¿Kiteititiaj profecías tlen moijtoua itech Biblia Jesús ye Mesías?
Biblia kijtoua
Kema. Ijkuak Jesús okatka nikan tlaltikpak, omochijkej miak profecías tlen okijtouayaj tlen kichiuaskia “Mesías akin Tlayekanki” uan ye akin “kinmakixtikis nochteh n tlaltikpaktlakah” (Daniel 9:25; 1 Juan 4:14). Maski okimiktijkej ok omochijkej okseki profecías (Salmo 110:1; Hechos 2:34-36, TNM).
¿Tlen kijtosneki “Mesías”?
Ika hebreo Maschíaj (Mesías) uan ika griego Kjristós (Cristo) kijtosneki “Akin okipejpenkej”. Ik non, Jesucristo kijtosneki “Jesús okipejpenkej” noso “Jesús ye Mesías”.
Yiuejkika ijkuak ikaj okipejpenayaj para tlanauatiskia, okitlaliliayaj aceite ipan itsonteko (Levítico 8:12; 1 Samuel 16:13). ToTajtsin Dios okipejpenki Jesús para ma yeto Mesías, kijtosneki ye tlanauatiskia (Hechos 2:36, TNM). Pero toTajtsin Dios amo okipejpenki Jesús ika aceite, ye okipejpenki ika espíritu santo (Mateo 3:16).
¿Uelis ikaj okse kichiuas profecías tlen kijtoua Biblia?
Amo. Ijkon ken ika tohuella san tejuan techixmatij, noijki ijkon ika profecías tlen katej itech Biblia techpaleuiaj ma tikixmatikan san se Mesías noso Cristo. Biblia technejmachtia: “Porke monextiskeh cristos iwa profetas tekajkayajkeh, iwa kinchiwaskeh wejweyi señales iwa milagros non ayik motikateh, kinkajkayawaskeh n tlakah iwa kinekiskiah asta akimeh Dios yokimpéjpenki” (Mateo 24:24).
¿Oksepa monextis Mesías?
Amo. Biblia okijto Mesías yetoskia ixui David, akin otlanauatiaya ompa Israel (Salmo 89:3, 4). Pero nochtin amamej kanin oijkuilitokaj intoka ixuiuan tekiua David okinpojpolojkej. Xamo okinpojpolojkej itech xiuitl 70 ijkuak Romanos okimoaxkatijkej Jerusalén. a Ik non, axkan amikaj uelis kijtos ixui tekiua David. Pero ijkuak Jesús okatka nikan tlaltikpak ok okatkaj amamej kanin oijkuilitoka intoka ixuiuan David uan akinmej okikokoliayaj Jesús okimatiayaj ye okatka ixui David (Mateo 22:41-46).
¿Keski profecías kijtouaj tlen kichiuaskia Mesías?
Itech Biblia tikajsij miak profecías. Ualeua tlatlamantli kajsikamatij profecías tlen tlajtoua itech Mesías. Itech Isaías 53:2-7 tikinmajsij miakej profecías tlen tlajtouaj itech Mesías. Sekimej kijtouaj ninmej versículos san se profecía uan oksekimej kijtouaj kipiaj miakej profecías.
Jesús okichi tlen Biblia okijtouaya kichiuaskia Mesías
Tlen opanok |
Profecía |
Ken omochi |
|---|---|---|
Ixui Abrahán |
Génesis 22:17, 18 |
|
Ixui Isaac, ikone Abrahán |
Génesis 17:19 |
|
Ouala itech tribu Judá |
Génesis 49:10 |
|
Okatka ixui ueyi tekiua David |
Isaías 9:7 |
|
Inantsin okatka se ichpochtli |
Isaías 7:14 |
|
Oneski ompa Belén |
Miqueas 5:2 |
|
Okitokayotijkej Emmanuel b |
Isaías 7:14 |
|
Ifamilia amo kipiaskia miak tomin |
Isaías 53:2 |
|
Satepan ijkuak otlakatki okinmiktijkej chokotsitsintin |
Jeremías 31:15 |
|
Kisaskia ompa Egipto |
Oseas 11:1 |
|
Kixmatiskiaj ken Nazareno c |
Isaías 11:1 |
|
Se tlakatl kijtoskia ualaskia Mesías |
Malaquías 3:1 |
|
Itech xiuitl 29 okipejpenkej ken Mesías d |
Daniel 9:25 |
|
Jehová okijto ye iKone |
Salmo 2:7 |
|
Okitlasojtlaya ikalijtik iTajtsin |
Salmo 69:9 |
|
Otetlapoui kuali tlajtoli |
Isaías 61:1 |
|
Ijkuak otetlapoui Galilea miakej okinpaleui |
Isaías 9:1, 2 |
|
Okichi milagros ijkon ken Moisés |
Deuteronomio 18:15 |
