Isaias 35:1-10
35 Manliket so kalawakan tan say amagaan a dalin,+Tan manggayaga so patar a desierto tan manrosas a singa safron.+
2 Seguradon manrosas itan;+Manggayaga tan oneyag itan ed liket.
Niiter ed sikato so gloria na Lebanon,+Say karakpan na Carmel+ tan Saron.+
Nanengneng da so gloria nen Jehova, say karakpan na Dios tayo.
3 Pabiskeg yo ray makapuy a lima,Tan pakasil yo ray mankalog a pueg.+
4 Ibaga yod saramay napapagaan so puso ra:
“Manpabiskeg kayo. Agkayo ontatakot.
Onsabi so Dios yo pian ombales ed saray kalaban yo,Onsabi so Dios pian dusaen to ra.+
Sikatoy onsabi tan iliktar to kayo.”+
5 Diad satan a panaon et makanengneng la ray mata na bulag,+Tan makarengel la ray layag na telek.+
6 Diad satan a panaon et onlukson singa ulsa so piley,+Tan oneyag ed liket so dila na emel.+
Ta ombusitsit so danum diad kalawakan,Tan onagus so danum diad patar a desierto.
7 Magmaliw a maranum a pasen so amagamagan dalin,Tan ompaway iray subol na danum diad amagaan a dalin.+
Diad saray pasen a nanayaman na saray ason jakal,+Ontubo iray birdin dika, tanubong, tan saray tanaman a papiro.
8 Tan niwala ditan so sakey a manunan dalan,+On, sakey a dalan a tatawagen a Dalan na Kasantosan.
Agmakadalan ditan imay agmalinis.+
Nigana labat itan ed samay ontutumbok ed dalan;Anggapoy makulangkulang a makakar ditan.
9 Anggapoy leon ditan,Tan anggapoy onla ditan a masebeg ya atap ya ayep.
Anggapod saratan so naromog ed satan a pasen;+Saray arondon labat so manakar ditan.+
10 Ompawil iramay dinondon nen Jehova+ tan magayaga ran onlad Sion.+
Nakoronaan ira na andi-anggaan a liket.+
Manliket tan manggayaga ra,Tan naandi lay ermen tan panakis.+
