Jízɛ̀ɛ̀ Mɛ́-Mɛ́ɔ̀ Jè Hwìɖìi-Dyà-Dyà
Sáɖádè, Zágìɖìɔ̀ 12, 2025
Ɓó kpa dyúáɖò ɖé zɔ̃ ɖò-ɖò séín xwíníín nyɛɛ, Jɛhova Zàse ɓè dyà Jízɛ̀ mɛ́-mɛ́ɔ̀ jè hwìɖìi kà dyúáɖò kà ɔ nyuà cɛ̃ɛ ɓɛ́ ɔ dyià níin: “Ɓè mɛ nyu ɖɛ nìà kɛ [tee] ɓɛ́ ɔ ké ní jè ɓè hwìɖìi dyà.”—Ðúù 22:19.
À nì m̀ hwɔɔ̀ gbo ɖáuń.
Dyi-Die-Ðɛ̀ Ɓè Ɓɛ́ Nyɔ Ɓè Die Dyi Kpɛ́-Kpɛ́ Kɛ
Ti jĩ̀ xwɛ̀ hwɔɔ̀ mu dyí ɖúùn wɛ̃́?
Ɔ mu áɓà dyúáɖò dyí ɖúɛ̀ ɓɛ́ìn.
Dɛ wa mu hwɔɔ̀ ɓéɖéìn nyɛ́?
Diè Jɛhova Zàse ɓè dyi ɓó ɖɛ séín ɓè ɓá hwɔɔ̀ dyíɛɛ jè.
Hwɔɔ̀ kɔ̃ mu-mu mɔ̀ wíɖí pɛ́ɛ̀-pɛ́ɛ̀?
Gbà.
Wa mu ɖé pɛ́nɛ̀ kpɔ̃ùnǹ?
Gbà. Jɛhova Zàse ɓè ní kpɔ̃ pɛ̃nɛ̀ fɔɔ ɖé waà dyí-poìn-poìn ɓèɔ̀ mú
Bɛ̃̀ìn-kà jɛ́ɛ́ ɖò nì ɓóò?
Hwɔ nìà kɛɛ se bɛ̃̀ìn-kà jɛ́ɛ́ ɖò ɓéɖé dyɛo, kɛɛ Jɛhova Zàse ɓè vɔ̃ ɓɛ́ wa ké Baɓo náún-po-wùɖù kíɖíí sí ɓɛ́ wa ké ɖɔún po hwòɖò-fɔ̀nɔ̀-kà kè kpéín-dyé-kà. (1 Tímétè 2:9) Nì mú-po-ɖɔ̀ɔ̀ se ɓéɖé ɔ ké ɖɔ kpa wíɖí pàɖà kɛ mɔɔ dyáá-ɖɔ̀ jù.
Ðɛ́ mu ɖé ɖɛ-hwìɖìi-dyà-hwɔ̀ɔ̀ kɔ̃ kpáùn wɛ̃́?
Dyí-poìn-poìnɔ̀ mu gbɔ dèìn ké ɔ mu mánáín hwɛ̀ìn ɖé wɛ́ɖɛ́ ɖò ɓèɖè-ɓèɖè mú, ké Jɛhova Zàse ɓèɔ̀ ɖò mu ɓaàùn. Baɓo wáɖá-wùɖù ɖò mu kà Jízɛ̀ɛ̀ mɛ́-mɛ́ɔ̀ nyu ɖɛ kpáa kɛ kè kà à ɓɛ́ìn ɖɛ ɓɛ́ Geɖepɔɔ kè Kɛ́ɖɛ́ì ɖà à bìì nyuɛ kpáná kɔ̃ún dyéɛ kɛɛ jè kɔ̃in zaìn.
Ɓɛ́ m̀ ké ɖɛ pàɖà dyé ní, dyé cɛ̃́ɛ́-ɖɛ̀ mɔ̀à “Xwíníínɔ̀ Nyɛ́ Kɔ̃̀ Jè Kà Jɛhova Zàse Ɓè Nyuà Bounɓoɔ̀ Hwìò-Ðìì-Ðɛ̀ɔ̀ Ɓéɖéɛ Kɛɛ Kòà Ɓó Kà Biè-Kpòò Tɔ̀ɔ̀ Ɓè Nyuà Ɓéɖéɛ Kɛɛ Gbo Kɛ́?”
Tiɔ̀ nyɛ́ Ðɛ-hwìɖìi-dyà-hwɔ̀ ɓè nì ɖé dyúa kɛɛ mu síìn nyɛ́?
2025: Sáɖádè, Zágìɖìɔ̀ 12
2026: Tɔ́ɔ́dè, Zàgìɖìɔ̀ 2
Nì Mu Ɖɛ Nìà Kɛ Mú Ɖɛ̀ɓɛ̀ìn Dyɛ̀
ÐƐ-HWÌÐÌI-DYÀ-DYÀ
Dyà Jízɛ̀ɛ̀ Mɛ́-Mɛ́ɔ̀ Jè Hwìɖǐi
À nì m̀ ɖáuń, ɓɛ́ m̀ ké à hwìɛ̀ nì ɖé dyí-poìn-poìn kpa ɖɛ nìà kɛ mú. Nì mu kà Jízɛ̀ɛ̀ fɛ̀ɛ̀ɔ̀ kè ɔ mɛ́-mɛ́ɔ̀ ɓɛ́ìn m̀ kpáná dyí nyuɛ kɛɛ cɛ̃́ìn.
ESSENTIAL BIBLE TEACHINGS
Xwíníínɔ̀ Nyɛ́ Kɔ̃̀ Jè Jízɛ̀ Mɛ́à Kɛ́?
Báɓòɔ̀ tɛ̀mɛ̀ìn ɖɛ kpa ɖɛ ɓě ɓá Jízɛ̀ mɛ́-mɛ́ɔ̀ jè dyí. Jízɛ̀ mɛ́-mɛ́ɔ̀ ɓéɖé xwíníín ɖò ɓó à bìì?