OSHILESHWA 02
Ombiimbeli oye tu uvanekela etegameno ewanawa
Aantu muuyuni awuhe oye na omaupyakadhi ngoka hage ya yemateke, noku ye etela oothina nuuwehame nokuli. Mbela owi iyadhele nale monkalo ndjono tayi ku ningitha wu kale wu uvite ngawo? Mbela owa yemata, molwaashoka to ehama nenge wa silwa? Otashi vulika wi ipule, to ti: ‘Mbela omaupyakadhi ngono ge tu kondeka monkalamwenyo onaga ka hule po ngaa?’ Ombiimbeli otayi gandja eyamukulo tali mbilipaleke kepulo ndyoka.
1. Etegameno ewanawa lyonakuyiwa lini lya popiwa mOmbiimbeli?
Ombiimbeli otayi yelitha kutya omolwashike tu na omaupyakadhi ogendji. Otayi tu lombwele wo onkundana ombwanawa kutya masiku omaupyakadhi agehe otaga ka hula po. Omauvaneko ngoka ge li mOmbiimbeli otage tu pe “onakuyiwa netegameno.” (Lesha Jeremia 29:11, 12.) Omauvaneko ngoka otage tu kwathele tu idhidhimikile omaupyakadhi ngoka tu li mugo ngashingeyi notu kale twa nyanyukwa. Otage tu shilipaleke wo kutya otatu ka kala nonkalamwenyo ombwanawa monakuyiwa.
2. Ombiimbeli oye tu uvanekela onakuyiwa ya tya ngiini?
Ombiimbeli otayi ti kutya monakuyiwa ‘itaku ka kala we eso, oluhodhi, elilo nenge uuwehame.’ (Lesha Ehololo 21:4.) Oyu uvaneka wo kutya aantu otaya ka tyapula onkalamwenyo sigo aluhe moparadisa kombanda yevi. Omaupyakadhi agehe ngoka haga ningitha aantu ya kanithe etegameno, ngaashi oluhepo, okwaanuuyuuki, uuwehame neso, itaga ka kala po we.
3. Oshike tashi ku kwathele wu kale neinekelo lya kola momauvaneko ngoka ge li mOmbiimbeli?
Aantu oyendji ohaya kala ya tegamena iinima oyindji iiwanawa, ihe ihaya kala naanaa ye na uushili ngele shoka ya tegamena onashi ka gwanithwe. Shoka Ombiimbeli yu uvaneka otashi ka gwanithwa. Otatu vulu okwiinekela shoka tayi ti, ngele otwa kala “nokukonakona Omanyolo” nawa. (Iilonga 17:11) Sho to konakona Ombiimbeli, ongoye mwene to ka tokola ngele oto ki itaala shoka tayi popi kombinga yonakuyiwa.
ILONGA OSHINDJI
Konakona iinima yimwe mbyoka Ombiimbeli yu uvaneka tayi ka ningwa monakuyiwa. Tala nkene shoka Ombiimbeli yu uvaneka tashi kwathele aantu kunena.
4. Ombiimbeli oyu uvaneka kutya otatu ka kala nomwenyo sigo aluhe kaatu na omaupyakadhi gasha
Tala komauvaneko taga landula ngoka ga popiwa mOmbiimbeli. Ogeni wu hole unene? Omolwashike wu ga hole?
Lesha omanyolo ngoka ge li pepandja ndika ga tegama nomauvaneko, e tamu kundathana omapulo taga landula:
-
Mbela sho to tala omanyolo ngano otage ku kwathele wu kale wu na etegameno lyasha? Mbela otage etele aantu yaandjeni nookuume koye uuwanawa washa?
Kala andola wa fa wu iwete wu li muuyuni moka
|
KAAMU NA OMUNTU . . . |
KEHE GUMWE TA KA . . . |
|---|---|
|
|
|
|
|
|
|
|
|
|
5. Shoka Ombiimbeli yu uvaneka otashi vulu oku tu kwathela
Aantu oyendji oya teka omukumo noya geya nokuli omolwomaupyakadhi ngoka ge ya kundukidha. Yamwe otaya kondjo ya mana mo, opo ye ete iinima kondjila aniwa. Tala nkene shoka Ombiimbeli yu uvaneka kombinga yonakuyiwa ombwanawa tashi kwathele aantu ngashingeyi. Dhana OKAVIDIO, e tamu kundathana omapulo taga landula.
-
Ngaashi sha popiwa mokavidio, okwaanuuyuuki kwoludhi luni kwa li ku uvitha nayi Rafika?
-
Nonando okwaanuuyuuki hoka inaku hula po, Ombiimbeli oye mu kwathele ngiini?
Shoka Ombiimbeli yu uvaneka kombinga yonakuyiwa otashi vulu oku tu kwathela kaatu teke omukumo notu kale twa nyanyukwa, nonando otu na omaupyakadhi. Lesha Omayeletumbulo 17:22 nosho wo Aaroma 12:12, e tamu kundathana omapulo taga landula:
-
Shoka Ombiimbeli tayi popi kombinga yonakuyiwa, otashi vulu ngaa okuhwepopaleka onkalamwenyo yoye ngashingeyi? Omolwashike to tile ngawo?
AANTU YAMWE OHAYA TI: “Omauvaneko ngoka ge li mOmbiimbeli kage shi goshili.”
-
Sho to dhiladhila, omolwashike wa pumbwa oku yi konakona wu mone uumbangi?
OWI ILONGO SHIKE?
Ombiimbeli otayi tu pe etegameno. Otayi tu kwathele tu idhidhimikile omaupyakadhi ngoka tu li mugo, oshoka oyu uvaneka kutya otwa tegelela onakuyiwa ndjoka itoo pewa komuntu.
Omapulo geendululo
-
Omolwashike aantu ya pumbwa okutseya omauvaneko gaKalunga?
-
Ombiimbeli otayi ti shike kombinga yonakuyiwa?
-
Shoka Ombiimbeli yu uvaneka kombinga yonakuyiwa, otashi ku kwathele ngiini ngashingeyi?
UUYELELE WA GWEDHWA PO
Ilonga nkene etegameno lyonakuyiwa tali ku kwathele wi idhidhimikile omaupyakadhi.
“Openi tatu vulu okwaadha etegameno?” (Penduka mo! 22 Apilili 2004)
Tala nkene etegameno lyonakuyiwa tali vulu okukwathela mboka ye na uuvu woshinamenena.
Sho to pulakene okaimbilo haka, kala wa fa wi iwete wu li naantu yaandjeni mwa nyanyukwa mu li moparadisa ndjoka yu uvanekwa mOmbiimbeli.
Lesha nkene onkalamwenyo yagumwe ngoka a li a hala okweeta elunduluko muuyuni ya lunduluka, sho i ilongo shoka Ombiimbeli yu uvaneka kombinga yonakuyiwa.
“Kandi uvite we kutya onda pumbwa okweeta elunduluko muuyuni” (Oshungolangelo, 1 Juli 2013)
Opu na ishewe uuyelele mbuka
OMAPULO NGOKA HAGA PULWA OLUNDJI KOMBINGA YOONZAPO DHAJEHOVA
Ekonakonombiimbeli ndyoka hali ningwa kOonzapo dhaJehova oshike?
Oto vulu okulongitha Ombiimbeli kehe mootundi dhopaMbiimbeli dhoshali, ndhoka hadhi ningwa kOonzapo dhaJehova. Oto vulu okuhiya aantu yaandjeni nenge ookuume koye.
