Екклесиаст 1:1—18
1 Адӕмы ӕмбырдгӕнӕджы+, Давиды фырты, ныхӕстӕ. Уый уыд паддзах, йӕ паддзахбадӕн уыди Иерусалимы+.
2 «Хӕрздзӕгъӕлы!+ – загъта адӕмы ӕмбырдгӕнӕг.– Хӕрздзӕгъӕлы! Ӕппӕт дӕр у дзӕгъӕлы*!»+
3 Цы пайда ис адӕймагӕн йӕ уӕззау фыдӕбонӕй+, хуры бын цы фыдӕбон кӕны, уымӕй?+
4 Фӕлтӕр фӕлтӕры ивы+, зӕхх та лӕууы ӕнустӕм+.
5 Хур ссӕуы ӕмӕ аныгуылы+ ӕмӕ та атагъд кӕны йӕ бынатмӕ, цӕмӕй та ногӕй ссӕуа+.
6 Дымгӕ ацӕуы хуссарырдӕм, стӕй азилы цӕгатырдӕм+. Ӕдзух афтӕ зилы+ ӕмӕ та, кӕцӕй рацыд, уырдӕм фӕстӕмӕ ӕрыздӕхы+.
7 Цӕугӕдӕттӕ*+ иууылдӕр кӕлынц денджызмӕ+, фӕлӕ денджыз йӕ былтӕй нӕ акӕлы+. Кӕцӕй рацӕуынц, уырдӕм фӕстӕмӕ раздӕхынц, цӕмӕй та ногӕй згъорой сӕ фӕндагыл+.
8 Адӕймаг алцӕмӕй дӕр сфӕлмӕцы+, стӕй алцӕуыл чи фӕдзурдзӕн. Цӕст никуы бафсӕддзӕн, цы уыны, уымӕй+, ӕмӕ хъус – цы хъусы, уымӕй+.
9 Раздӕр цы уыд, уый фӕстӕ дӕр та уый уыдзӕн+. Ӕмӕ, раздӕр цы арӕзтой, уый фӕстӕ дӕр та уый араздзысты. Хуры бын ногӕй ницы ис+.
10 Ахӕмӕй исты ис, адӕймаг афтӕ цӕмӕй зӕгъа, кӕс-ма, ай ног цыдӕр у, зӕгъгӕ? Рагӕй-ӕрӕгмӕ дӕр афтӕ у+. Ӕппӕт дӕр фӕзынд, махӕн нӕ кой дӕр куы нӕма уыди, уӕд+.
11 Раздӕр чи цард, уыдоны хъуыды дӕр ничиуал кӕны. Ӕмӕ афтӕ уыдзӕн сӕ хабар, нӕ фӕстӕ чи уа, уыдонӕн дӕр+. Нал сӕ хъуыды кӕндзысты, сӕ фӕстӕ чи уа, уыдон+.
12 Ӕз, адӕмы ӕмбырдгӕнӕг, сдӕн Израилы паддзах, Иерусалимы+.
13 Ӕмӕ мӕ зӕрдӕ сарӕзтон, цӕмӕй раиртасон, арвы бын цыдӕриддӕр цӕуы, уыдӕттӕ – Хуыцау адӕмы фыртты цы фыдӕбойнаг хъуыддӕгты хай бакодта, уыдон+,– ӕмӕ афтӕмӕй зонд ссарон+.
14 Ӕз федтон, хуры бын цыдӕриддӕр аразынц, уый+, ӕмӕ бамбӕрстон: ӕппӕт дӕр у дзӕгъӕлы, дымгӕ сурӕгау+.
15 Зылын цы у, уымӕн нӕй сраст кӕнӕн+, ӕмӕ цы нӕй, уымӕн нӕй банымайӕн.
16 Ӕз мӕ зӕрдӕйы мидӕг+ загътон: «Ӕз сдӕн тынг зондджын, Иерусалимы мӕ размӕ чи уыди, уыдонӕй мӕн хуызӕн зондджын нӕ уыд+. Ӕз ссардтон бирӕ зонд ӕмӕ зонындзинӕдтӕ»+.
17 Ӕмӕ мӕ зӕрдӕ сарӕзтон, цӕмӕй базыдтаин зонд ӕмӕ ӕнӕзонддзинад+, ӕмӕ базыдтон, цы у ӕдылыдзинад дӕр+, ӕмӕ бамбӕрстон: уый дӕр у дымгӕ сурӕгау+.
18 Уымӕн ӕмӕ бирӕ зонд кӕм ис, уым ис бирӕ мӕт+, ӕмӕ йӕ зонындзинӕдтӕ чи фылдӕр кӕны, уый фылдӕр кӕны йӕ мӕстытӕ+.
