Yɩɩn-sõamyã sebre 86:1-17
A Davɩɩd pʋʋsgo.
86 Zeova, kɩll-y y tʋbr n kelg* la y leok maam,bala mam namsdame, n le yaa naong soaba.+
2 Kogl-y mam yõorã,* bala mam maanda sɩda.+
Fãag-y yãmb tʋm-tʋmdã sẽn teeg yãmbã,yãmb sẽn yaa mam Wẽnnaamã yĩnga.+
3 Zeova, zoe-y mam nimbãanega,+bala mam boonda yãmb daarã tõre.+
4 Zeova, kɩt-y tɩ y tʋm-tʋmdã* kɩdem sũ-noogo,mam sẽn wẽnemd* n tees yãmbã yĩnga.
5 Bala yãmb a Zeova yaa sõma,+ la y kõt sugr wʋsgo.+Yãmb pida ne maan-neere, neb nins fãa sẽn boond yãmbã yĩnga.+
6 Zeova, kelg-y mam pʋʋsgã,la y kelg mam sẽn kot sõngrã.+
7 Mam boonda yãmb m yel-pakr daare,+bala yãmb na n leoka maam.+
8 Zeova, wẽnnaam-dãmbã sʋka, wẽnnaam kae n yaa wa yãmb ye.+Yãmb tʋʋmã ka to ye.+
9 Zeova, buud toɛy-toɛyã fãa yãmb sẽn naanãna n waame, n wõgemd yãmb taoore,+la b waoog yãmb yʋʋrã.+
10 Bala yãmb yaa kãsenga, n maand bõn-kãsemse.+Yãmb yaa Wẽnnaam, yãmb y ye tãa.+
11 Zeova, zãms-y maam yãmb sorã.+
Mam na n kẽna yãmb sɩdã pʋgẽ.+
Kɩt-y tɩ mam zoe yãmb yʋʋrã+ ne m sũur fãa.*
12 Mam Wẽnnaam a Zeova, mam na n pẽga yãmb ne m sũurã fãa.+Mam na n pẽga yãmb yʋʋrã wakat fãa yĩnga,
13 bala yãmb maana maam neer wʋsgo.Yãmb fãaga mam vɩɩmã* Yaoogã* zĩ-zulumsẽ wã.+
14 Mam Wẽnnaam, tɩtaam dãmb n yik n na n zab ne maam.+Nin-toos sull n baood n na n yãk mam yõorã.*B toog kae ne yãmb ye.*+
15 La yãmb a Zeova yaa Wẽnnaam sẽn yaa nimbãan-zoɛta, la sõmblem soaba,sũur sẽn pa yikd tao-tao, sẽn pid ne maan-neer la kɩs-sɩda.*+
16 Wẽnemd-y n ges-y maam, la y zoe m nimbãanega.+
Kõ-y yãmb tʋm-tʋmdã y pãngã,+la y fãag y yem-poakã biigã.
17 Wilg-y maam y sõmblmã bãnde,*sẽn na yɩl tɩ sẽn kis-b maamã yã tɩ yãnd yõk-ba.
Bala Zeova, yãmb yaa mam sõangd la m bɛlsda.
Vẽnegr toor-toore
^ Bɩ, “sulg-y n kelg-y.”
^ Bɩ, “mam sɩɩgã.”
^ Bɩ, “y tʋm-tʋmdã sɩɩgã.”
^ Bɩ, “mam sẽn zẽk m sɩɩgã.”
^ Bɩ, “Kõ-y maam sũur sẽn pa pʋɩ ye.”
^ Ges-y gom-biis võor bilgrã zĩigẽ.
^ Bɩ, “sɩɩgã.”
^ Bɩ, “n baood mam sɩɩgã.”
^ Bɩ, “B pa ning yãmb b taoor ye.”
^ Bɩ, “sɩda.”
^ Bɩ, “kaseto.”
