¿Nopa tlajtolpanextili tlen ijkuilijtok ipan Biblia kinextia Jesús elki Mesías?
Tlen Biblia kiijtoua
Kena. Kema Jesús itstoya ipan Tlaltipaktli, kiaxitik miak tlajtolpanextili tlen kinextik ya eliyaya nopa “Mesías” katli eliskia “inintemakixtijka nochi tlen itstokej ipan ni Tlaltipaktli” (Daniel 9:25; 1 Juan 4:14). Uan kema Jesús mijki, nojua kiaxitik sekinok tlajtolpanextili tlen kamanalti tlen nopa Mesías (Salmo 110:1; Hechos 2:34-36).
¿Tlake kiijtosneki tlajtoli Mesías?
Ipan hebreo, nopa tlajtoli Maschíaj (Mesías) uan ika griego nopa tlajtoli Kjristós (Cristo) kiijtosneki “Tlapejpenili”. Uajka, Jesucristo kiijtosneki “Jesús katli kitlapejpenijtokej” o “Jesús, nopa Mesías”.
Biblia kiijtoua uejkajkia kema kitlapejpeniyayaj se akajya tlen kiseliskia se tekitl tlen tlauel ipati, kitekiliyayaj aceite ipan itsonteko (Levítico 8:12; 1 Samuel 16:13). ToTeotsij kimakak Jesús se tekitl tlen tlauel ipati, kitlapejpenik ma eli nopa Mesías (Hechos 2:36). Kema toTeotsij kitlapejpenik Jesús, amo kitekilik aceite, ya kitlapejpenik ika itonal tlatsejtseloltik (Mateo 3:16).
¿Ueliskiaj sekinok maseualmej kiaxitisej nopa tlajtolpanextili tlen Mesías?
Amo. Kej se huella digital kinextia ajkia eli se maseuali, nopa tlajtolpanextili tlen uala ipan Biblia kinextia ajkia eli nopa Mesías, o Cristo. Uan nojkia, Biblia kiijtoua: “Ualasej miakej tlakajkayauanij tlen kiijtosej yajuantij Cristo, o yajuantij teokamanalouanij. Uan kichiuasej uejueyi tlaneskayotl uan chikaualneskayotl para intla ueliskiaj kinkajkayauaskiaj. Hasta kinkajkayauaskiaj yajuantij tlen toTeko kintlapejpenijtok” (Mateo 24:24).
¿Teipa sampa ualas Mesías?
Amo. Biblia kiijtoua Mesías eliskia se tlen iteipaixuiuaj David, katli eliyaya se tlanauatijketl tlen Israel (Salmo 89:3, 4). Nama amo uelis tijmatisej ajkia inijuantij elij iteipaixuiuaj David pampa nopa amatl kampa nesiyaya inintoka, ixpolijki kema romaeuanij kitsontlamiltijkej Jerusalén ipan xiuitl 70. a Yeka, amo aka uelis kinextis tlaj eli se tlen iteipaixuiuaj David. Kema Jesús itstoya kena eltoya nopa amatl, yeka ikualankaitakauaj kimatiyayaj Jesús eliyaya se iteipaixui David (Mateo 22:41-46).
¿Keski tlajtolpanextili tlen Mesías uala ipan Biblia?
Amo uelis tikijtosej keski tlajtolpanextili onka tlen nopa Mesías, pampa maseualmej amo sanse kej kipouaj nopa tlajtolpanextili tlen uala ipan Biblia. Ipan Isaías 53:2-7 kiijtoua miak tlamantli tlen kipanoskia uan moaxitiskia ipan Mesías. Se keskij maseualmej moiljuiaj eli san setsi tlajtolpanextili tlen nikaj kiijtoua, uan sekinok moiljuiaj eli miak tlajtolpanextili.
Se keski tlajtolpanextili tlen moaxitik ipan Jesús
Tlen panok |
Tlajtolpanextili |
Kej moaxitik |
---|---|---|
Iteipaixui Abraham |
Génesis 22:17, 18 |
|
Iteipaixui Isaac, ikone Abraham |
Génesis 17:19 |
|
Elki tlen Judá ichampoyouaj |
Génesis 49:10 |
|
Elki tlen ichampoyouaj tlanauatijketl David |
Isaías 9:7 |
|
Inana amo motektoya iuaya se tlakatl |
Isaías 7:14 |
|
Tlakatki ipan Belén |
Miqueas 5:2 |
|
Kitokaxtijkej Emmanuel b |
Isaías 7:14 |
|
Tlakatki kampa amo tlatominpiayayaj |
Isaías 53:2 |
|
Kinmiktijkej miakej konemej kema ya tlakajtoya |
Jeremías 31:15 |
|
Kiski tlen tlali Egipto |
Oseas 11:1 |
|
Kiixmatkej kej Nazareno c |
Isaías 11:1 |
|
Se tlayolmelajketl kikualtlalik iojui |
Malaquías 3:1 |
|
Kitlapejpenijkej kej Mesías ipan xiuitl 29 d |
Daniel 9:25 |
|
ToTeotsij kiijtok eliyaya iKone |
Salmo 2:7 |
|
Kiiknelik ichaj toTeotsij ika nochi iyolo |
Salmo 69:9 |
|
Kimoyajki nopa kuali tlamachtili |
Isaías 61:1 |
|
