OSHILESHWA 03
Mbela shoka Ombiimbeli tayi ti, oshi shi ngaa okwiinekelwa?
Otashi vulika wa hala okutseya shoka Ombiimbeli tayi ti, ihe otashi vulika wa limbililwa. Omauvaneko nomayele omawanawa ogendji ngoka ge li mOmbiimbeli, evi to yele. Mbela oto vulu ngaa shili okwiinekela omauvaneko nomayele ga nyolwa membo ndyoka lyonalenale? Mbela owi itaala ngaa kutya shoka Ombiimbeli tayi popi, otashi vulu oku ku kwathela monkalamwenyo yoye ngashingeyi nosho wo monakuyiwa? Aantu oyendji oyi inekela shoka Ombiimbeli tayi popi. Opu na uuyelele mboka tawu ku kwathele nangoye wi itaale shoka Ombiimbeli tayi ti.
1. Mbela omahokololo gOmbiimbeli ogoshili nenge oongano dhowala?
Ombiimbeli yo yene otayi ti kutya oohapu ndhoka dhi li mo ‘odhu uka nodhoshili.’ (Omuuvithi 12:10) Oya popya iinima ya ningwa shili kaantu ya li ko. (Lesha Lukas 1:3; 3:1, 2.) Aanandjokonona nosho wo aalafululi yiikulunima oyendji oye shi koleka kutya omasiku, aantu, omahala niiningwanima mbyoka ya popiwa mOmbiimbeli oyoshili.
2. Omolwashike tatu tile kutya omayele ngoka ge li mOmbiimbeli inaga kwisha?
Pethimbo sho Ombiimbeli tayi nyolwa aantu kaya li lela ye na ontseyo miinima yopaunongononi. Ihe Ombiimbeli oya popya iinima yopaunongononi. Iinima oyindji mbyoka ya popya kombinga yuunongononi, aantu oyendji kaya li ye yi itaala nando. Aanongononi kunena, oye shi koleka kutya iinima ayihe mbyoka ya popiwa mOmbiimbeli “oyoshili noyu uka,” yo “oya kola sigo aluhe.”— Episalomi 111:7, 8.
3. Omolwashike tatu vulu okwiinekela shoka Ombiimbeli ya popya kombinga yonakuyiwa?
MOmbiimbeli omu na omahunganeko * ngoka ga popya kombinga yiinima mbyoka “tayi ka ningwa.” (Jesaja 46:10) Ombiimbeli oya adhika nale ya hunganeka komeho yethimbo iinima mbyoka tayi ka ningwa manga inaayi gwanithwa. Oya kala wo ya hunganeka nale iinima mbyoka tu wete tayi ningwa pethimbo lyetu. Moshileshwa shika otatu adha mo omahunganeko gamwe gOmbiimbeli ngoka tatu ka kundathana. Otatu ka tala nkene ga gwanithwa momukalo tagu kumitha.
ILONGA OSHINDJI
Aanongononi pethimbo lyetu oya zimina kutya shoka sha nyolwa mOmbiimbeli oshoshili. Onkee ano, nangoye konakona omahunganeko gamwe ngoka ge li mOmbiimbeli.
4. Aanongononi otaya tsu kumwe nOmbiimbeli
Konalenale, konyala omuntu kehe okwa li i itaala kutya evi oli li koshinima shontumba. Dhana OKAVIDIO.
Tala shoka sha popiwa membo lyaJob omimvo 3 500 lwaampono dha ka pita. Lesha Job 26:7, e tamu kundathana epulo tali landula:
-
Omolwashike tashi kumitha sho ovelise tayi ti kutya evi olya tulwa “powalawala”?
Aantu opo owala ye ende tayu uvu ko nawa edhingoloko lyomeya momumvo 1800 nasha. Ihe tala shoka Ombiimbeli ya popya omimvo 3 500 dha ka pita. Lesha Job 36:27, 28, e tamu kundathana omapulo taga landula:
-
Oshike wa hokwa shi na ko nasha naashoka Ombiimbeli tayi ti kombinga yedhingoloko lyomeya?
-
Mbela oovelise ndhoka wa zi nokulesha otadhi koleke eitaalo lyoye mOmbiimbeli?
5. Ombiimbeli oya hunganeka iiningwanima ya simana
Lesha Jesaja 44:27–45:2, e tamu kundathana epulo tali landula:
-
Ombiimbeli oya adhika ya popya shike omimvo 200 nasha manga oshilando Babilonia inaashi hanagulwa po?
