BAƁO-CƐ̃́-CƐ̃́ ÐÒ ƁƐ́ Ɔ ƁÉÐÉ ÐƐ-TƐ̀MƐ̀ÌN-NYƆ̀ ÐÒ KƐ
Kpáìn Fɛ̀ɛ̀ Múàùn Dyi Ɓó Sè-Ná-Sèɛ̀ Tiín!
Ðé Baɓo-cɛ̃́-cɛ̃́ dɔ́ɔ́-dè-kà se wíɖí pɛ́ɛ̀-pɛ́ɛ̀ ɖò kɔ̃̀ nìà kɛ múɛɛ, nì mu gɔ̃̀-jù-wùɖù ɓè ɓó dyi-diè-ɖɛ̀ ɓè nìà kɛ bììɛɛ dyéìn. Wa mɔ̀:
Xwɛ̀ ḿ ɓɛ́ìn múàùn kpáa ɖé ní cĩ́-cĩ́ɔ̀ múɛ́?
Ðɛ gbà kè gà-dyé-dyé mu náá mánáín hwɛ̀ìnǹ?
Ḿ mu ní ɖɛ̀ɓɛ̀-nyɔ̀ ɓè ɖàà mɛ́ɛ dyéìn ɖeè?
Geɖepɔɔ kɔ̃̀ ɖé ḿ jè gbo jàà cáà?
Xwɛ̀ ḿ ɓɛ́ìn ɓaà ɓɛ́ Geɖepɔɔ ké ní ɓaà-wùɖùɔ̀ wɔ̃́ kɛ́?
Ɔ Se Wíɖí Pɛ́ɛ̀-Pɛ́ɛ̀ Ðò Kɔ̃̀
M̀ se wíɖí ɖò pɛ́ɛ̀ mu ɓó ɖɛ-cɛ̃́-cɛ̃́ gànáa kè ɖɛ-cɛ̃́ìn-cèè-ɖɛ̀ mɔ̀à Kpáìn Fɛ̀ɛ̀ Múàùn Dyi Ɓó Sè-Ná-Sèɛ̀ Tiín! nyɛ ɔ kè Baɓoɔ ɖò jè ɔ jù ké m̀ dyi ɖò mɔ́ ní.
Ti Nɔ̀mɔ̀ Dyíin Ɓó M̀ Bììɛ
Ðɛ-tɛ̀mɛ̀ìn-nyɔ̀ɔ̀ ɓɛ́ìn m̀ gbo dyiɛ mɔɔ ɓè ɓɛ́ìn ɖúú kɔ̃ nyùɛ̀n ɓó—ti kè dɛ̀ m̀ mɔ́ɔ kɛ.
Gma Ðò Seɛ Dyí Ɓá
M̀ ɓɛ́ìn ɓɔ́í poɛ ti séín ɖò—m̀ se kɔ̃̀ m̀ kéɛ nyu wɛ̃́ɛ́.
Xwɛ̀ à Baɓo-cɛ̃́-cɛ̃́ɔ̀ nyu nìɛ̀ kɛ́?
Ðɛ̀-tɛ̀mɛ̀ìn-nyɔ̀ ɖò mu m̀ gbo kpáùn ɓɛ́ m̀ ké ɖɛ ɓè Baɓoɔ tɛ̀mɛ̀ìn nyɛɛ cɛ̃́ ɖò-ɖò. Ðé Baɓo-cɛ̃́-cɛ̃́ dɔ́ɔ́-dè-kà cèè-ɖɛ̀ mɔ̀à Kpáìn Fɛ̀ɛ̀ Múàùn Dyi Ɓó Sè-Ná-Sèɛ̀ Tiín! nyɛ múɛɛ, nì mu bɔ̃̀ nìà ɖé Baɓoɔ múɛ kè kà ɔ ɓɛ́ìn m̀ gbo kpáa kɛɛ cɛ̃́ìn mɛ́nɛ́-mɛ́nɛ́. Ɓɛ́ m̀ ké ɖɛ pàɖà cɛ̃́ ní, dyé víɖò nìà kɛ dyi mɔɔ dyé gɔ̃̀-jù-wùɖù ɓè ɓó dyi-diè-ɖɛ̀ ɓè ɓɛ́ nyɔ ɓè diè dyi kpɛ́-kpɛ́ ɓá Baɓo-cɛ̃́-cɛ̃́ɔ̀ jè dyíɛ.
M̀ mɔ́ m̀ ké cɛ̃́ɛ́-ɖɛ̀ ɓèɔ̀ kɔ̃in gmɔ̀ɛìnǹ?
Gmɔ̀ cɛ̃́ɛ́-ɖɛ̀ ɓèɔ̀ gbɔ-dè-dè dya.
M̀ ɖà ti dyé ɓɛ́ m̀ kéɛ mú dɔ̃̀ɔ̀?
Nɛ́ tɔ̃̀ɔ̀-ɓòɔ̀ kɔ̃ ɓɛ́ m̀ ké nì Baɓo-cɛ̃́-cɛ̃́ kĩ́ín-kĩ́ínɔ̀ ti gã.