I Vyani Vino Baibo Yalanda pa Kusindula?
Vino Baibo yalandapo
Baibo italanda umu kulungatika pa kusindula. a Lelo, vino yalanda pa umi ni mfwa vikatwazwa sana. Ukukoma kutazumiliziwa, nomba citanga cilondekwe ukwezya sana na maka ukutantalizya uumi lino iciloleka paswe ukuti umuntu ali umu kufwa.
Baibo ikati Leza ali Kaumba witu, “intendekelo ya umi.” (Masamu 36:9; Milimo 17:28) Leza wacindika sana umi. Fwandi ali mulandu uno Leza atazumilizizya umuntu ukukoma umuntu muze nanti umuntu umwineco ukuikoma. (Kufuma 20:13; 1 Yoane 3:15) Nupya Baibo ikati tulinzile ukwezya na maka ukucingilila umi witu nu umi wa yantu yauze. (Malango 22:8) Fwandi Leza akalonda twacindika sana umi.
Nga ndi cakuti umuntu watalwalisya icakuti atanga apole?
Baibo itazumilizya ukukoma umuntu nanti icakuti iciloleka apaswe ukuti asikupola. Icacitiike uku Mwene Saulo uwa ina Izlaeli cikatungilila icisinka cii. Lino wacisike sana umu ulwi, wanenyile umuomvi wakwe ukuti amumalilile sile. (1 Samueli 31:3, 4) Umuomvi wakwe Saulo wakanyile. Nomba umuntu muze wizile asomba ukuti wacisile vino Saulo walondanga kuli kuti ukumumalilila. Davidi wapingwile umuntu wiya ukuti wali inkomi. Wamupingwile vivyo pano walolanga umi wakwe vino Leza akaulola.—2 Samueli 1:6-16.
Uzye tulinzile sile ukutantalizya umi na lino umuntu atanga apole?
Ndi cakuti iciloleka ukuti umuntu amafwa, Baibo itaalanda ukuti tulinzile ukwezya na maka ukutantalizya umi. Lelo Baibo ikalanda ivyuvwike. Imfwa u mulwani witu umwipisye, tukafwa pa mulandu nu luyembu. (Loma 5:12; 1 Kolinto 15:26) Nanti icakuti tusilonda ukufwa, tutalinzile ukutiina imfwa, pano Leza walaya ukuti alatuutulula afwe. (Yoane 6:39, 40) Umuntu uwacindika umi akalonda ukulwaziwa ukusuma ukwayako. Lelo ukucita vivyo kusipiliula ukulonda ukulwaziwa ukungatantalizya umi na lino iciloleka apaswe ukuti umuntu asikupusuka.
Uzye ukuikulika u luyembu luno Leza atanga aeleele umuntu?
Awe, Baibo itaalanda ukuti ukuikulika kwaya pa maifyo yano Leza atanga aeleele umuntu. Nanti icakuti ukuikoma u mulandu uwipisye, b Leza akamanya ivikalenga antu yamwi ukuikulika wakwe indwala ya mu melenganyo, ukusakamikwa sana, nanti sile vino umuntu waya ivingalenga alondesya ukuikulika. (Masamu 103:13, 14) Muli Baibo mwaya amazwi aafuma kuli Leza aakakomelezya antu aali ni ntazi izipisye. Nupya Baibo ikati: “Asuma na aipe, yalazyukuka kufuma ku afwe.” (Milimo 24:15) Amazwi yaa yakalangilila ukuti kwaya upaalilo wa kuti na antu kwene aluvyanyizye sana, Leza angaca ayatuutulule, pali yayo paaya na yano yaikuliike.
a Ukusindula umuntu uwatalwalisya, nanti ukukoma umuntu pa mulandu nu luse pakuti atatwalilila ukucula, kwalondololwa ukuti u “kukoma umuntu uwatalwalisya nanti uwatacisika sana pakuti atatwalilila ukucula sile.” (Merriam-Webster Learner’s Dictionary) Ndi cakuti dokota wazwilizya umulwale ukuti afwe sile ate ukucula, yakati dokota wazwilizya umuntu ukuikoma.
b Muli Baibo mwaya sile antu anono aikuliike alumbulwa aatacisile ivintu ukulingana na vino Leza akalonda.—2 Samueli 17:23; 1 Yamwene 16:18; Mateo 27:3-5.
Limwi Mungatemwa Ukulolako na Vii
LUPUNGU LWA MULINZI
Lino Mwalwalika
Uzye amu lupwa yangasakamala uli umwi umu lupwa ndi cakuti watalwalisya? Uzye akusakamala umulwale yangazizimizya uli insita yonsi lino yakusakamala umulwale?
MASAMBILILO AA MULI BAIBO AACINDAME
U Mulandu ci Uno Leza Atalesezya Ucuzi?
Antu aingi yakauzya umulandu uno umu nsi mwavulila ulupato nu ucuzi. Vino Baibo ikaasuka vikatukomelezya nu kututeekezya.
MASUKO KU MAUZYO AMULI BAIBO
Nkulonda Kufwa—Uzye Baibo Ingangazwa Ndi Cakuti Nkwelenganya pa Kuikoma?
U kusunda ci ukwa muli Baibo ukungazwa umuntu akulonda ukuikoma?
PALI SWESWE
Leengini Ukuti ya Nte Yakwe Yeova Yakamutandalile
Mukalanzyanye ivya muli Baibo na ya Nte Yakwe Yeova, nanti mukeezyeko ukusambilila Baibo ukuomvya inzila ino twatantika.