Mbela omahunganeko gopaMesiasa otagu ulike kutya Jesus oye Mesiasa?
Shoka Ombiimbeli tayi ti
Eeno. Manga Jesus a li kombanda yevi, okwa li a gwanitha omahunganeko ogendji kombinga yaMesiasa, “omuwiliki omuhogololwa gwaKalunga,“ ngoka ta ka kala “Omukulili guuyuni.” (Daniel 9:25; 1 Johannes 4:14) Nokuli nokonima sho a si, okwa li a tsikile okugwanitha omahunganeko gopaMesiasa. — Episalomi 110:1; Iilonga 2:34-36.
Edhina “Mesiasa” otali ti shike?
Oshitya shOshihebeli Mashiach (Mesiasa) noshitya shoka hashi endele pamwe nasho Khristos (Kristus) ayihe otayi ti “Omugwayekwa. Onkee ano, uutumbulilo “Jesus Kristus” otawu ti “Jesus ngoka e li Omugwayekwa” nenge “Jesus ngoka e li Mesiasa.”
Pethimbo lyOmbiimbeli, omuntu olundji okwa li ha gwayekwa mokutilwa omagadhi momutse uuna ta pewa ondondo yoonkondopangelo yi ikalekelwa. (Levitikus 8:12; 1 Samuel 16:13) Jesus okwa li a gwayekwa kuKalunga a kale Mesiasa, ano a tulwa pondondo onene yoonkondopangelo. (Iilonga 2:36) Ihe pehala lyokugwayeka Jesus nomagadhi, Kalunga okwe mu gwayeke nombepo ondjapuki. — Mateus 3:16.
Mbela otashi vulika ngaa pu kale ooMesiasa ye vulithe pugumwe?
Aawe. Ngaashi naanaa omanyala hagu ulike owala oondjila dhomuntu gumwe, omahunganeko gOmbiimbeli ngoka ga gwanithwa otagu ulike kutya opu na owala Mesiasa nenge Kristus gumwe awike. Ihe Ombiimbeli otayi tu londodha tayi ti kutya “otaku ka holoka ookristus naahunganeki aafundja notaa holola po omandhindhiliko omanene niikumithalonga, opo ya pukithe, ngele tashi vulika, nomaahogololwa yaKalunga wo.” — Mateus 24:24.
Mbela Mesiasa ota ka holoka monakuyiwa?
Aawe. Ombiimbeli oya li ya hunganeka kutya Mesiasa ota ka za moluvalo lwomukwaniilwa David gwaIsraeli. (Episalomi 89:3, 4) Ihe iinyolwa yonale moka mwa nyolwa ondjokonona yomazimo gAajuda okuza kuDavid kayi po we, tashi vulika ya hanagulwa po sho Aaroma ya hanagula po Jerusalem mo 70 E.N. * Okuza ethimbo ndyono, kasha li tashi wapa, opo omuntu u ulike kutya ye ogwomezimo lyaakwaniilwa lyaDavid. Mepingathano naashoka, nonando iinyolwa mbyoka yonale kaya li ko pethimbo lyaJesus, aatondi ye kaya li taya vulu oku mu pataneka kutya ke shi shili gwomoluvalo lwaDavid. — Mateus 22:41-46.
MOmbiimbeli omu na omahunganeko gopaMesiasa gangapi?
Itatu vulu naanaa okupopya kondandalunde kutya omahunganeko gopaMesiasa oge li gangapi. Pashiholelwa, omukalo gwokuyalula omahunganeko otagu vulu okukala gwa yoolokathana, nokuli nomomahokololo ngoka taga popi sha yela kombinga yaMesiasa. Ehokololo lyomuJesaja 53:2-7 otali popi iinima oyindji yopahunganeko yi na ko nasha naMesiasa. Yamwe otashi vulika ehokololo ndyoka alihe ye li tala ko li li ehunganeko limwe alike, omanga yalwe tashi vulika oshinima kehe ye shi tala ko shi li ehunganeko lyi ili.
