“Cɛ̃ Bɔ̃̀ Nɔ̀mɔ̀ Dyíinɔ̀!”
2024 Jɛhova Zàse Ɓèɛ̀ Kɔ̃̀vɛ̃́sĩ̀ɔ̀ɔ̀ Kɔ̃
Ðé mu-mu mɔ̀ pídyi • Pɛ́nɛ̀ kpɔ̃-kpɔ̃ ɖò se ɖé nì
Hwɔɔ̀ Ðɛ Jɛ́ɛ́ Ɓè
Fáɖáádè: Cɛ̃́ ɖɛ jɛ́ɛ́ ɓè kà bɔ̃̀ nɔ̀mɔ̀ dyíin ɓá Jízɛ̀ jè dyí ɓɛ́ wa céèà ɖé Máfíò kè Ðúù kè Máà ɔ kè Jɔ̃́ɔ́ cèè-ɖɛ̀ ɓèɔ̀ mú ɓá ɔ cĩ́-cĩ́ɔ̀ jè dyíɛɛ mɔ̀ jàà kɛ. Cɛ̃́ kà ɖɛ ɓè céèà ɖé Baɓoɔ múɛ ɓɛ́ìn à kpáná dyí nyuɛ zɛ̃̀ɛ̀ kɛɛ jè.
Sáɖádè: Ðɛ́ mɔ̀ kpáá-ɖɛ̀ ɓè ɓɛ́ wa ɓá Jízɛ̀ɛ̀ wóɖó-wóɖó kè ɔ ɓíɖíi wóɖó jè dyíɛ́, ké kpáá-ɖɛ̀ ɓèa kpá ma jàà cáà?
Sɔ̃́ɖè: Ðé Baɓo wáɖáá-wùɖù mɔ̀à “Xwíníín Kɔ̃̀ Jè À Seà Bɔ̃̀ Gbà Dyi Fɛ̃̀ìn Nyɛ” múɛɛ, cɛ̃́ xwíníín kɔ̃̀ jè nyɔ méɔùn ɓè seà fɛ̃̀ìn zɛ̃̀ɛ̀ kɛ kè kà wa hwòɖò nyu dyi dèɛ̀ kà ɖɛ ɓè nìà gbàà gbo kpáuń ɓóɖó-kpàà kɔ̃ɛɛ jè.
Víɖò Jɛ́ɛ́ɔ̀
Bɔ̃̀ Nɔ̀mɔ̀ Dyíin Ɓáà Jízɛ̀ Jè Dyíɛ: Kpáá-Ðɛ̀ 1
Ɓóɖó-Kpààɔ̀ Jàà Ce
Kà Jízɛ̀ nyu ma wóɖóɛ dyììn ɖé zĩ̀ìn-ɖɛ̀ múɛɛ, mɔ̀ ma dĩ́ín-dĩ̀ìn-ɖɛ̀ ɓè ɓɛ́ wa mu ma ɔ cĩ́-cĩ́ɔ̀ mú kpáùn wɛ̃ɛ kĩ́ín-kĩ́ín. Kã́á ɓéɖé hwɛ̀nɛ̀ ɖò mɔ́ɔ ma ɖáɓáa dyi, ké wa kpa ma ɔ Íjè. Ti wè ɖà ma ziɛɛ, ɔ gìɖììn ma ɖɛ-tɛ̀mɛ̀ìn-nyɔ̀ vɛ̀nɛ̀ ɓè cĩ́ ma ɔ nììn tiɔ̀ múɛɛ dyi. Dyé ɖɛ ɓè nìà kɛ kè ɖɛ tɔ̀ɔ̀ ɓè dyi ɖé víɖò wáká sɔ̃́ ɓè muà nììn Fáɖáádè kè Sáɖádè ɓàɖà kɛɛ mú.
Dyé víɖò ɓè ɓá zɔ̃ nìà kɛ kɔ̃̀vɛ̃́sĩ̀ɔ̀ɔ̀ jè dyíɛɛ dyi
Ðɛ́ Kpá Ðé À Kɔ̃̀vɛ̃́sĩ̀ɔ̀ Ɓèɔ̀ Kɔ̃ Kɛ́?
Dyé ɖɛ ɓè nì mu ɖé Jɛhova Zàse ɓèɛ̀ kɔ̃̀vɛ̃́sĩ̀ɔ̀ɔ̀ kɔ̃ dyéìn nyɛ.
2024 Jɛhova Zàse Ɓèɛ̀ Kɔ̃̀vɛ̃́sĩ̀ɔ̀: ‘Cɛ̃ Bɔ̃̀ Nɔ̀mɔ̀ Dyíinɔ̀!’
Zɔ̃ nìà kɛ nììn kɔ̃̀vɛ̃́sĩ̀ɔ̀ɔ̀ súìn xwíníín.
Víɖò Jɛ́ɛ́ɔ̀ Súìn Xwíníín: Bɔ̃̀ Nɔ̀mɔ̀ Dyíin Ɓáà Jízɛ̀ Jè Dyíɛ
Nyɔ ɓáún-ɓáún dyuò kà Jízɛ̀ nyu ma wóɖóɛ dyììn ɖé zĩ̀ìn-ɖɛ̀ múɛ. Kɛɛ ɖɛ́ tɔ̀ɔ̀ ɓè kpá ma hwɛ̀ ɖɛ nìà kɛ dyi ma kà kpá kɛ́?