Yɩɩn-sõamyã sebre 46:1-11
Yɩɩlã taoor soab yĩnga. A Koore+ kom-dibli wã yɩɩlle. Yɩɩndame tɩ zems ne Alamote.* Yɩɩlle.
46 Wẽnnaam yaa tõnd soondg zĩiga, la d pãnga.+Yel-pakr wakate, d tõe n paama sõngr a nengẽ nana-nana.+
2 Rẽ n so tɩ tõnd pa yɛɛsde, baa tẽngã sã n wa rigimdi,baa tãensã sã n sirg n kẽ mogrã ko-zulumsẽ wã,+
3 baa mogrã koom sã n maand bʋrg n wukd puudu,+la baa a rãmbgã sã n kɩt tɩ tãensã rigimdidẽ. (Sela)
4 Kʋɩlg n be t’a ko-soayã kõt Wẽnnaam galʋ-tẽngã sũ-noogo,+Sẽn ka-a to wã ro-kãsengã sẽn yaa sõngã.
5 Wẽnnaam bee galʋ-tẽngã pʋgẽ.+ Ned pa tõe n zab n deeg-a ye.
Wẽnnaam na n wa sõnga galʋ-tẽngã zĩigã yẽegr sasa.+
6 Buud toɛy-toɛyã gudgame. Soolem toɛy-toɛyã lʋɩɩme.Wẽnnaam zẽka a koɛɛga, tɩ tẽngã yẽnege.+
7 Tãb-biis naab a Zeova bee ne tõndo.+A Zakoob Wẽnnaamã yaa tõnd soondg zĩig meng-menga. (Sela)
8 Wa n ges-y-yã a Zeova tʋʋmã.A sɩd maana bõn-kãsems tẽngã zugu.
9 A kɩtdame tɩ zab sa dũniyã gill fãa.+
A kaooda tãbdo, la a kʋʋsd kãna.A yõogda zabr saar-dãmb* bugum.*
10 “Bas-y kɩɩsgã, la y bãng tɩ mam yaa Wẽnnaam.
Mam na n paama waoogr bu-zẽmsã sʋka.+Mam na n paama waoogr tẽngã zugu.”+
11 Tãb-biis naab a Zeova bee ne tõndo.+A Zakoob Wẽnnaamã yaa soondg zĩig meng-meng tõnd yĩnga.+ (Sela)
Vẽnegr toor-toore
^ Ges-y gom-biis võor bilgrã zĩigẽ.
^ Yaa bũmb sẽn wõnd sarɛt tɩ wed-moos tatẽ.
^ Pa rẽ bɩ, “A yõogda gãndã ne bugum.”
