Baɓo-Cɛ̃́ìn-Ðɛ̀ Ɓè
À céè-ɖɛ̀-dyi-dè-naínɔ̀ ɓéɖé Baɓo-Cɛ̃́ìn-Ðɛ̀ ɓè kè ɖɛ tɔ̀ɔ̀ ɓè ɓɛ́ wa ɓɛ́ìn m̀ gbo kpáa, ɓɛ́ m̀ ké m̀ mìɔùn nììn Baɓo-cɛ̃́-cɛ̃́ɔ̀ kɔ̃ po kè ɓɛ́ m̀ ké Geɖepɔɔ-Wùɖùɔ̀ múin wɔ̃́ nɔ̀mɔ̀ dyíin nyɛ. Nyùìn Baɓo nìà ɖúú kɔ̃ pídyi, ɓɛ́ ɔ ɓéɖéà ɖɛ ɓè ɓó ɖɛ cɛ̃́ jè nìɛ̀-nìɛ̀ kɛɛ kũ̀à mú. Po nì ɖɛ-cɛ̃́-cɛ̃́ɔ̀ kɔ̃ dyììn ɖé víɖò ɓè ɓá Baɓoɔ̀ dyíɛ kè Baɓo ìsákòɖòpíɖíà kè ɓóɖó-mɛ-dèìn-cèè-ɖɛ̀ ɓè nì Baɓoɔ̀ múɛ kè Baɓo-wùɖù ɓè xwíníín-mú-zà-zà ɓè ɔ kè Baɓo-cɛ̃́ìn-ɖɛ̀ pídyi tɔ̀ɔ̀ ɓè mú.
Víɖò Ɓè Ɓó Baɓoɔ Cɛ̃́ Jè
Ɓaɓo-Cèè-Ðɛ̀ Ɓèɔ̀ Jè Kɔ̃in Zaìn-Zaìn
Jàà kpa ɖɛ ɓè kè ɖɛ ɓè ɓá Ɓaɓo-cèè-ɖɛ̀ ɖò-ɖò ɓèɔ̀ jè dyíɛ.
Baɓo Víɖò Ɓè—Tɛ̀mɛ̀ìn-Ðɛ̀ Kpa Ðɛ Ɓè
Víɖò xwã́-xwã́ ɓè nìà kɛɛ jù Baɓo dyi-diè-ɖɛ̀ kpa ɖɛ ɓè gɔ̃̀. Wa ɖíɛ́ ɓè mɔ̀: Ðɛ́ kɔ̃̀ jè geɖepɔɔ mɛà ɓóɖó-kpàà kɛ́? Xwɛ̀ nyɔ ɓè ɖàà mɛ́ɛ jè nyu nìɛ̀ kɛ́? kè Ðɛ́ kɔ̃̀ jè Geɖepɔɔ wɔ̃́àìn gà-dyé-dyé gboɛ́?
Baɓo-Cɛ̃́ìn-Cèè-Ɖɛ̀ Ɓè Kè Ɖɛ-Múin-Ɖe-Cèè-Ɖɛ̀ Tɔ̀ɔ̀ Ɓè
Ɖúú Kɔ̃ Ɖɛ-Dyi-Dèìn-Naín (kàà wáká ɖìè ɖò dyí)
Nyùìn Jɛ̀hóvà Zàse ɓěɛ̀ céè-ɖɛ̀ ɓěɔ̀ kũ̀à mú ɓɛ́ m̀ ké Báɓòɔ̀ tɛ̀mɛ̀ìn-ɖɛ̀ ɓě dyi mɔ́ ɖúú kɔ̃.
Cɛ̃́ Baɓoɔ Dyììn Ɖé Nyɔ Ɖò Gbo-Kpá-Sɔ̃̀ Mú
Ðá Jɛ̀hóvà Zàse Ɓěɔ̀ Ðò Ɓɛ́ Ɔ Ké M̀ Gboi Téɛń Dyi
M̀ kè Jɛ̀hóvà Zàse ɓěɔ̀ mɛ dèìn Báɓòɔ̀ dɔ́ɔ́ kɔ̃in mɔɔ dɔ̃̌à Báɓò-cɛ̃́-cɛ̃́ pídyiɔ̀ mú.