5 Kureva Kuti Matambujiko Anozopera Here?
Ngenyi Zvinosisira Kuziva Mupinguro wakona
Kuva no vetero yo kuti matambujiko anozopera zvinotibesejera kuti tive no mudakaro zve no kuda kuva shamwari ya Mwari.
Amborangariranyi Basi
Vandhu vakawanda vaizodakarira kupeja matambujiko ese ari munyika. Asi vandhu avakwanisi kuzviita. Amborangariranyi basi ngo muezaniso jinotevera:
Pikija no kubudirira ko kurapwa ko ndhendha . . .
-
Ndhendha jo mumwoyo jiri kuuraya maningi vandhu.
-
Kanseri iri kuuraya zviuru no zviuru zvo vandhu makore ese.
-
Pa bhuku rinobhuya ngo zvo uhomi, Dr. Dhavid Bloom wakatara kuti: Kutenderera nyika yese, vandhu vari kutambujika ngo ndhendha jo kupairirana jimweni jiripo kuvhira kare jimweni jabuda wari jimweni jaimbongepo kare.
Pikija nyika jimweni jakakhupuka maningi asi . . .
-
Kutenderera nyika yese, zviuru no zviuri zvo vana vadoko vari kufa maningi mundau jino urombo wakakura maningi.
-
Mabhirioni o vandhu vari kurarama vacina matubu anokweva kumwa yakapsipa kuti iirase, izvi zvinoitisa kuti vandhu vave vacina ukhirini waushoni.
-
Zviuru no zviuru zvo vandhu avana kumwa yaushoni kuti vamwe.
Pikija vamweni vecibatikana maningi pa kupsanga kuziva kuti mutemo unoti kudini . .
-
Kubiwa ko vandhu kuri kuengejeka mu nyika zinji. Mukuzwirana no ripoti yo Naçoes Unida, iyona yakati: Wiya acikabatikani pa kuhwisa uphanga nga “funge majiso ake ngo kuti aazivi kunasiririka kuti kuti ahwisane nahwo.”
JIJANYI ZVIZINJI
Vonanyi vhidhio inoti Icinyi Umambo hwa Mwari, mu jw.org/ndc.
Bhaibheri Rinonangenyi
Mwari anotikorondha.
Iyena anokaya-kaya paanotivona tecitambujika.
“Hina, ngokuti yena aazivi kunyenya urombo, aazivi kuvafisira hope yake, asi wakavazwira apo vakadanijira kwaari.”—NDUYO 22:25.
“Turanyi muthwaro wenyu kwaari, yena anozomukorondha.”—1 PEDRU 5:7.
Matambujiko aazorambi ariyo kwenda no kwenda.
Bhaibheri rinojijisa kuti zvese zvaakapikira Mwari zvinozokwanirisika sambiri pano.
“Mwari . . . anozopukusa misoji yo mu meso mavo, akucazovi no kufa nokuti mariji, kurira nokuti kuhwaja.”—APOKALIPSI 21:3, 4.
Mwari anozopeja matambujiko ese o vandhu.
Iyena anozozviita ecishandisa Umambo hwake, uhwo unonangwa ngo Bhaibheri kuti ngo hwo kadi-kadi.
“Mwari wo mugore anozozisa umambo hucikazopejwi, umambo hucikazotohwi ngo vandhu vamweni. . . Asi ihwona hunozogara mbhera narini.”—DANIELI 2:44.