Kema tlajtolmoyajki ipan Galilea kejuak kintlauilik |
Isaías 9:1, 2 |
|
Kichijki uejueyi tlamantli sanse kej Moisés |
Deuteronomio 18:15 |
|
Kej Moisés, nojkia kiniljuik sekinok tlen toTeotsij kinauatiyaya |
Deuteronomio 18:18, 19 |
|
Kinchikajki katli mokokouayayaj |
Isaías 53:4 |
|
Amo kinekiyaya sekinok san ya ma kitlachilikaj |
Isaías 42:2 |
|
Kintlasojtlak katli tlaijiyouiyayaj |
Isaías 42:3 |
|
Tlamachtik toTeotsij kichiua tlen xitlauak |
Isaías 42:1, 4 |
|
Katli tlauel kuali tetlajtolmaka |
Isaías 9:6, 7 |
|
Tlamachtik toTeotsij itoka Jehová |
Salmo 22:22 |
|
Kitekiuik neskayotl kema tlamachtik |
Salmo 78:2 |
|
Se Tlayakanketl |
Daniel 9:25 |
|
Miakej amo kineltokakej |
Isaías 53:1 |
|
Tetl tlen ika motepotlamiskiaj |
Isaías 8:14, 15 |
|
Amo kinejkej kiselisej |
Salmo 118:22, 23 |
|
Kikualankaitakej maske amo tleno kichijtoya |
Salmo 69:4 |
|
Kiueyichijkej kema kalajki Jerusalén ipan se burro |
Zacarías 9:9 |
|
Konemej kiueyichijkej |
Salmo 8:2 |
|
Ualajki ika Jehová itoka |
Salmo 118:26 |
|
Kitemaktilik se iuampo |
Salmo 41:9 |
|
Kinamakakej ika 30 platatomij e |
Zacarías 11:12, 13 |
|
Kitlauelkajkej iuampoyouaj |
Zacarías 13:7 |
|
Kiistlakauijkej |
Salmo 35:11 |
|
Amo tlanankilik kema kitlaijiljuijkej |
Isaías 53:7 |
|
Kichajchakej |
Isaías 50:6 |
|
Kimakilijkej ipan itsonteko |
Miqueas 5:1 |
|
Kiuijuitejkej |
Isaías 50:6 |
|
Amo momanauik kema kimakilijkej |
Isaías 50:6 |
|
Tlanauatianij mopaleuijkej pampa kinekiyayaj kimiktisej |
Salmo 2:2 |
|
Kilavosminkej iikxi uan imax ipan se kuauitl |
Salmo 22:16 |
|
Mauiltijkej kema momajmakakej iyoyo |
Salmo 22:18 |
|
Kiitakej kej se tlajtlakolchijketl |
Isaías 53:12 |
|
Kitlaijiljuijkej uan kipinajtijkej |
Salmo 22:7, 8 |
|
Kinejki techmakixtis tlen totlajtlakoljuaj |
Isaías 53:5, 6 |
1 Pedro 2:23-25 |
Neski kejuak toTeotsij kitlauelkajtoya |
Salmo 22:1 |
|
Kimakakej vinagre ika “se pajtli tlen chichik” |
Salmo 69:21 |
|
Kema nechka mikiskia, amijki |
Salmo 22:15 |
|
Kitlalik inemilis imako toTeotsij |
Salmo 31:5 |
|
Temaktilik inemilis |
Isaías 53:12 |
|
Motemaktilik uan kiampa kiixtlajki tlajtlakoli |
Isaías 53:12 |
|
Yon se iomiyo kipostekilijkej |
Salmo 34:20 |
|
Kielchikikoyonijkej |
Zacarías 12:10 |
|
Kitlalpachojkej kampa tlatominpianij |
Isaías 53:9 |
|
Kiyolkuikej |
Salmo 16:10 |
|
Kipatlakej katli kitemaktilik |
Salmo 109:8 |
|
Moseuik toTeotsij imanejmak |
Salmo 110:1 |
a Nopa Cyclopedia tlen McClintock uan Strong kiijtoua: “Timotemachiaj nopa amatl kampa kiijtouayaya ajkia ininchampoyouaj judíos polijki kema kitsontlamiltijkej Jerusalén, pampa achtouia kena kipixtoyaj nopa amatl”.
b Nopa tokajyotl hebreo Emmanuel, kiijtosneki “ToTeotsij itstok touaya”, uan kuali kinextia tlen kichijki Jesús kej Mesías. Tlen kichijki kema itstoya ipan Tlaltipaktli, kinextik toTeotsij kinpaleuia katli kiueyichiuaj (Lucas 2:27-32; 7:12-16).
c Nopa tlajtoli Nazareno uala tlen tlajtoli hebreo nétser uan kiijtosneki “ichamanka”.
d Tlaj tijneki tijmatis kenijkatsa Biblia kiijtok asiskia Mesías ipan xiuitl 29, xijtemo nopa tlamachtili “Tlajtolpanextijketl Daniel kiijtok kema asiskia Mesías”.
e Ni tlajtolpanextili ijkuilijtok ipan amochtli Zacarías, uan Mateo kiijtok “teokamanalojketl Jeremías uejkajkia kiijkuilok” (Mateo 27:9). Kemantika, nopa amochtli tlen Jeremías kiijkuilok, kitlaliyayaj achtoui kampa eltok nochi amochtli tlen kiixmatij kej Tlajtolpanextianij (Lucas 24:44). Yeka, kema Mateo kiijtok “Jeremías” moiljuik ipan nochi nopa amochtli tlen tlajtolpanextianij kiijkuilojkej, uan nojkia tlen kiijkuilok Zacarías.