Se telpochtli itoka David akin kipia 23 xiuitl, okijto: “Ijkuak opejki nimoskaltia, opejki nechpaktiaj telpochmej. Onikijtouaya satepan ayakmo ijkon nikmachiliskia.

 David kineki kitlakamatis toTajtsin Dios porque momachtia Biblia. ¿Uelis kichiuas tlen tlanauatia toTajtsin Dios? ¿Ken kita toTajtsin Dios akin motlakakopa noso mosiuakopa?

•  ¿Tlen kijtoua Biblia?

•  ¿Kijtosneki . . . ?

•  Pero ¿tla . . . ?

 Miakej tlatlamantli mokuayejyekouaj ijkuak ikaj motlakakopa noso mosiuakopa, maski san kanin tiyetoskej tlatlamantli kitaj ijkuak ijkon kichiuaj. Pero akinmej tikchiuaj ken Cristo amo timokuayejyekouaj ken oksekimej. Nion tikchiuaj tlen yejuan techiluiaj, amo tiknekij ‘san kipapatlaskej totlalnamikilis ijkuak tikakih itla ok se yankuik tlamachtílistli’ (Efesios 4:14). Tiknekij tikchiuaskej tlen techmachtia Biblia porque tikmatij tlen kijtoua ijkuak ikaj motlakakopa noso mosiuakopa.

 Biblia techyekiluia ken kita toTajtsin Dios tla ikaj motlakakopa noso mosiuakopa. Matikitakan.

•  “Amo ximoteka iuan se tlakatl ijkon ken timoteka iuan se siuatl” (Levítico 18:22).

•  “Dios okinkajka makichijtinemikah san tlan pitsotik, [...] tlan amo kuali kelewia inkuerpo. Iwa axa asta n siwameh yomoixkopkeh iwa yopé mowilitah san yejwah” (Romanos 1:24, 26).

•  “Amo manomechkajkayawakah; porke nochteh akimeh kochtinemih itech tlajtlákoli, akimeh kinweyiliah diosmeh non kinmachijchiwah, akimeh momekatijtinemih, akimeh kichijtinemih tlan pitsotik iwa tetlajyalti, n tlakah non kinmelewiah n tlakah, n tlachtekeh, n tominápisteh, n tlawankeh, n tepojpojkeh, iwa akimeh tekajkayawah para tlachtekiskeh, mach kalakiskeh kan Dios tlanawatijtok” (1 Corintios 6:9, 10).

 Tlen techiluia toTajtsin Dios tinochtin techpaleuia, ik non, moneki timochijchikauaskej para uelis tikyolpaktiskej uan amo tikchiuaskej tlen techyoltilana uan tikyolkokoskej (Colosenses 3:5).

 ¿Kijtosneki Biblia techyoleua matikkokolikan akin motlakakopa noso mosiuakopa?

 Biblia amo ijkon tlamachtia, ompa kijtoua amo ikaj matikkokolikan. Techyoleua matimoyolseuijtokan inmiuan oksekimej maski okse tlamantli kichiuaj (Hebreos 12:14). Ik non, amo tikteneuaj, tiktlajyouiltiaj noso tikchiuiliaj itlaj tlen amo kuali akin motlakakopa noso mosiuakopa.

 ¿Kijtosneki akinmej tikchiuaj ken Cristo, titlapaleuiskej ijkuak kintlaliaj tlanauatilmej para uelis monamiktiskej akinmej motlakakopa noso mosiuakopa?

 Biblia kijtoua, toTajtsin Dios san kipaktia mamonamiktikan se tlakatl uan se siuatl (Mateo 19:4-6). Ik non, tejuan amo titlapaleuiaj ijkuak kijtouaj akinmej motlakakopa noso mosiuakopa uelis monamiktiskej. Nonmej tlanauatilmej kintlaliaj tekiuajkej uan tejuan amo timokajkalakiaj itech política (Juan 18:36).

 Pero ¿tla ikaj yomosiuakopki noso yomotlakakopki uelis kipatlas inemilis?

 Kema, uelis kipatlas inemilis. Biblia kijtoua itech achto siglo sekimej ijkon okichijkej. Ijkuak Pablo okintlajkuilili akinmej ochantiayaj Corinto, okijto akinmej omotlakakopayaj noso omosiuakopayaj amo yetoskiaj ijkuak Totajtsin Dios tlanauatiskia, Pablo noijki okijto: “Sikimeh de nomejwah achto ijkó ononkichijtinemiah” (1 Corintios 6:11).

 ¿Tla ikaj kipatla inemilis, kijtosneki amo keman oksepa kinekis motlakakopas noso mosiuakopas? Amo, porque Biblia kijtoua “ximoixtlamachtikah itech Cristo iwa ixmostla ximoyolpatlatiwiah para nonyetoskeh kemi n Totajtsi Akin otechchijchi” (Colosenses 3:10). Nin kijtosneki nochipa moneki itlaj tikpatlaskej itech tonemilis.

 Pero ¿tla ikaj kineki kichiuas tlen toTajtsin Dios kipaktia pero ok mokuayejyekoua motlakakopas noso mosiuakopas?

 Ijkuak itlaj techyoltilana tejuan tikpejpenaj kox tikchiuaskej noso amo. ¿Tlen techpaleuia? Biblia kijtoua: “Xikkawilikah manomechyakana n Espíritu, iwa ijkó amo nomechyoltilanas tlan amokuali kelewia nomokuerpo” (Gálatas 5:16).

 Nin texto amo kijtoua ayakmo mitsyoltilanas tlen amo kuali, ompa kijtoua tla tiktlajtoltia Biblia uan nochipa timotlatlaujtia mitspaleuis ijkuak itlaj mitsyoltilana, uan amo tikchiuaskej tlen amo kuali.

 Ijkon okichi David, sapanoua okipaleui ijkuak okinmilui itatajuan tlen okipanotoka. Ye okijto: “Axkan ayakmo nimotekipachoua, tla nikinmiluiskia notatajuan tlen onechpanotoka ijkuak onikatka nitelpochtli okachi niyolpakiskia”.

 Okachi tiyolpakij ijkuak tikchiuaj tlen kijtoua Jehová. Porque “itlanauatiluan Jehová melauakej, kichiuaj matiyolpakikan”, tla tikintlakamatij kuali tiyetoskej uan tiyolpakiskej (Salmo 19:8, 11).