Aanandjokonona oye shi koleka kutya omukwaniilwa Kores gwaPersia nosho wo etangakwiita lye, oya li ya hanagula po oshilando Babilonia momumvo 539 K.E.N. * Oya panuna mo omeya momulonga ngoka gwa li gwa gamena oshilando. Oya yi mo ya pitile momiyelo ndhoka dha li dha thigwa dhe eguluka noya kwata ko oshilando nopwaa na okukondja. Nonando opwa pita omimvo dha konda 2 500, mpoka pwa li oshilando Babilonia, opu na owala omakulukuma sigo okunena. Ngashingeyi konakona shoka Ombiimbeli ya adhika ya hunganeka.
Lesha Jesaja 13:19, 20, e tamu kundathana epulo tali landula:
-
Ehunganeko ndika olya li lya gwanithwa ngiini?
Omakulukuma gaBabilonia, moIrak shokunena
6. Ombiimbeli oya hunganeka iinima mbyoka tu wete tayi ningwa pethimbo lyetu
Ombiimbeli otayi ti kutya otu li “momasiku gahugunina.” (2 Timoteus 3:1, OB-1954) Tala shoka Ombiimbeli ya hunganeka kombinga yomasiku gahugunina.
Lesha Mateus 24:6, 7, e tamu kundathana epulo tali landula:
-
Ombiimbeli oya ti shike kombinga yomasiku gahugunina?
Lesha 2 Timoteus 3:1-5, e tamu kundathana omapulo taga landula:
-
Ombiimbeli oya ti kutya aantu otaya ka kala ye na iikala ya tya ngiini momasiku gahugunina?
-
Iikala yini ya popiwa moovelise ndhino ho mono tayi dhana onkandangala maantu kunena?
AANTU YAMWE OHAYA TI: “Ombiimbeli embo lyomahokololo giifundja noongano.”
-
Oshike unene she ku tompa wi itaale kutya shoka sha nyolwa mOmbiimbeli oshoshili?
OWI ILONGO SHIKE?
Iinima mbyoka ya popiwa kaanandjokonona, kaanongononi nokaahunganeki otayi ulike kutya Ombiimbeli oyi shi okwiinekelwa.
Omapulo geendululo
-
Mbela omahokololo ngoka ga nyolwa mOmbiimbeli ogoshili nenge oongano dhowala?
-
Iinima yini ya kolekwa kaanongononi tayi tsu kumwe nOmbiimbeli?
-
Mbela sho to tala, Ombiimbeli oya hunganeka shoka tashi ka ningwa monakuyiwa? Omolwashike to tile ngawo?
UUYELELE WA GWEDHWA PO
Mbela opu na iinima yimwe yopaunongononi itaayi tsu kumwe naashoka shi li mOmbiimbeli?
Ombiimbeli oya popya uushili wuni mboka tawu ulike kutya otu li “momasiku gahugunina”?
Tala nkene shoka Ombiimbeli ya adhika ya hunganeka nale kombinga yepangelo lyaGreka sha gwanithwa.
Tala nkene omahunganeko gOmbiimbeli ga lundulula etaloko lyomulumentu gumwe li na ko nasha nOmbiimbeli.
“Kanda li ndi itaala kutya Kalunga oko e li” (Oshungolangelo, No. 5 2017)
^ okat. 9 Omahunganeko oshike? Oga kwatela mo omatumwalaka ngoka ga za kuKalunga, giinima mbyoka tayi ka ningwa monakuyiwa.
^ okat. 25 Efupipiko K.E.N. otali ti: “Komeho yEyalulo lyomimvo dhoNgashingeyi” omanga E.N. tali ti: “Eyalulo lyomimvo dhoNgashingeyi.”
Opu na ishewe uuyelele mbuka
OMAPULO NGOKA HAGA PULWA OLUNDJI KOMBINGA YOONZAPO DHAJEHOVA
Ekonakonombiimbeli ndyoka hali ningwa kOonzapo dhaJehova oshike?
Oto vulu okulongitha Ombiimbeli kehe mootundi dhopaMbiimbeli dhoshali, ndhoka hadhi ningwa kOonzapo dhaJehova. Oto vulu okuhiya aantu yaandjeni nenge ookuume koye.
