad sankaabungan na Israel,Unong ed panangasi to tan abalbaleg a matoor a panangaro to.
8 Ta inkuan to: “Tua a sikara so totook, ananak a matoor.”*+
Kanian sikatoy nagmaliw a Manangiliktar da.+
9 Kapagno nagogonigon ira, sikatoy nagogonigon met.+
Tan inliktar ira na mismon mensahero to.*+
Dinondon to ra lapud panangaro tan panangasi to,+Tan inagwat to ra tan inawit to ra ed amin a panaon nensaman.+
10 Balet nanrebelde ra+ tan pinaermen day masanton espiritu to.+
Kanian sikatoy nagmaliw a kalaban da,+Tan sikatoy akilaban ed sikara.+
11 Tan anonotan da so apalabas a panaon,Saray agew nen Moises a lingkor to, tan inkuan da:
“Kawalaan na samay angipaway ed sikara diad dayat+ a kaiba iray managpastol na pulok to?+
Kawalaan na samay angiyan na masanton espiritu To ed sikato,+
12 Samay angiyan na maglorian taklay To ed kawanan a lima nen Moises,+Samay nambelsay ed danum diad arapan da+Pian manggawa na andi-anggaan a ngaran parad sikato,+
13 Samay Sakey ya impanakar to ra ed madaluyon a danum,*
Kanian ag-ira atumba,Singa sakey a kabayo ed kaumaan?*
14 Singa saray ayayep ya onlalasur ed patar a lawak,Pampainawaen ira na espiritu nen Jehova.”+
Oniay impangiwanwan mod saray totoom,Pian manggawa kay makapadinayew* a ngaran parad sika.+
15 Usdong ka manlapud tawen tan nengneng moManlapud atagtagey ya ayaman mo a kawalaan na kasantosan tan gloria.*
Kawalaay seseg tan inkabiskeg mo,Say panangabagey mo,*+ tan say panangasim?+
Agmo iratan impatnag ed sikami.
16 Ta sika so Ama mi;+Anggaman nayarin agkami kabat nen AbrahamTan nayarin agkami nabidbir nen Israel,Sika so Ama mi, O Jehova.
Sika so Mananondon mi manlapu la nensaman.+
17 O Jehova, akin et pinaulyan mo kamin onarawi* ed saray dalan mo?
Akin et pinaulyan mo* ya onawet so puso mi, kanian agkami tinmakot ed sika?+
Pawil ka nisengeg ed saray lingkor mo,Saray tribu a tawir mo.+
18 Agangganon akayarian na masanton totoom so dalin.
Ginatin-gatinan na saray kalaban mi so santuaryom.+
19 Abaybayag kamin nagmaliw a singa saramay totoon agmo inuleyan,Singa saramay ag-atawag ed ngaran mo.
Paimanod leksab
^ Odino posiblin, “ambalbalanga.”
^ Odino “pananalok.”
^ Odino “matua.”
^ Odino “na anghel a walad arapan to.”
^ Odino “ed araralem a danum.”
^ Odino “kalawakan?”
^ Odino “alay abig.”
^ Odino “karakpan.”
^ Literal, “Say agpandeen na akindalem mo.”
^ Odino “akin et pinaarawi mo kami.”
^ Literal, “ginawam.”
