Isaias 43:1-28
43 Oniay inkuan natan nen Jehova,Say Manamalsam, O Jacob, say amorma ed sika, O Israel:+
“Agka ontatakot, ta dinondon ta ka la.+
Tinawag ta ka ed ngaran mo.
Kayarian ta ka.
2 Wala ak ed sika sano ombaliw kad saray aralem a danum,+Tan agka nalener sano ombaliw kad saray ilog.+
Sano ondalan kad apoy, agka napoolan,Tan agka nasinit.
3 Ta siak si Jehova a Dios mo,Say Masanton Dios na Israel, say Manangiliktar mo.
Inter koy Ehipto bilang dondon parad sika,Say Etiopia tan say Seba bilang kasalat mo.
4 Ta nagmaliw kan mabmabli ed pakanengneng ko,+Apagalangan ka, tan inaro ta ka.+
Kanian mangiter ak na totoo bilang kasalat mo,Tan saray nasyon bilang kasalat na bilay mo.*
5 Agka ontatakot, ta wala ak ed sika.+
Awiten koy ilalak mo* manlapud bukigTan tiponen ta kayo manlapud sagur.+
6 Ibagak ed amianen, ‘Ipawil mo ra!’+
Tan dia ed abalaten, ‘Ibulos mo ra.
Awit mo dia iray anak kon lalaki a nanlapud arawi, tan saray anak kon bibii a nanlapud sampot na dalin,+
7 Amin dan atawag ed ngaran ko+Tan pinalsak parad kigloriaan ko,Saramay pinormak tan ginawak.’+
8 Ipaway yo iray totoon bulag, anggaman walay mata ra,Tan saray telek, anggaman walay layag da.+
9 Mantitipon komon so amin a nasyon ed saksakey a pasen,Tan mandaragup komon iray totoo.+
Siopa ed sikara so makapangibaga ed saya?
Odino nayarian da kasin ibaga ed sikatayo iray unonan bengatla?*+
Iyarap da komon iray tasi ra, pian napaneknekan da a duga ira,Odino dengelen da komon tan ibaga ran, ‘Saya so katuaan!’”+
10 “Sikayo ray tasik,”+ so imbaga nen Jehova,“On, say lingkor ko a pinilik,+Pian naamtaan yo tan manisia kayo ed siak*Tan natalosan yo ya agak manguuman.+
Antis ko et anggapoy arum a Dios,Tan kayarik et anggapo lay arum.+
11 Siak—siak si Jehova,+ tan anggapo lay arum a manangiliktar.”+
12 “Siak so angiyabawag tan angiliktar tan angipaamta,Sanen anggapo ni arum a dios ed limog yo.+
Kanian sikayo ray tasik,” so inkuan nen Jehova, “tan siak so Dios.+
13 Tan diad amin a panaon et agak manguuman;+Tan anggapoy makayarin maningkat na antokaman ed limak.+
Sano onkiwas ak, siopay makaamper?”+
14 Oniay inkuan nen Jehova, say Mananondon yo,+ say Masanton Dios na Israel:+
“Nisengeg ed sikayo et ibakik ira ed Babilonia tan igeba ra so amin a balewet na saray puerta,+Tan onakis ed gonigon iray Caldeo diad saray barko ra.+
15 Siak si Jehova, say Masanton Dios yo,+ say Manamalsa na Israel,+ say Ari yo.”+
16 Oniay inkuan nen Jehova,Say manggagaway sakey a dalan diad dayatTan sakey a basbas anggan diad saray madaluyon a danum,+
17 Say Sakey a mangipapaway ed karwahen pan-guerra tan say kabayo,+Say armada pati saray mabibiskeg a sundalo:
“Naparukol ira tan ag-ira makabangon.+
Naupot ira, naerep iran singa sakey a mandarlang a pabilo.”
18 “Agyo la nononoten iray inmunan bengatla,Tan lingwanan yo la ray apalabas a bengatla.
19 Manggawa ak na sakey a balon bengatla;+Ompapatnag la itan natan.
Agyo ta nanenengneng?
Mangiyan ak na sakey a dalan diad kalawakan,+Tan saray ilog diad desierto.+
20 Igloria ak na atap ya ayep ed uma,Saray ason jakal tan saray ostrits,Ta mamawala ak na danum diad kalawakan,Saray ilog ed desierto,+Pian painumen ko iray totoon pinilik,+
21 Saray totoon ginawak a parad siak,Pian iyabawag da so kirayewan ko.+
22 Balet agka tinmawag ed siak, O Jacob,+Lapud naksawan ka lad siak, O Israel.+
23 Agmo ak inyakaran na karnero parad interon apay mon popoolanTan agmo ak inggloria ed panamegley na saray bagat mo.
Agta ka pinilit a mangawit ed siak na regalo,Tan agta ka pinairap diad inkerew koy olibano.+
24 Agka angaliw na masamit ya unas* a parad siak,Tan agmo ak pinenek ed taba na saray bagat mo.+
Imbes, impaawit mod siak iray kasalanan moTan pinakesaw mo ak lapud saray inkauges mo.+
25 Siak, siak so mamunas ed saray lingom*+ nisengeg ed ngaran ko,+Tan agko la nonoten iray kasalanan mo.+
26 Ipanonot mod siak; manarap tad korte;Isalaysay moy katunongan mo ta pian paneknekan mon duga ka.
27 Nankasalanan so inmunan ateng mo,Tan nanrebelde ed siak iray mismon pinagkasangiyan* mo.+
28 Kanian pabandayen ko iray prinsipe ed masanton pasen,Tan iyawat koy Jacob ed kadederalTan ipaarap koy Israel ed makapainsulto iran salita.+
Paimanod leksab
^ Odino “kamarerwam.”
^ Literal, “binim.”
^ Posiblin manutukoy ed saray unonan bengatla a nagawa ed arapen.
^ Odino “tan manmatalek kayo ed siak.”
^ Sakey ya ambalingit a tanubong.
^ Odino “saray impanrebeldim.”
^ Posiblin manutukoy ed saray managbangat na Ganggan.
