30 DECEMBER, 2021
RUSSIA

M’bale Nikolayev Anapeza Mtendere Chifukwa Chokhulupirira Yehova

YAMBANI

Nthawi Komanso Zimene Zinachitika

23 December, 2021

Khoti la m’boma la Abinskiy m’chigawo cha Krasnodar linapeza kuti m’bale Aleksandr Nikolayev ndi wolakwa ndipo anamugamula kuti akakhale m’ndende kwa zaka ziwiri ndi miyezi 6
30 September, 2021

Anakaikidwa m’ndende poyembekezera chigamulo
4 August, 2021

Mlandu wawo unayamba kuzengedwa
26 May, 2021

Anaimbidwa mlandu chifukwa choti anamupeza akukambirana mfundo za m’Baibulo ndi achibale ake komanso anzake. Apolisi anaona kuti umenewu unali “mlandu wophwanya malamulo oyendetsera dzikolo komanso kusokoneza chitetezo”
7 April, 2021

6 koloko m’mawa apolisi a FSB komanso apolisi ena oletsa zachiwawa anabwera kudzafufuza zinthu m’nyumba ya a Nikolayev. Kenako anapita nawo ku polisi komwe anakawapanikiza ndi mafunso ndipo pambuyo pake anawalola kubwerera kunyumba
31 March, 2021

Anawatsegulira mlandu wophwanya malamulo

Zokhudza m’baleyu

Aleksandr Nikolayev

Chaka chobadwa: 1973 (Ku Salavat, M’dziko la Bashkortostan)

Mbiri yake: Ali ndi zaka 18, anaitanidwa kukalowa m’gulu la asilikali a dziko la Russia. Pambuyo pake, anamaliza maphunziro ake a ku koleji komwe anaphunzira kukonza zipangizo zamagetsi.

Mu 1997 anakwatira Yevgeniya. Ali ndi ana aamuna atatu akuluakulu. Komanso anatenga ana awiri aakazi wina wazaka 10 ndi wina wazaka 12, omwe akuwalera ngati ana awo. Banjali limakonda kuyenda m’mbali mwanyanja komanso kunkhalango.

Anayamba kuphunzira Baibulo ndi a Mboni za Yehova cha m’ma 1995. Anasangalala kuphunzira kuti Yesu si Mulungu komanso kuti dzina la Mulungu ndi Yehova. Kenako anabatizidwa mu 1996.

Zimene Ananena

Kodi ndi khalidwe liti lomwe likukuthandizani kupirira?

Nthawi zambiri ndimadzifunsa ngati ndili ndi chikhulupiriro chokwanira chomwe ndingadzandithandize kupitirizabe kukhulupirira Mulungu mpaka mapeto. Ndinazindikira kuti kuopa anthu komanso kudera nkhawa zinthu zomwe zikhoza kundichitikira, zikhoza kundisokoneza maganizo. Choncho ndimayesetsa kuti zinthu zimenezi zisandisokoneze. Ndimayamikira kuti Yehova wandithandiza kwambiri pothana ndi mavuto amenewa. Ngakhale kuti ndinkachita mantha pamene apolisi anabwera kudzafufuza m’nyumba mwanga, komabe ndinkamva kuti ndili ndi mtendere wamumtima.

Tili ndi chikhulupiriro kuti m’bale Nikolayev komanso abale ndi alongo ena a ku Russia ndi ku Crimea, adzadalitsidwa chifukwa chopitiriza kukhulupirira ndi kudalira Yehova.—Yeremiya 17:7.

Mwina Mungakondenso Kudziwa Izi

NKHANI

Anamangidwa Chifukwa Chotsatira Zimene Amakhulupirira ku Russia

Oimira gulu lina la zachitetezo la FSB anamanga a Dennis Christensen chifukwa chotenga nawo mbali pa msonkhano wa Mboni za Yehova womwe unkachitika mwamtendere mumzinda wa Oryol ku Russia.

NKHANI