Omahunganeko gamwe gopaMesiasa ngoka ga gwanithwa kuJesus
Ehunganeko |
Mpoka tali adhika |
Egwanitho lyalyo |
|---|---|---|
Ota ka za moluvalo lwaAbraham |
Genesis 22:17, 18 |
|
Ota ka za moluvalo lwomuna gwaAbraham, Isak |
Genesis 17:19 |
|
Ota ka za moshigwana shAaisraeli, mezimo lyaJuda |
Genesis 49:10 |
|
Ota ka za mezimo lyaakwaniilwa lyomukwaniilwa David |
Jesaja 9:7 |
|
Ota ka valwa komukadhona |
Jesaja 7:14 |
|
Ota ka valelwa muJerusalem |
Mika 5:2 |
|
Ota ka lukwa Immanuel * |
Jesaja 7:14 |
|
Aavali ye otaya ka kala aaifupipiki |
Jesaja 53:2 |
|
Aanona aashona oya dhipagwa konima yokuvalwa kwe |
Jeremia 31:15 |
|
Okwi ithanwa muEgipiti |
Hosea 11:1 |
|
Okwi ithanwa Omunasareti * |
Jesaja 11:1 |
|
Okwa li a tetekelwa komutumwa |
Maleaki 3:1 |
|
Okwa li a gwayekwa e li Mesiasa mo 29 E.N. * |
Daniel 9:25 |
|
Okwa li a popiwa kuKalunga e li Omwana |
Episalomi 2:7 |
Iilonga 13:33, 34 |
Okwa li e na uulaadhi omolwongulu yaKalunga |
Episalomi 69:9 |
|
Okwa li omuuvithi gwonkundana ombwanawa |
Jesaja 61:1 |
|
Iilonga ye yuukalele muGalilea oya li ya gandja uuyelele owundji |
Jesaja 9:1, 2 |
|
Okwa li omulongi gwiikumithalonga ngaashi Moses |
Deuteronomium 18:15 |
Iilonga 2:22 |
Okwa li a popi omadhiladhilo gaKalunga ngaashi Moses |
Deuteronomium 18:18, 19 |
|
Okwa li a aludha omauvu ogendji |
Jesaja 53:4 |
|
Ka li u ukitha eitulomo kuye mwene |
Jesaja 42:2 |
|
Okwa li e nine olukeno mboka ya mona iihuna |
Jesaja 42:3 |
|
Okwa li a hololele aantu uuyuuki waKalunga |
Jesaja 42:1, 4 |
|
Okwa li Omupukululi a dhenga mbanda |
Jesaja 9:6, 7 |
|
Okwa li a tseyithila aantu edhina lyaJehova |
Episalomi 22:22 |
|
Okwa li a longitha omayele nenge omathaneko |
Episalomi 78:2 |
|
Ota ka kala Omuwiliki |
Daniel 9:25 |
|
Aantu oyendji kaya li ye mu itaala |
Jesaja 53:1 |
|
Ota ka kala emanya ndyoka tali pundukitha aantu |
Jesaja 8:14, 15 |
|
Okwa li taka e ekelwahi kaantu |
Episalomi 118:22, 23 |
Iilonga 4:10, 11 |
Okwa li ta ka tondika nopwaahe na etompelo lyasha |
Episalomi 69:4 |
|
Okwa li ta ka ya muJerusalem ta tangwa e li kokasino |
Sakaria 9:9 |
|
Okwa li a hambelelwa kuunona |
Episalomi 8:2 |
|
Okwa li e ya medhina lyOmuwa |
Episalomi 118:26 |
|
Okwa li a gwaalekwa kukuume ngoka i inekela |
Episalomi 41:9 |
|
Okwa li gwaalekwa niimaliwa yiisiliveli 30 * |
Sakaria 11:12, 13 |
|
Ookuume ke oya li taye ke mu thiga po |
Sakaria 13:7 |
|
Okwa li ta ka lundilwa |
Episalomi 35:11 |
|
Ina makula okana ke sho ta lundilwa |
Jesaja 53:7 |
|
Okwa li a hiyilwa omayeye |
Jesaja 50:6 |
|
Okwa li a dhengwa komutse |
Mika 5:1 |
