5 ¿Se tonal ayakmo titlajyouiskej?
¿Tleka moneki tikmatiskej?
Okachi tiyolpakiskej uan okachi kuali timouikaskej iuan toTajtsin Dios tla tikilnamiktoskej se tonal ayakmo titlajyouiskej.
Ximokuayejyeko nin tlamantli
Miakej ayakmo kinekij tlajyouiskej pero amitlaj ueli kichiuaj. Ma tikitakan tlen yokichijkej:
Maski onka miak pajtli...,
-
... ipan nochi tlaltikpak miakej ixpoliuij porque moketsa inyolo.
-
... sejse xiuitl miakej kinmajsi cáncer uan ixpoliuij.
-
... “miakej kinmajsi se kokolistli tlen amo kipia ipajyo. Noijki yokiski yankuik kokolistli uan okseki tlen okineltokayaj ayakmo yetoskia”. Ijkon okijkuilo se ixtlamatki itoka David Bloom itech revista Frontiers in Immunology.
Maski seki altepemej kipiaj miak tomin...,
-
... sejse xiuitl ixpoliuij miakej konemej porque amo kipiaj tlen kikuaskej.
-
... miakej chantij kanin onka miak tlajsoli.
-
... miakej amo kipiaj atl tlen uelis koniskej.
Maski katej okachi tlanauatilmej tlen ika timopaleuiaj...,
-
... itech miakej altepemej kinnemakaj tlakamej, siuamej uan konemej. Akinmej pouij itech Naciones Unidas okijtojkej ijkon panoua porque tekiuajkej amo kimatij tlen panotok noso amo ueli kintsakuaj akinmej ijkon kichiuaj.
¿TIKNEKI TIKMATIS OKACHI?
Xikalaki itech jw.org uan xikita video ¿Tlen iTekiuajkayo toTajtsin Dios?
Biblia kijtoua
ToTajtsin Dios kitekipachoua tlen techpanoua
Moyolkokoua ijkuak kita titlajyouiaj.
ToTajtsin Dios “kita tlen kipanoua akin kitlajyouiltiaj uan amo iselti kikaua. Ye kikaki ijkuak kitsajtsilia ma kipaleui” (SALMO 22:24).
“Nochi tlan nomechtekipachoah, xiktlalikah imak Dios, porke Ye [namechmaluia]” (1 PEDRO 5:7).
Amo nochipa titlajyouiskej
Biblia kijtoua toTajtsin Dios kichiuas ayakmo ma titlajyouikan.
ToTajtsin Dios “kinmixayowajwatsas nochteh, iwa ayakmó yetos mikílistli, nion chokílistli, nion neyolkókoli” (APOCALIPSIS 21:3, 4).
ToTajtsin Dios kipojpolos nochi tlen techtlajyouiltia
Biblia kijtoua kichiuas ika iTekiuajkayo.
“ToTajtsin Dios tlen kajki iluikak kitlalis se tekiuajkayotl tlen amo keman kitlajtlamiskej. Nin tekiuajkayotl amo kiuikaskej itech okse altepetl. [...] Uan ye nochipa yetos” (DANIEL 2:44).
