KODI ZINANGOCHITIKA ZOKHA?
Miyendo ya Hatchi
HATCHI imathamanga pa liwiro la mtunda wa makilomita 50 pa ola limodzi. Ngakhale kuti pamachitika zambiri kuti hatchi izitha kuthamanga mofulumira chonchi, n’zochititsa chidwi kuti sigwiritsa ntchito mphamvu zambiri. Kodi zimenezi zimatheka bwanji? Chinsinsi chake chagona pa miyendo yake.
Taganizirani zimene zimachitika hatchi ikamathamanga. M’mawondo mwake muli minofu ndi minyewa yangati sipuling’i. Ndipo izi zimachititsa kuti miyendoyi ikaponda pansi izifwamphuka mwamphamvu n’kupita m’tsogolo.
Komatu mmene hatchi imathamangiramu ikhoza kudzivulaza minyewa ya m’miyendo yake. Koma n’zochititsa chidwi kuti sivulala chifukwa minofu ya m’mawondo ake imateteza minyewayi. Akatswiri amati “mawondo a hatchi anapangidwa mogometsa kwambiri” ndipo amathandiza kuti miyendo ya hatchi ikhale yolimba komanso yamphamvu.
Akatswiri opanga zinthu akufuna kutengera miyendo ya hatchi kuti apange maloboti a miyendo 4. Komabe panopa akatswiri sangakwanitse kupanga loboti potengera miyendo ya hatchiyi. Izi zili choncho malinga ndi zimene bungwe lina loona za luso lopanga zinthu zamakono potengera zam’chilengedwe linanena. Bungweli linati panopa akatswiriwa alibe zipangizo zoti angathe kugwirira ntchito imeneyi. Vuto linanso ndi loti padakali pano akatswiriwa sakudziwa zambiri pa nkhaniyi.
Kodi inuyo mukuganiza bwanji? Kodi zinangochitika zokha kuti miyendo ya hatchi izitha kuchita zimenezi, kapena pali winawake amene anailenga?
Mwina Mungakondenso Kudziwa Izi
GALAMUKANI!
Zigoba za Nkhono Zam’madzi
Zigobazi zimakhala zolimba kwambiri moti zimatha kuteteza nkhono zomwe zili mkati mwake.
GALAMUKANI!
Tizipatso Tokongola Kwambiri ta Buluu
Tizipatso ta Pollia tilibe madzi alionse a buluu mkati mwake, koma timaoneka ta buluu wowala kwambiri ndipo palibenso zomera zina zomwe zimaoneka choncho. Kodi n’chiyani chimachititsa kuti tizipatsoti tizioneka motere?
GALAMUKANI!
Ubweya wa Katumbu
Nyama zambiri zam’madzi zimakhala ndi mafuta ambiri pansi pa khungu lake, omwe amathandiza kuti zizimva kutentha. Koma katumbu ali ndi ubweya wambiri womwe umamuthandiza kuti azimva kutentha.
GALAMUKANI!
Njuchi Zimatera Mochititsa Chidwi
Kodi kudziwa zimene njuchi imachita ikamatera kungathandize bwanji popanga maloboti otha kuwaulutsa ndi kumawawongolera? Kodi akatswiri opanga maloboti otha kuuluka angaphunzire chiyani poona zimene njuchi imachita ikamatera?
GALAMUKANI!
Nyerere Yokhala ndi Zinthu Zoiteteza ku Dzuwa
Nyerereyi ndi imodzi mwa nyama zimene zimatha kukhala m’malo otentha kwambiri omwe nyama zina sizingakhale. Kodi n’chiyani chimaithandiza kukhala m’malo oterewa?
GALAMUKANI!
Ulusi wa Nkhono Yam’madzi
Nkhono zinazake zam’madzi zimamata kuzinthu pogwiritsa ntchito timaulusi. Kumvetsa mmene zimenezi zimathekera kungathandize anthu kupeza njira yabwino yomatira zinthu pakhoma kapena yolumikizira minyewa kumafupa.
