Kudari ndisu tiri kuitisa kuti zvakashata zviitike, kangaije taizoita zviri zvese kuti tiitise nane matambujiko edu.

Kureva kuti vandhu ngovanoitisa kuti zvakashata zviitike? Amborangariranyi ngo muezaniso jinotevera:

• Zviro zvakashata zvinoizwa ngo vandhu.

  Sangano ro nyika yese rinovonerera ngo zvo uhomi (A Organização Mundial da Saúde) rinonanga kuti pakati po madhodha marongomuna, umwe wavo wakambotakwa pa kukura kwavo zve pakati po vanakaji vatatu umwe wavo wakaboitwa zvo vatano kana kuti kuizwa zvese zvo zviviri mu upenyu hwavo.

• Rufu.

  “Mukuzwirana no ripoti yo 2018 yo Sangano ro nyika yese rinovonerera ngo zvo uhomi zvinonangwa kuti mazana marongomuna no makumanomwe na nomwe o zviuru (477.000) zvo vandhu vakauraiwa mu nyika yese mu gore ro 2016.” Vamweni vanokwana kuita gumi ro mazana no mazana masere o zviuru (180.000) vakafa ngo hondo pomwe ngo zviro zvimweni.

• Zvineso zvo Uhomi.

  Musoro wakabudiswa wo bhuku rinozwi National Geographic, mutari anozwi Fran Smith wakananga kuti: “Mutengo unodarika bhirioni rimwe ro vandhu vanobhema foha, izvi zviri kuitisa kuti vandhu vave no zvineso zvo uhomi zviri kuuraya maningi vandhu, zvakadari inga: ndhendha jo mwoyo, kuima ko ngazi, ndhendha yo kufema, ndhendha yo mu mazazu kana kuti yo maphaphu no kanseri.”

• Maponero Akasiyana-siyana.

  Muzivi anozwi Jay Wtts anonanga kuti: “Urombo kuyenyana, mugariro wo vatizi vo hondo zve no mugariro wo kuphikizana, zvese izvi zvinoita kuti vandhu vave no maponero akasiyana-siyana, mukheto no zvineso zvo kuthimwa-thimwa maningi, pomwe no kuvora mwoyo.”

  JIJIRANYI ZVIZINJI

  Vonanyi vhidhio inoti, Ngenyi Mwari Wakarura Pasi? mu jw.org/ndc.

Matambujiko mazinji ari mu nyika nyamasi, anoitiswa ngo vandhu.

Kazinji, matambujiko anoitswa ngo utongi una umbau unoita kuti vandhu vanesehwe ngo upenyu.

“Vandhu vanotonga panyezuru po vamweni, kuti vavaxuphe”—MUCUMAERI 8:9.”

Tingaitisa nane matambujiko edu.

Mbhangiro jo Bhaibheri jinotibesera kuti tive no uhomi waushoni, zve no kugara ushoni no vandhu vamweni.

“Mwoyo wakanaka, uhomi hwo muviri; asi thima i ndhenda yo mu mafupa.”—MAZWI AKANGWARA 14:30.

“Kupsipa mwoyo kwese, kunyangajwa no runya, izwi rese rakarema nokuti ro kuxora, pamwepo no uxaixi hwese ngabzibude momuri.”—VAEFESO 4:31.