Xijxiujtika, itaixpantijkauan Jehová uan miakej akin kinyoleuaj mosentiliaj noyampa taltikpak para kielnamikiskej imikilis Jesús ijkon kemej yejua tanauatij (Lucas 22:19). Nejin techpaleuia maj tiktasojkamatikan tein Jesús kichiuak keman toka motemakak uan tikitaj keniuj uelis techpaleuis axkan uan no satepan (Juan 3:16).

 Komo touan tionmosentilij nejin xiuit keman tikelnamikkej imikilis Jesús oso amo, ¿toni moneki tikonchiuas para mitsonpaleuis imikilis Jesús? Yejua tamachtij ke moneki tikchiuaskej ome taman tein semi moneki:

1.  1. Xionmomachti tein kijtoua Dios uan Jesús. Keman Jesús kitataujtij iTajtsin, kijtoj: “Para nemiskej nochipaya moneki mitsixmatiskej tejua, akin yekmelauj tiDios, uan no moneki kiixmatiskej akin tikualtitanik, Jesucristo” (Juan 17:3).

2.  2. Xikonchiua tein tionmomachtia. Jesús kinextij ke moneki tikchiuaskej tein yejua tamachtij. Ijkon kinextij keman tamachtij itech se tepet. Kijtoj ke semi kuali komo ‘tikchiuaj tein techiluia’ (Lucas 6:46-48). Uan okse tonal kijtoj: “Axkan ke nankimatij nejin, nanyolpakiskej komo nankichiuaj” (Juan 13:17).

 ¿Tikonuelitaskia tionmomachtis tein kijtoua Dios uan Jesús? ¿Tikonuelitaskia tikonmatis toni mitsonpaleuis xikonchiua tein tionmomachtia? Nikan moajsi seki taman tein uelis mitsonpaleuis.

 Tein tikinmachtiaj ika Biblia kinpaleuiani miakej maj kiitakan toni tamachtia nejin amatajkuilol uan keniuj uelis kichiuaskej tein momachtiaj.

•   Xikonita taxelol Nemachtil ika Biblia kampa momelaua tein uelis timitsonmachtiskej ika Biblia.

•   Xikonita video Kuali xionmomachili tionmomachtis Biblia para tikonmatis keniuj tiitaixpantijkauan Jehová titamachtiaj ika Biblia.

 Itaixpantijkauan Jehová kipiaj kalmej kampa mosentiliaj ojpa semana. Ompa timomachtiaj tein kijtoua Biblia uan tikitaj keniuj uelis tikchiuaskej tein timomachtiaj.

 Akin yeski uelis yas, amo sayoj akin ompa poujtokej. Komo ueli mosentiliaj itech kali kampa monechikouaj, uelis ompa tionyas, uan komo amo ueli mosentiliaj ompa, uelis tikonkakis ika videoconferencia.

•   Xikonita video ¿Keniuj tikchiuaj tonechikoluan? kampa kijtoua seki taman tein mochiua keman timosentiliaj.

•   Xikontemo kani uelis tionyas kampa kijtoua Xionyoui nechikolmej tein kipiaj itaixpantijkauan Jehová.

 Tataman tamachtilis uan videos tein nikan moajsij uelis mitsonpaleuis xikonmati tein Jesús tamachtij uan keniuj techpaleuia imikilis Jesús.

 Para tikonmatis keniuj imikilis sayoj se takat kinpaleuia tel miakej, xikonlero tamachtilis “¿De qué manera nos salva Jesús?” uan “¿Keyej tajyouij uan momikilij Jesús?” oso xikonita video ¿Keyej momikilij Jesús?