Verenganyi Dhanyeri 9:1-19 kuitira kuti mujije kusisira ko kuva mundhu wakangwara.

Psakisisanyi fundo. Ngozvapi zvakaitika nokutizve zvakapsasisa kudini Dhanyeri? (Dhanyeri 5:29–6:5) Imwimwi maizojizwa kudini kudari nomainga Dhanyeri?

Nasanyi kupsakisisa. Ngoapi ‘mabhuku akacena’ okuti Dhanyeri waizomashandisa kuti apsakisise? (Dhanyeri 9:2; Murindiri wo 1/1/11 pheji 22 ndima 2) Ngenyi Dhanyeri wakadekeca zvishaishi zvake no zvo jinja ro Iziraeri? (VaLevi 26:39-42; 1 Majimambo 8:46-50; Fungisisa Uprofita hwaDhanieri! pheji 182-184) Kuitisa kudini mukumbiro wa Dhanyeri wakakhombija kuti iyena wakava mundhu wakangwara kuvha ku zvaiijija mu Soko ra Mwari?—Dhanyeri 9:11-13.

Rangarijisisanyi ngo zvamajija. Jivhunjisenyi kudari:

• ‘Ndingaitisa kudini kuti nditame kupauswa ngo zviitiko zvo nyika?’ (Mikeya 7:7)

• ‘Ndingabesereka kudini ngo kujija Soko ra Mwari nokungwarira kwese inga zvakaita Dhanyeri?’ (Murindiri wo 1/8/04 pheji 12 ndima 17)

• ‘Musoro japi jo jijo jo Bhaibheri jinozondibesera kuti ‘ndigare ndakarinda.’? (Mateu 24:42, 44; Murindiri wo 15/8/12 pheji 5 ndima 7-8)