2 ¿Totlajtlakol titlajyouiaj?
¿Tleka moneki tikmatiskej?
Tla tejuan totlajtlakol, uelis itlaj tikchiuaskej uan ijkon ayakmo okachi titlajyouiskej.
Ximokuayejyeko nin tlamantli
Nikan moijtoua seki tlamantli tlen kichiua ma titlajyouikan. ¿Nochi nin totlajtlakol?
-
Tetlajyouiltiaj
Akinmej pouij itech Organización Mundial de la Salud kijtouaj sapanoua miakej tlakamej okintlajyouiltijkej ijkuak okatkaj konemej. Noijki sapanoua miakej siuamej kinuitekij noso tlakamej kinchiualtiaj inmiuan ma motekakan.
-
Ijkuak ikaj ixpoliui
Organización Mundial de la Salud okijkuilojkej Estadísticas sanitarias mundiales 2018 (ika inglés), okijtojkej: “Itech 2016 okinmiktijkej kanaj 477,000 (cuatrocientos setenta y siete mil) ipan nochi tlaltikpak”. Noijki itech guerras okinmiktijkej kanaj 180,000 (ciento ochenta mil).
-
Miakej mokokouaj
Se siuatl tlen itoka Fran Smith okijkuilo itech revista National Geographic: “Ipan nochi tlaltikpak kanaj mil millones tlachichinaj. Nin kichiua ma moketsa inyolo, ma ijtlakaui inkuatitix, ayakmo uelij mijyotiaj, motsakuaj inpulmones uan kinmajsi cáncer”.
-
Miakej mochikoitaj
Se psicóloga itoka Jay Watts, okijto: “Miakej motekipachouaj uan moyolkokouaj porque amo kipiaj tomin, kinchikoitaj uan kinchiualtiaj ma kikauakan inmialtepe”.
¿TIKNEKI TIKMATIS OKACHI?
Xikalaki itech jw.org uan xikita video ¿Tleka toTajtsin Dios okichijchi tlaltikpak?
Biblia kijtoua
Tejuan tikmotemoliaj miak ouijkayotl
Tekiuajkej amo kimatij ken tlanauatiskej, ik non, titlajyouiaj.
“Nochtin san nochipa motlajyouiltiaj ijkuak san yejuan monauatiaj” (ECLESIASTÉS 8:9).
¿Tlen tikchiuaskej para amo okachi titlajyouiskej?
Biblia techiluia ken tichikajtoskej uan ken uelis timouikaskej iuan oksekimej.
“Chikajtok akin kipia yolseuilistli pero akin chauati palani iomio” (PROVERBIOS 14:30).
“Xikkawakah nochi tlan nomechkuejsoa, iwa nomotlawelitalis, ayakmó ximotsatsajtsikah, nion ximowijwikaltikah, iwa xikmokixtilikah nochi tlan amokuali” (EFESIOS 4:31).
