Kineltokaj miak uelta tinesij itech okseki tlamantli. Noijki kijtouaj titlajyouiaj porque tikchiuaj tlen amo kuali. Kijtouaj ikaj ayakmo tlajyouia porque ajsi tonal kipia moksha, nin kijtosneki ayakmo nesis itech okseki tlamantli uan ayakmo motekipachos.

Musulmanes kineltokaj technamiki titlajyouiskej porque titlajtlakolejkej uan techyejyekouaj kox titlaneltokaj. Se tlakatl itoka Sayyid Syeed kiyekana Sociedad Islámica de América del Norte, okijto: “Ijkuak titlajyouiaj tikilnamikij moneki nochipa ma tiktlasojkamatilikan toTajtsin Dios tlen techmaka uan ma tikinpaleuikan akinmej amitlaj kipiaj”.

Kineltokaj titlajyouiaj porque tikchiuaj miak tlamantli amo kuali. Oksekimej judíos kijtouaj kinyolitiskej akinmej yoixpolikej uan kitaskej tleka sekimej otlajyouijkej tla amitlaj intlajtlakol. Pero okse tlamantli kineltokaj akinmej pouij itech judaísmo místico noso cabalístico. Kijtouaj ijkuak ikaj ixpoliui, itlaj kisa uan panoua itech okse tlalnakayotl uan uelis kichiuas tlen kuali uan ijkon kitlapojpoluiskej nochi tlen amo kuali okichi.

Kineltokaj miak uelta tinesij itech okseki tlamantli. Kijtouaj titlajyouiaj hasta ijkuak tikpatlaj tonemilis. Pero tla timochiuaj tiixtlamatkej uan kuali timokuayejyekouaj, kuali tiyetoskej ijkuak tikajsiskej nirvana, nin kijtosneki ayakmo keman titlajyouiskej.

Diccionario de religiones comparadas kijtoua akinmej kineltokaj Confucio, kijtouaj titlajyouiaj porque “miak tlamantli amo kuali tikchiuaj”. Noijki kineltokaj uelis “tiyolpakiskej” maski titlajyouiskej. Pero noijki kineltokaj techtlajyouiltiaj espíritus porque yejuan okachi chijchikauakej. Ik non, kijtouaj moneki tikseliskej tlen yikajki techpanos.

Yejuan kijtouaj titlajyouiaj porque techtlajchiuiaj. Kijtouaj tlachixkej uelis kichiuaskej ikaj ma kipia suerte noso itlaj ma kipano pero noijki uelis mopaleuis ika naualotl. Ik non, ijkuak yejuan mokokouaj yauij kinmitatiuij akinmej tetlajchiuiaj ma kinpajtikan uan itlaj ma kinchiuilikan akinmej okintlajchiuijkej.

Yejuan kineltokaj titlajyouiaj porque Adán uan Eva otlajtlakolchijkej ijkon ken kijtoua amochtli Génesis. Pero miakej opejki tlamachtiaj tlen yejuan mokuayejyekouaj. Sekimej católicos kineltokaj tla motlajyouiltiskej, toTajtsin Dios kinteochiuas uan kinmakixtis.