Gyisɛse hilehilele kɛ Nyamenle Belemgbunlililɛ ne baye alesama ngyegyelɛ kɔsɔɔti avi ɛkɛ. (Mateyu 6:10) Ɔyɛle ndonwo nwiɔ ɛhye wɔ Mateyu 13:44-46 ɔvale ɔhilele nvasoɛ mɔɔ wɔ Nyamenle Belemgbunlililɛ ne anwo nɔhalɛ ne azo la.

•   Nrenyia bie mɔɔ ɔlɛyɛ gyima wɔ ɛya nu la nwunle agudeɛ bie mɔɔ vea la.

• Gualilɛnli bie mɔɔ ɛlɛkpondɛ avikpa adɔ la nwunle ko mɔɔ sonle bolɛ kpalɛ la.

 Mrenyia nwiɔ ne vale anyelielɛ dɔnenle debie biala mɔɔ bɛlɛ la amaa bɛ sa aha agudeɛ ne mɔɔ bɛnwunle ye la. Mrenyia ɛhye mɔ gyi ɛkɛ ne maa menli mɔɔ Belemgbunlililɛ ne sonle bolɛ maa bɛ la ati bɛfa ninyɛne bɛbɔ afɔle amaa bɛ sa aha ye nyilalɛ ne bie la. (Luku 18:29, 30) Wɔ vidio ɛhye anu, nea menli nwiɔ mɔɔ bɛ edwɛkɛ ne le kɛ mɔɔ Gyisɛse hanle nwolɛ edwɛkɛ wɔ ye ndonwo ne anu la.