|
Otlajto ipatka toTajtsin Dios ken Moisés |
Deuteronomio 18:18, 19 |
|
Miakej okinpajti |
Isaías 53:4 |
|
Amo omoueyinekiaya |
Isaías 42:2 |
|
Okinmiknomatki akinmej otlajyouiayaj |
Isaías 42:3 |
|
Otlamachti imelajkayo toTajtsin Dios |
Isaías 42:1, 4 |
|
Akin kuali Tlanojnotsa |
Isaías 9:6, 7 |
|
Okitematilti itoka Jehová |
Salmo 22:22 |
|
Otlamachti ika neskayomej |
Salmo 78:2 |
|
Tlayekanki |
Daniel 9:25 |
|
Miakej amo okineltokakej ye okatka Mesías |
Isaías 53:1 |
|
Yetoskia ken se tetl tlen ika mokxitlanuiskej |
Isaías 8:14, 15 |
|
Miakej amo okiselijkej |
Salmo 118:22, 23 |
|
Okikokolijkej |
Salmo 69:4 |
|
Okalakito Jerusalén ipan se burrojkonetl |
Zacarías 9:9 |
|
Konemej okiueyichijkej |
Salmo 8:2 |
|
Ouala ipatka Jehová |
Salmo 118:26 |
|
Se iyolikni okitemakti |
Salmo 41:9 |
|
Okitemakti ika 30 platajtomin e |
Zacarías 11:12, 13 |
|
Iyolikniuan okikajtejkej iselti |
Zacarías 13:7 |
|
Miakej okiteluijkej |
Salmo 35:11 |
|
Ijkuak okiteluijkej amitlaj okijto |
Isaías 53:7 |
|
Okixchijchakej |
Isaías 50:6 |
|
Okiuitekej ipan itsonteko |
Miqueas 5:1 |
|
Okiuitekej |
Isaías 50:6 |
|
Amo omomakopki ijkuak okiuitekej |
Isaías 50:6 |
|
Tekiuajkej otlanauatijkej ma kimiktikan |
Salmo 2:2 |
|
Okipilojkej itech se kuauitl |
Salmo 22:16 |
|
Okimotlatlanilijkej itlaken |
Salmo 22:18 |
|
Okijtojkej otlajtlakolchi |
Isaías 53:12 |
|
Okipinauijkej |
Salmo 22:7, 8 |
|
Omotemakak ma kitlajyouiltikan inpatka miakej |
Isaías 53:5, 6 |
|
Omotaya toTajtsin Dios okika iselti |
Salmo 22:1 |
|
Okimakakej ma koni vinagre |
Salmo 69:21 |
|
Okinekiaya konis atl ijkuak yiixpoliuiskia |
Salmo 22:15 |
|
Innemilis okimaktili toTajtsin Dios |
Salmo 31:5 |
|
Oixpoliuik |
Isaías 53:12 |
|
Ika iyolilis okitlaxtla tlajtlakoli |
Isaías 53:12 |
|
Amo okipostekilijkej nion se iomio |
Salmo 34:20 |
|
Okitsoponilijkej se lanza |
Zacarías 12:10 |
|
Okitokakej iuan akinmej okipiayaj tomin |
Isaías 53:9 |
|
ToTajtsin Dios okiyoliti |
Salmo 16:10 |
|
Okipejpenki okse apóstol |
Salmo 109:8 |
|
Oksepa oyajki iluikak uan omotlali iyekma toTajtsin Dios |
Salmo 110:1 |
a Itech Cyclopedia tlen okijkuilojkej McClintock uan Strong kijtoua: “Ijkuak okipojpolojkej Jerusalén non tonal noijki okinpojpolojkej amamej kanin oijkuilitoka intoka nochi tribus uan familias judías”.
b Emmanuel ika hebreo kijtosneki “Touan Kajki ToTajtsin Dios”, ik non, san Jesús kinamiki yetos Mesías. Nochi tlen okichi nikan tlaltikpak okiteititi toTajtsin Dios kajki iuan akinmej kiueyichiuaj (Lucas 2:27-32; 7:12-16).
c Tlajtoli Nazareno ika hebreo moijtoua nétser uan kijtosneki “itlaj tlen moskaltia”.
d Tla tikneki tikmatis tleka Biblia kijtoua Mesías omonexti itech xiuitl 29, xikita tlen okijto profeta Daniel, ye okijto keman ualaskia Mesías.
e Nin profecía kajki itech amochtli Zacarías, pero Mateo okijto Jeremías okijkuilo nin profecía (Mateo 27:9). Xamo ijkon okijto porque amochtli Jeremías okatka achto itech amochmej tlen moixmati ken “profetas” (Lucas 24:44). Ik non, Mateo san okijto Jeremías pero profecía ijkuilitok itech amochtli Zacarías.
Xamo noijki mitspaktis
¡MA TITLACHIXTOKAN!
Se siuatl judía kijtoua tleka axkan okse tlamantli kineltoka
¿Tlen okipaleui Racquel Hall ma kineltoka Jesús ye Mesías?
