3 Ngenyi vandhu vakanaka vanotambujika?
Ngenyi Zvinosisira Kuziva Mupinguro Wakona
Azvizivi kurungama kuti vandhu vakarungama vatambujike. Ngo ndava yazvo, vamweni vanovona kuti apana zvazvinobesera kuva mundhu wakanaka.
Amborangariranyi Basi
Vamweni vanotenda kuti vandhu vanobahwa ngo papsa. Ivona vanoti vaya vanoita zvakanaka vanobhahwa ngo papsa vova no upenyu wakanaka, asi vaya vanoita zvakashata vanobahwa go papsa vova no upenyu uno matambujiko. Mukuzwirana no mavonero aya, pikija vandhu vakanaka vangatambujika ngo ndava yo zvishaishi “zvo vakaita kare.” Asi . . .
-
Ngo capi cingava cinangwa co matambujiko aya zvecivoneka kuti mundhuwo aacarangariri zvaakaita kare?
-
Ngenyi tinoneseka maningi ngo ndava yo uhomi no kugarisika kwedu kuveni kupona ushoni kwedu kwakaimisihwa ngo zvatakaita kare?
JIJIRANYI ZVIZINJI
Vonanyi vhidhio inoti Ngenyi Mwari Anoregerera Kutambujika? mu jw.org/ndc.
Bhaibheri Rinonangenyi
Matambujiko asipi kupanicwa ndi Mwari.
Kazinji, matambujiko tinomawana ngo kuti tinonga tiri pa ndau yakashata zve pa mukuvo wakashata.
“Mujaho aubudiriri ngo ndava yo kukasikira kugogoma, vavangi avanyisi mu hondo, bzokuha abziwaniwi ngo ungwaru, nokuti upfumi ahuwaniki ngo vandhu, ngo kuzwisisa kwavo, ruzinji vandhu vanoziva avaiti vakuru, bzakanaka no bzakaxata abzikheti mundhu.” —MUCUMAERI 9:11.
Cishaishi ndi imwe njira inotiita kuti titambujike.
Vandhu vazinji povanoshandisa gama rokuti “cixaixi”, vanorangarira kuti i ciro cakashata cinoizwa ngo mundhu. Asi Bhaibheri rinoshandisa gama rokuti cishaishi recida kunangira kuti vandhu vese vanowira mu cishaishi, pikija ku vandhu vakanaka no vakashata.
“Ndakabahwa mu uxati; mai wangu vakandimita mu uxaixi.”—NDUYO 51:5, Masoko o pasi.
Cishaishi cinoviisa muviyo jakashata maningi kuno vandhu kana cakaviisa mugariro jakashata maningi kuno vandhu.
Cishaishi cakakhuvaza ushamwari hwedu na Mwari pomwe no ushamwari hwedu no vandhu vamweni pomwe no zvisikwa. Zvese izvi zvinoviisa zvineso ka umwe na umwe wedu.
“Inini ndikada kuteveja bzauxoni, ndinogumihwa ngo uxaixi.”—VAROMA 7:21.
Zvisikwa zvese “bzinogomera, bzecitambujika, bzese pondhopo, inga pakubara, mbhera na nyamasi.”—VAROMA 8:22.