|
Okwa li a dhakagulwa |
Jesaja 50:6 |
|
Ina kondjitha mboka ye mu dhenge |
Jesaja 50:6 |
|
Aakwanepangelo oya li ye mu ningile ompangela yomeholamo yoku mu kondjitha |
Episalomi 2:2 |
|
Okwa li a alelwa komuti noomboha miikaha nokoompadhi |
Episalomi 22:16 |
|
Aantu oya li yu umbile oonguwo dhe oshihogololitho |
Episalomi 22:18 |
|
Okwa li a yalulilwa maakolokoshi |
Jesaja 53:12 |
|
Okwa li a tukwa, a nyonkelwa |
Episalomi 22:7, 8 |
|
Okwa li a hepekwa molwaalunde |
Jesaja 53:5, 6 |
1 Petrus 2:23-25 |
Okwa li a fa e ekelwahi kuKalunga |
Episalomi 22:1 |
|
Okwa li a pewa omaviinu omalulu nonyango a nwe |
Episalomi 69:21 |
|
Okwa li e uvite enota sho e li pokusa |
Episalomi 22:15 |
|
Okwa li a gandja omwenyo gwe miikaha yaKalunga |
Episalomi 31:5 |
|
Okwa li a yamba po omwenyo gwe |
Jesaja 53:12 |
|
Okwa li a gandja ekuliloyambo, opo adhime po oondjo dhetu |
Jesaja 53:12 |
|
Omasipa ge kaga li ga teywa |
Episalomi 34:20 |
|
Okwa li ta ka tsuwa |
Sakaria 12:10 |
|
Okwa li ta ka fumvikwa pamwe naayamba |
Jesaja 53:9 |
|
Okwa li a yumudhwa kuusi |
Episalomi 16:10 |
Iilonga 2:29-31 |
Omugwaaleki okwa li a pingenwa po |
Episalomi 109:8 |
Iilonga 1:15-20 |
Okwa li a kuutumba kolulyo lwaKalunga |
Episalomi 110:1 |
Iilonga 2:34-36 |
^ okat. 5 Embo lyo-Cyclopedia lya nyolwa kuMcClintock naStrong olya ti: “Opu na ngaa omalimbililo kutya iinyolwa yonale moka mwa nyolwa ondjokonona yomazimo gAajuda noyaakwanezimo yawo oya li ya hanagulwa po pehanagulo lyaJerusalem, ihe hamanga inaali ningwa.”
^ okat. 40 Edhina lyOshihebeli Immanuel, tali ti “Kalunga oku li pamwe natse,” otali hokolola nawa onkandangala ndjoka Jesus ta dhana e li Mesiasa. Okukala kwe kombanda yevi niilonga ye oyu ulika kutya Kalunga oku li pamwe naalongeli Ye. — Lukas 2:27-32; 7:12-16.
^ okat. 52 Oshitya “Omunasareti” otashi vulika sha za koshitya shOshihebeli netser, shoka tashi ti “oshitutuma.”
^ okat. 58 Opo wu mone uuyelele kombinga yeyalulo lyopethimbo lyOmbiimbeli ndyoka tali ulike omumvo 29 E.N., gu li omumvo moka Mesiasa e ya, tala oshitopolwa “Nkene ehunganeko lyaDaniel lya hunganeka okuya kwaMesiasa.”
^ okat. 127 Ehunganeko ndika otali adhika membo lyaSakaria, ihe omunyoli gwOmbiimbeli Mateus okwa ti kutya olya adhika lya “popiwa komuhunganeki Jeremia.” (Mateus 27:9) Osha fa shi li mpono kutya embo lyaJeremia petameko olya li lya nyolwa moshitopolwa shOmanyolo shoka hashi ithanwa ‘omanyolo gaahunganeki.’ (Lukas 24:44) Otashi vulika Mateus a li a longitha “Jeremia” sho a popi kombinga yomambo agehe ngoka, mwa kwatelwa embo lyaSakaria.